Team India: రోహిత్, కోహ్లీ ఎఫెక్ట్.. A+ కేటగిరీనే ఎత్తేసిన బీసీసీఐ.. కారణం ఏంటో తెలుసా?
Rohit Sharma, Virat Kohli: బీసీసీఐ సెంట్రల్ కాంట్రాక్ట్ అనేది భారత క్రికెటర్లకు ఇచ్చే వార్షిక వేతనాలను నిర్ణయించనుంది. ఇందులో A+ కేటగిరీకి రూ. 7 కోట్లు, A కేటగిరీకి రూ. 5 కోట్లు, B కేటగిరీకి రూ. 3 కోట్లు, C కేటగిరీకి రూ. 1 కోటి వేతనాలు ఇవ్వనున్నారు.
బీసీసీఐ తన సెంట్రల్ కాంట్రాక్టుల నుంచి A+ కేటగిరీను తొలగించాలని యోచిస్తోంది. రాబోయే రిటైనర్షిప్ సైకిల్లో ఆటగాళ్లకు A+ కాంట్రాక్ట్ కేటగిరీని తొలగించడం వెనుక గల కారణాన్ని బోర్డు కార్యదర్శి దేవజిత్ సైకియా వెల్లడించారు. కొన్ని రోజుల క్రితం, అజిత్ అగార్కర్ నేతృత్వంలోని సెలక్షన్ కమిటీ నాలుగు కేటగిరీల సెంట్రల్ కాంట్రాక్టు నుంచి A+ కేటగిరీని తొలగించాలని సిఫార్సు చేసిందని వార్తలు వినిపిస్తున్నాయి.
బీసీసీఐ సెంట్రల్ కాంట్రాక్టుల మేరకు నాలుగు కేటగిరీలుగా విభజించారు. A+ కేటగిరీకి రూ. 7 కోట్లు, A కేటగిరీకి రూ. 5 కోట్లు, B కేటగిరీకి రూ. 3 కోట్లు, C కేటగిరీకి రూ. 1 కోటి చెల్లిస్తోంది. అయితే, ప్రస్తుతం మూడు ఫార్మాట్లలో ఆడటానికి తగినంత మంది క్రికెటర్లు లేనందున, ఇకపై A+ కేటగిరీలో ఏ ఆటగాడిని చేర్చరన్నమాట.
ఈ ప్రణాళిక అతి త్వరలో ముందుకు తేనున్నట్లు సైకియా చెబుతున్నారు. ఏ ప్లస్ కేటగిరీకి అర్హత సాధించిన ఆటగాళ్లు ఇప్పుడు మూడు ఫార్మాట్లలో ఒకదానిలో మాత్రమే ఆడుతున్నందున ఒక కేటగిరీని తొలగిస్తున్నట్లు తెలిపారు. ఏ ప్లస్కు ఆటగాడిని అర్హత సాధించడానికి నిర్దేశించిన ప్రమాణాలు నెరవేరడం లేదు. గత సీజన్లో, రోహిత్ శర్మ , విరాట్ కోహ్లీ , జస్ప్రీత్ బుమ్రా, రవీంద్ర జడేజా మాత్రమే A+ కేటగిరీలో ఉన్నారు. ఇప్పుడు బుమ్రా మాత్రమే వారిలో అన్ని ఫార్మాట్లలో ఆడే ఏకైక ఆటగాడు. కోహ్లీ, రోహిత్ ఇప్పుడు వన్డేలు మాత్రమే ఆడుతున్నారు. జడేజా టీ20ఐ నుంచి రిటైర్ అయ్యి టెస్ట్, వన్డే జట్టులో భాగంగా ఉన్నాడు.
ఒకే ఫార్మాట్లో ఆడే ఆటగాళ్లు A-ప్లస్ కేటగిరీకి అర్హులు కారని, అందుకే బీసీసీఐ ఈ నిర్ణయం తీసుకోవాల్సి వచ్చిందని సైకియా వివరించారు. A-ప్లస్ లిస్ట్లో ఉన్న కొంతమంది ఆటగాళ్లు మూడు ఫార్మాట్లలోనూ ఆడకూడదని నిర్ణయించుకున్నారని ఆయన అన్నారు. అందువల్ల, అర్హత ప్రమాణాలను తీర్చడానికి, అర్హత సాధించడానికి తగినంత మంది ఆటగాళ్లు లేరు. ఒకే ఫార్మాట్లో ఆడే ఆటగాళ్లు A-ప్లస్కు అర్హులు కారు, కాబట్టి మేం ఈ నిర్ణయం తీసుకోవలసి వచ్చింది. ఇందులో ఎటువంటి ఆగ్రహం లేదని తెలిపారు.
స్టార్ ఆటగాళ్లు విరాట్ కోహ్లీ, రోహిత్ శర్మ, రవీంద్ర జడేజాలను రాబోయే కాంట్రాక్ట్ జాబితాలో తగ్గించే అవకాశం ఉన్నప్పటికీ, ఫాస్ట్ బౌలర్ జస్ప్రీత్ బుమ్రా జీతంలో ఎటువంటి కోతలను ఎదుర్కోడు. ఎందుకంటే, అతను ప్రస్తుత సెటప్లో మూడు ఫార్మాట్లలో ఆడే కొద్దిమంది ఆటగాళ్లలో ఒకడిగా నిలిచాడు. ఈ సీజన్ వార్షిక రిటెన్షన్ కాంట్రాక్టులను బీసీసీఐ త్వరలో విడుదల చేయనుంది.