Vignesh Shivan: ప్రశాంతంగా సెటిల్ అవ్వాలంటే రూ.350 కోట్లు కావాలి.. విఘ్నేష్ శివన్ రిటైర్మెంట్ ప్లాన్!
సౌత్ సినీ ఇండస్ట్రీలో లేడీ సూపర్ స్టార్గా వెలుగుతున్న నయనతార విలాసవంతమైన జీవనశైలి ఎప్పుడూ హాట్ టాపికే. తాజాగా ఆమె భర్త, దర్శకుడు విఘ్నేష్ శివన్ తమ రిటైర్మెంట్ ప్లాన్స్ గురించి ఒక ఇంటర్వ్యూలో ఆసక్తికర విషయాలు పంచుకున్నారు. భవిష్యత్తులో స్థిరపడటానికి 350 కోట్ల డిపాజిట్ ఎందుకు కావాలో ఆయన వివరించిన వివరాలు మీకోసం.
సినిమా రంగంలో సెలబ్రిటీల వ్యక్తిగత జీవితాలు, వారి సంపాదన, విలాసవంతమైన జీవనశైలి గురించి తెలుసుకోవడానికి ప్రేక్షకులు ఎప్పుడూ ఎంతో ఆసక్తి చూపిస్తుంటారు. ముఖ్యంగా దక్షిణాది చిత్ర పరిశ్రమలో లేడీ సూపర్ స్టార్గా దశాబ్ద కాలంగా తన హవా కొనసాగిస్తున్న నయనతార లగ్జరీ లైఫ్ స్టైల్ గురించి ప్రత్యేకంగా చెప్పక్కర్లేదు. ప్రైవేట్ జెట్ విమానం, కోట్లాది రూపాయల విలువైన లగ్జరీ విల్లాలు, ఖరీదైన రోల్స్ రాయిస్ కార్ల మెయింటెనెన్స్తో ఆమె ఎప్పుడూ వార్తల్లో నిలుస్తూనే ఉంటుంది.
అయితే, తాజాగా ఆమె భర్త, ప్రముఖ తమిళ దర్శకుడు విఘ్నేష్ శివన్ ఒక ఇంటర్వ్యూలో తమ భవిష్యత్తు ఆర్థిక ప్రణాళికల గురించి చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్గా మారాయి. తమ లైఫ్ ప్రశాంతంగా సెటిల్ అవ్వాలంటే బ్యాంకులో రూ.350 కోట్ల ఫిక్స్డ్ డిపాజిట్ ఉండాలంటూ ఆయన చేసిన లెక్కింపు అందరినీ ఆశ్చర్యపరుస్తోంది.
సాధారణ ఆవకాయతో పోలిస్తే ఇందులో ఆవపిండి ఘాటు, ఉప్పు శాతం ముక్కలకు పట్టి పచ్చడి ఎక్కువ కాలం నిల్వ ఉండటానికి సహాయపడతాయి. ఈ పచ్చడిలోని అసలైన సీక్రెట్ ఏంటంటే, ఇందులో మనం సాధారణ నూనెను ఎక్కువగా పోయము. ముక్కలకు ఉప్పు, కారం, ఆవపిండి బాగా పట్టిన తర్వాత, వీటన్నింటినీ ఒక పొడి గాజు సీసాలో లేదా జాడీలో భద్రపరుచుకోవాలి.
ఇంటర్వ్యూలో విఘ్నేష్ శివన్ మాట్లాడుతూ, భవిష్యత్తులో ఎలాంటి టెన్షన్లు లేకుండా లైఫ్ ఎంజాయ్ చేస్తూ రిటైర్ అవ్వాలంటే ఒక పక్కా ప్లాన్ ఉండాలని చెప్పుకొచ్చారు. అందుకోసం తాను దాదాపు 300 నుండి 350 కోట్ల రూపాయలు సంపాదించి, దానిని బ్యాంకులో ఫిక్స్డ్ డిపాజిట్ (FD) చేయాలని లక్ష్యంగా పెట్టుకున్నట్లు వెల్లడించారు. అంత పెద్ద మొత్తాన్ని డిపాజిట్ చేయడం వల్ల బ్యాంక్ వడ్డీ రూపంలోనే ఏడాదికి సుమారు 21 కోట్ల రూపాయల ఆదాయం వస్తుందని ఆయన లెక్కలు వేశారు.
అంటే నెలవారీగా చూసుకుంటే కోటికి పైగా, అలాగే రోజువారీ ఖర్చుల కోసం కొన్ని లక్షల రూపాయల వడ్డీ నేరుగా చేతికి అందుతుంది. ఈ సొమ్ము ఉంటే భవిష్యత్తులో సినిమాల విజయాలు, అపజయాలతో సంబంధం లేకుండా, డబ్బు గురించి ఎలాంటి ఆందోళన పడకుండా సింగపూర్ లాంటి ప్రశాంతమైన ప్రదేశంలో స్థిరపడిపోవచ్చని విఘ్నేష్ తన మనసులోని మాటను బయటపెట్టారు.
ఈ ఆర్థిక ప్రణాళికలతో పాటు తన భార్య నయనతార వ్యక్తిత్వం గురించి కూడా విఘ్నేష్ కొన్ని ఆసక్తికరమైన విషయాలు పంచుకున్నారు. ఇంట్లో గొడవలు జరిగినప్పుడు నయనతార చాలా సీరియస్గా మారిపోతుందని, ఆ సమయంలో ఆమె నిజమైన 'టెర్రర్' లా కనిపిస్తుందని నవ్వుతూ చెప్పారు. అలాంటి సమయాల్లో తానే సర్దుకుపోయి గొడవలను సర్దుమణిగేలా చేస్తానని ఒప్పుకున్నారు.
అలాగే తన వృత్తిపరమైన జీవితంలోనూ నయన్ భాగస్వామ్యం ఎంతో ఉంటుందని, తాను రాసే ప్రతి పాట లిరిక్స్ను మొదట ఆమెకే పంపుతానని, ఆమె నుండి హార్ట్ ఎమోజీ వస్తేనే మ్యూజిక్ డైరెక్టర్లకు ఫార్వార్డ్ చేస్తానని తమ మధ్య ఉన్న అన్యోన్యతను చాటారు. ఒకవైపు నయనతార వరుస సినిమాలతో బిజీగా ఉంటూ రూ.200 కోట్లకు పైగా నెట్ వర్త్తో దూసుకుపోతుండగా, విఘ్నేష్ శివన్ షేర్ చేసిన ఈ 'రూ.350 కోట్ల రిటైర్మెంట్ ఫార్ములా' ప్రస్తుతం నెటిజన్లలో విపరీతమైన చర్చకు దారితీస్తోంది.