IND vs SA: సెంచూరియన్లో సెంచరీ కొట్టిన భారత వికెట్ కీపర్.. ధోని రికార్డును బద్దలు కొట్టిన యంగ్ ప్లేయర్..!
Rishabh Pant: రిషబ్ పంత్ 2018లో ఇంగ్లండ్ పర్యటనలో తన టెస్ట్ కెరీర్ను ప్రారంభించాడు. అప్పటి నుంచి అతను క్రమంగా భారత జట్టులో నంబర్ వన్ వికెట్ కీపర్గా మారాడు.
దక్షిణాఫ్రికాతో జరుగుతున్న సెంచూరియన్ టెస్టులో మూడో రోజు భారత బౌలర్లు అద్భుతంగా బౌలింగ్ చేసి దక్షిణాఫ్రికాకు వరుస షాక్లు ఇచ్చారు. భారత ఫాస్ట్ బౌలర్లకు వికెట్ కీపర్ రిషబ్ పంత్ బాగా మద్దతు ఇచ్చాడు. అతను వికెట్ల వెనుక క్యాచ్ తీసుకోవడంలో ఎటువంటి పొరపాటు చేయలేదు. దీనితో సెంచరీ పూర్తి చేస్తున్నప్పుడు రికార్డు కూడా సృష్టించాడు.
రిషబ్ పంత్ టెస్ట్ క్రికెట్లో 100 వికెట్లు పూర్తి చేశాడు. అతి తక్కువ మ్యాచ్లలో ఈ మైలురాయిని చేరుకున్న భారత వికెట్ కీపర్గా నిలిచాడు. మహ్మద్ షమీ బౌలింగ్లో టెంబా బావుమా క్యాచ్ పట్టడం ద్వారా పంత్ 100 వికెట్ల వేటను పూర్తి చేశాడు. దీంతో మహేంద్ర సింగ్ ధోని భారత రికార్డును బద్దలు కొట్టాడు.
గొప్ప భారత కెప్టెన్, వికెట్ కీపర్ ధోనీ 36 టెస్టు మ్యాచ్ల్లో 100 మంది బాధితులను చేయగా, పంత్ కేవలం 26 టెస్టుల్లోనే ఈ ఘనత సాధించాడు. పంత్ 2018లో ఇంగ్లండ్లో టెస్టుల్లో అరంగేట్రం చేశాడు. అతను ఇప్పటివరకు 92 క్యాచ్లు, 8 స్టంపింగ్లు చేశాడు.
అతి తక్కువ మ్యాచ్ల్లో 100 వికెట్లు పడగొట్టిన రికార్డు ఆస్ట్రేలియా గ్రేట్ కీపర్ ఆడమ్ గిల్క్రిస్ట్, లెజెండరీ సౌతాఫ్రికా కీపర్ క్వింటన్ డి కాక్ పేరిట ఉంది. ఇద్దరు కీపర్లు కేవలం 22 టెస్టుల్లోనే 100 వికెట్లను పడగొట్టారు.