IND vs NZ: చివర్లో వచ్చి చితక్కొట్టిన టీమిండియా నయా ఫినిషర్.. కట్చేస్తే.. ధోని రికార్డ్నే మడతెట్టేశాడుగా..!
Rinku Singh vs MS Dhoni: టీమిండియాలో ఫినిషర్ అనగానే ముందుగా గుర్తుకు వచ్చేది ఎంఎస్ ధోని అనడంలో ఎలాంటి సందేహం లేదు. అయితే, న్యూజిలాండ్తో జరిగిన మొదటి టీ20లో రింకూ సింగ్ విధ్వంసం సృష్టించిన తీరు చూస్తే.. ధోని పాత్రను పోషించేందుకు సిద్ధమయ్యాడని తెలుస్తోంది. ఈ క్రమంలో ధోనికి సంబంధించిన ఓ రికార్డ్ ను రింకు సింగ్ సమయం చేయడం గమనార్హం.
భారత క్రికెట్లో "ఫినిషర్" అనే పదానికి ఎంఎస్ ధోని కరెక్ట్ గా సరిపోతాడనే సంగతి తెలిసిందే. అయితే, ఇప్పుడు ధోని రిటైర్మెంట్ తర్వాత రింకు సింగ్ ఆ పాత్రకు అనుగుణంగా మారుతున్నట్లు కనిపిస్తోంది. ధోని లాగే రింకు సింగ్ కూడా సత్తా చాటుతున్నాడు. అవకాశం వచ్చినప్పుడల్లా తన సామర్థ్యాన్ని నిరూపించుకోవడమే కాకుండా ఫినిషర్గా కూడా తన సామర్థ్యాన్ని చూపిస్తున్నాడు. నాగ్పూర్లో న్యూజిలాండ్తో జరిగిన మొదటి టీ20లో రింకు సింగ్ మరోసారి సంచలనంగా మారాడు. ఈ తుఫాన్ ఇన్నింగ్స్ తో ధోని రికార్డును సమం చేశాడు.
రింకూ సింగ్, ది ఫినిషర్ గురించి మాట్లాడుకుంటే, ధోనీ రికార్డును అధిగమించాడనే వార్తలో సోషల్ మీడియాలో సంచలనంగా మారాడు. అయితే, ఆ రికార్డ ఏంటి, ఏ విషయంలో ధోనిని బీట్ చేశాడు అనేది తెలుసుకోవాలి. ఈ రికార్డ్ 20 ఓవర్ కు సంబంధించింది. టీ20 అంతర్జాతీయ మ్యాచ్లోని 20వ ఓవర్లో అత్యధిక సిక్సర్లు కొట్టడంలో రింకూ సింగ్ ధోనీని సమం చేయడం గమనార్హం. అంతర్జాతీయ టీ20 మ్యాచ్లో 20వ ఓవర్లో 94 తక్కువ బంతుల్లోనే అత్యధిక సిక్సర్లు బాదిన ధోని రికార్డును రింకు సింగ్ సమం చేశాడు. అంతర్జాతీయ టీ20 మ్యాచ్లో 20వ ఓవర్లో ధోని 132 బంతులు ఎదుర్కొని 12 సిక్సర్లు బాదాడు. రింకు సింగ్ కేవలం 38 బంతుల్లోనే 12 సిక్సర్లు బాదడం విశేషం.
అంతర్జాతీయ టీ20లో 20వ ఓవర్లో అత్యధిక సిక్సర్లు కొట్టిన భారత ఆటగాడిగా హార్దిక్ పాండ్యా రికార్డు సృష్టించాడు. ఇప్పటివరకు అతను 20వ ఓవర్లో 99 బంతులు ఎదుర్కొని 15 సిక్సర్లు కొట్టాడు. అయితే, ధోని రిటైర్ అయ్యాడు. కాబట్టి, ఇప్పుడు పోటీ హార్దిక్ పాండ్యా, రింకు సింగ్ మధ్య ఉంది.
నాగ్పూర్లో న్యూజిలాండ్తో జరిగిన తొలి టీ20లో ఫినిషర్ గా బరిలోకి దిగిన రింకూ సింగ్ కేవలం 20 బంతులు ఎదుర్కొని 4 ఫోర్లు, 3 సిక్సర్లతో అజేయంగా 44 పరుగులు చేశాడు. రింకు సింగ్ ఈ 44 పరుగులలో 21 పరుగులు చివరి ఓవర్ అంటే 20వ ఓవర్లోనే వచ్చాయి. రింకూ కొట్టిన 3 సిక్సర్లలో 2 చివరి ఓవర్లోనే వచ్చాయి. రింకు సింగ్ ఒకే టీ20 ఓవర్లో 20 లేదా అంతకంటే ఎక్కువ పరుగులు చేయడం ఇది మూడోసారి. ఇక 20వ ఓవర్లో రెండుసార్లు 20 లేదా అంతకంటే ఎక్కువ పరుగులు చేశాడు.
రింకు సింగ్ తన టీ20 అంతర్జాతీయ కెరీర్లో 19వ, 20వ ఓవర్లతో సహా 74 బంతులు ఎదుర్కొని, 287.8 స్ట్రైక్ రేట్తో 213 పరుగులు చేశాడు. ఈ సమయంలో అతను 22 సిక్సర్లు, 14 ఫోర్లు కొట్టగా, ఐదుసార్లు ఔట్ అయ్యాడు.