IND vs NZ ODI Series: కివీస్‌తో వన్డే సిరీస్.. ఈ నలుగురు బెంచ్‌కే ఫిక్స్.. ఎందుకంటే?
IND vs NZ ODI Series: న్యూజిలాండ్ పర్యటనలో టీ20 సిరీస్ నవంబర్ 1తో ముగిసింది. ఇక నవంబర్ 4 నుంచి ఐదు వన్డేల సిరీస్ మొదలవుతోంది. ఈ సిరీస్‌కు బీసీసీఐ రెండు జట్లను ప్రకటించగా, మొత్తం 20 మంది ఎంపికైనా ఐదు మ్యాచ్‌లకు అందుబాటులో ఉండేది 11 మందే. దీంతో కుమార్ కుశాగ్ర, అన్షుల్ కంబోజ్, యశ్ ఠాకూర్, తిలక్ వర్మలకు తుది జట్టులో చోటు దక్కే అవకాశాలు చాలా తక్కువగా కనిపిస్తున్నాయి.
IND vs NZ ODI Series: న్యూజిలాండ్ టూర్‌లో టీమిండియా ఐదు మ్యాచ్‌ల టీ20 సిరీస్ ముగియడంతో ఇప్పుడు అందరి దృష్టి వన్డే సిరీస్‌పై పడింది. నవంబర్ 4 నుంచి ప్రారంభమయ్యే ఈ సిరీస్‌లో ఇరు జట్లు 5 వన్డేలు ఆడనున్నాయి. చివరి రెండు మ్యాచ్‌లకు టెస్ట్ జట్టులోని కొందరు కీలక ఆటగాళ్లు అందుబాటులో ఉండరు. అందుకే బీసీసీఐ రెండు స్క్వాడ్‌లను ప్రకటించింది. తొలి మూడు వన్డేల్లో శుభ్‌మన్ గిల్ (Shubman Gill) కెప్టెన్‌గా వ్యవహరిస్తాడు. ఆ తర్వాత శ్రేయస్ అయ్యర్ (Shreyas Iyer) జట్టు పగ్గాలు చేపడతాడు. రెండు స్క్వాడ్‌లు కలిపి 20 మందిని ఎంపిక చేసినా, ఐదు వన్డేలకూ అందుబాటులో ఉండేది 11 మందే. ఈ నేపథ్యంలో బెంచ్‌కే పరిమితమయ్యే అవకాశం ఉన్న నలుగురు ఆటగాళ్ల గురించి చూద్దాం.
1. కుమార్ కుశాగ్ర (Kumar Kushagra): తొలి మూడు వన్డేల స్క్వాడ్‌లో ప్రధాన వికెట్ కీపర్ కేఎల్ రాహుల్‌తో పాటు ఇషాన్ కిషన్ కూడా ఉన్నాడు. ఇషాన్ బ్యాకప్ కీపర్‌గా ఉంటాడు. చివరి రెండు మ్యాచ్‌ల్లో రాహుల్ లేకపోవడంతో కీపింగ్ బాధ్యతలు అతడిపైనే ఉంటాయి. అందుకే నాలుగు, ఐదో వన్డేలకు రెండో వికెట్ కీపర్‌గా ఎంపికైన కుశాగ్రకు తుది జట్టులో అవకాశం కనిపించడం లేదు. టీ20 సిరీస్‌లోనూ రెండు, మూడో మ్యాచ్‌ల కోసం ఇషాన్ స్థానంలో జట్టులోకి వచ్చినా, అతడిని ఆడించలేదు.
2. అన్షుల్ కంబోజ్ (Anshul Kamboj): తొలి మూడు వన్డేల స్క్వాడ్‌లో ఈ యువ పేసర్ ఉన్నాడు. వెస్టిండీస్‌పై వన్డేల్లో అరంగేట్రం చేసిన అన్షుల్‌కు ఆ డెబ్యూ అంతగా కలిసిరాలేదు. 89 పరుగులు ఇచ్చి ఒక్క వికెట్ మాత్రమే తీశాడు. ఇప్పుడు స్క్వాడ్‌లో అర్ష్‌దీప్ సింగ్, మహమ్మద్ సిరాజ్, గుర్నూర్ బ్రార్, ఆకిబ్ నబీ ఉన్నారు. దీంతో అన్షుల్‌కు ప్లేయింగ్ XIలో చోటు దక్కడం చాలా కష్టమే.
3. యశ్ ఠాకూర్ (Yash Thakur): దేశవాళీ క్రికెట్‌లో మెరుగైన ప్రదర్శనతో ఈ పేసర్ టీ20ల తర్వాత వన్డే జట్టులోనూ చోటు సంపాదించాడు. జింబాబ్వే పర్యటనలో మూడు టీ20ల సిరీస్‌తో అరంగేట్రం చేసిన యశ్, ఆ తర్వాత అఫ్గానిస్థాన్ టీ20 సిరీస్, ఆసియా క్రీడలకు హర్షిత్ రాణా స్థానంలో ఎంపికయ్యాడు. వెస్టిండీస్‌తో టీ20 సిరీస్‌లో అతడికి అవకాశం రాలేదు. న్యూజిలాండ్‌తో ఐదు టీ20ల స్క్వాడ్‌లోనూ చోటు దక్కలేదు. కానీ వన్డే సిరీస్ చివరి రెండు మ్యాచ్‌లకు జట్టులో ఉన్నాడు. అయితే ఇటీవల ఆడుతున్న బౌలర్లంతా అందుబాటులో ఉండటంతో వారికే ప్రాధాన్యం దక్కే అవకాశం ఉంది. దీంతో యశ్ తుది జట్టులోకి రావడం కష్టంగానే కనిపిస్తోంది.
4. తిలక్ వర్మ (Tilak Varma): టీమిండియా టీ20 వైస్ కెప్టెన్ తిలక్ వర్మ కూడా కివీస్‌తో చివరి రెండు వన్డేల స్క్వాడ్‌లో ఉన్నాడు. కానీ తుది జట్టులో ఛాన్స్ దక్కే అవకాశాలు చాలా తక్కువ. మిడిలార్డర్‌లో రుతురాజ్ గైక్వాడ్‌తో పాటు అక్షర్ పటేల్, నమన్ ధీర్ కూడా ఉన్నారు. వీరందరి పోటీ తిలక్‌తో పోలిస్తే ఎక్కువగా ఉంది. దీంతో ఈ లెఫ్టాండ్ బ్యాటర్ బెంచ్‌కే పరిమితమయ్యే అవకాశం కనిపిస్తోంది.