World Cup 2023: ప్రపంచకప్‌లో సెమీఫైనల్‌కు వెళ్లే 4 జట్లు ఇవే: టీమిండియా మాజీ బౌలర్
ODI World Cup 2023: భారతదేశంలో జరిగే ODI ప్రపంచ కప్ అక్టోబర్ 5 నుండి ప్రారంభమవుతుంది. అహ్మదాబాద్‌లోని నరేంద్ర మోదీ స్టేడియం వేదికగా జరిగే తొలి మ్యాచ్‌లో డిఫెండింగ్ ఛాంపియన్ ఇంగ్లండ్, న్యూజిలాండ్‌ తలపడనున్నాయి. ఇప్పటికే కొన్ని జట్లు భారత్ చేరుకున్నాయి. మరికొన్ని జట్లు వచ్చేందుకు రెడీ అయ్యాయి. మరో రెండు రోజుల్లో వార్మప్ మ్యాచ్‌లు మొదలుకానున్నాయి.
వన్డే ప్రపంచకప్‌నకు కౌంట్‌డౌన్‌ మొదలైంది. అక్టోబరు 5 నుంచి ప్రారంభం కానున్న క్రికెట్ మహా సంగ్రామం కోసం చర్చలు జోరుగా సాగుతున్నాయి. ముఖ్యంగా ఈసారి భారత్‌లో టోర్నీ జరగడంతో టీమిండియా అభిమానుల అంచనాలు రెట్టింపు అయ్యాయి.
టీమిండియా మాజీ ఆల్ రౌండర్ ఇర్ఫాన్ పఠాన్ కూడా ఈసారి భారత్ మళ్లీ ఛాంపియన్‌గా నిలుస్తుందని విశ్వాసం వ్యక్తం చేశాడు. దీంతో పాటు ఈసారి సెమీఫైనల్‌కు వెళ్లే 4 జట్లను కూడా ఎంపిక చేశాడు.
ఇర్ఫాన్ పఠాన్ ప్రకారం, ఈసారి టీమిండియా సెమీఫైనల్ దశకు చేరుకోవడం ఖాయం. ఎందుకంటే బలమైన జట్టుగా గుర్తింపు పొందిన టీమ్ ఇండియా స్వదేశంలో అద్భుత ప్రదర్శనను ఆశించవచ్చు. అందువల్ల నాకౌట్‌కు చేరుకోవడంలో ఎలాంటి సందేహం లేదని పఠాన్ తెలిపాడు.
ఈసారి అత్యుత్తమ ఆటగాళ్లతో కూడిన దక్షిణాఫ్రికా జట్టు నుంచి కూడా మంచి ప్రదర్శన ఆశించవచ్చు. అందువల్ల, దక్షిణాఫ్రికా కూడా సెమీస్‌లో పాల్గొనడానికి ఎదురుచూడొచ్చు.
డిఫెండింగ్ ఛాంపియన్ ఇంగ్లాండ్ కూడా అత్యుత్తమ జట్టును కలిగి ఉంది. కాబట్టి, జోస్ బట్లర్ నుంచి అద్భుతమైన ప్రదర్శనను ఆశించవచ్చు. అలాగే, ఇంగ్లండ్ జట్టు సెమీఫైనల్లోకి ప్రవేశిస్తుందని ఇర్ఫాన్ పఠాన్ తెలిపాడు.
అదేవిధంగా ఆస్ట్రేలియా జట్టు కూడా సెమీఫైనల్లోకి ప్రవేశించనుంది. ఎందుకంటే, ఐసీసీ టోర్నీల్లో ఆసీస్ రాణిస్తోంది. ఆస్ట్రేలియా కూడా టాప్ 4లో కనిపిస్తుందని ఇర్ఫాన్ పఠాన్ తెలిపాడు.