IND vs ENG: 41 ఏళ్ల రికార్డును సమం చేసిన జస్ప్రీత్ బుమ్రా.. ఏకంగా కపిల్ దేవ్ స్పెషల్ రికార్డులో..
Jasprit Bumrah Equals Kapil Dev Record: విశాఖపట్నం వేదికగా ఇంగ్లండ్‌తో జరుగుతున్న రెండో టెస్టులో టీమిండియా పేసర్ జస్ప్రీత్ బుమ్రా 6 వికెట్లు పడగొట్టి ఎన్నో రికార్డులు సృష్టించాడు. అందులో ముఖ్యమైనది టీమిండియా మాజీ కెప్టెన్ కపిల్ దేవ్ 41 ఏళ్ల రికార్డు.
విశాఖపట్నం వేదికగా ఇంగ్లండ్‌తో జరుగుతున్న రెండో టెస్టులో టీమిండియా పేసర్ జస్ప్రీత్ బుమ్రా 6 వికెట్లు పడగొట్టి ఎన్నో రికార్డులు సృష్టించాడు. అందులో ముఖ్యమైనది టీమిండియా మాజీ కెప్టెన్ కపిల్ దేవ్ 41 ఏళ్ల రికార్డు.
1 / 8
జస్ప్రీత్ బుమ్రా రెండో టెస్టు తొలి ఇన్నింగ్స్‌లో 6 వికెట్లు పడగొట్టాడు. అతను ఆలీ పోప్, జో రూట్, జానీ బెయిర్‌స్టో, బెన్ స్టోక్స్, టామ్ విలియం హార్ట్‌లీతో పాటు జేమ్స్ అండర్సన్‌ల వికెట్లు పడగొట్టాడు.
2 / 8
బుమ్రా తీసిన ఈ 6 వికెట్లలో 4 వికెట్లు 3 నుంచి 6వ వరుస క్రమంలో బ్యాట్స్‌మెన్‌లవే. 1983 తర్వాత భారత్‌లో ఒక ఫాస్ట్ బౌలర్ నం.3, నం.4, 5, 6వ ర్యాంక్ బ్యాట్స్‌మెన్‌ల వికెట్లు తీయడం ఇదే తొలిసారి.
3 / 8
అంతకుముందు 1983లో అహ్మదాబాద్‌లో వెస్టిండీస్‌పై కపిల్ దేవ్ ఇలాంటి ఘనత సాధించాడు. ఆ మ్యాచ్‌లో కపిల్ దేవ్ 83 పరుగులిచ్చి 9 వికెట్లు తీశాడు.
4 / 8
టెస్టు క్రికెట్‌లో ఈ ఘనత సాధించిన రెండో భారత పేసర్‌గా బుమ్రా నిలిచాడు. దీంతో కపిల్ దేవ్ 41 ఏళ్ల రికార్డును సమం చేశాడు. అలాగే టెస్టుల్లో అత్యంత వేగంగా 150 వికెట్లు తీసిన 8వ బౌలర్‌గా నిలిచాడు.
5 / 8
అలాగే అతి తక్కువ బంతుల్లో 150 వికెట్లు పూర్తి చేసిన తొలి బౌలర్‌గా బుమ్రా రికార్డు సృష్టించాడు. బుమ్రా 6781 బంతుల్లో 150 వికెట్ల మైలురాయిని అధిగమించాడు.
6 / 8
బుమ్రా కంటే ముందు ఈ జాబితాలో అగ్రస్థానంలో ఉన్న పేస్‌మెన్ ఉమేష్ యాదవ్ 7661 బంతుల్లో 150 వికెట్లు పడగొట్టాడు. ఈ జాబితాలో బుమ్రా అగ్రస్థానంలో ఉండగా, ఉమేష్ యాదవ్ రెండో స్థానానికి పడిపోయాడు.
7 / 8
వీరిద్దరూ కాకుండా అతి తక్కువ బంతుల్లో 150 వికెట్లు పూర్తి చేసిన భారత పేసర్లలో మూడో స్థానంలో ఉన్న మహ్మద్ షమీ 7755 బంతుల్లోనే ఈ ఘనత సాధించాడు. 8378 బంతుల్లో 150 వికెట్లు తీసిన కపిల్ దేవ్ నాలుగో స్థానంలో ఉన్నాడు.
