Nani – Hi nanna: హాయ్ నాన్న అప్డేట్.. 2017లో జరిగినట్టే నాని నెక్స్ట్ మూవీ ప్లాన్ చేస్తున్న మేకర్స్..
ఓ ఊర మాస్ సినిమా చేసిన తర్వాత.. మరో మాస్ సినిమా చేసి మార్కెట్ మరింత పెంచుకోవాలనుకునే హీరోలు మన దగ్గర చాలా మందే ఉన్నారు. కానీ అందులో తాను లేనంటున్నారు నాని. ఏం చేసినా కొత్తగా చేద్దామనే రకం ఈయన. అందుకే నెవర్ బోరింగ్ నాన్న కాన్సెప్ట్‌తో వచ్చేస్తున్నారు నాని. పైగా దీనికోసం పర్ఫెక్ట్ ప్లానింగ్ రెడీ చేసుకుంటున్నారు. మరి అదేంటి..? నాని కెరీర్‌లో ఎన్ని గొప్ప సినిమాలైనా ఉండొచ్చు కానీ జెర్సీకి మాత్రం సపరేట్ ఫ్యాన్ పాలోయింగ్ ఉంది.
ఓ ఊర మాస్ సినిమా చేసిన తర్వాత.. మరో మాస్ సినిమా చేసి మార్కెట్ మరింత పెంచుకోవాలనుకునే హీరోలు మన దగ్గర చాలా మందే ఉన్నారు. కానీ అందులో తాను లేనంటున్నారు నాని. ఏం చేసినా కొత్తగా చేద్దామనే రకం ఈయన. అందుకే నెవర్ బోరింగ్ నాన్న కాన్సెప్ట్‌తో వచ్చేస్తున్నారు నాని. పైగా దీనికోసం పర్ఫెక్ట్ ప్లానింగ్ రెడీ చేసుకుంటున్నారు. మరి అదేంటి..?
నాని కెరీర్‌లో ఎన్ని గొప్ప సినిమాలైనా ఉండొచ్చు కానీ జెర్సీకి మాత్రం సపరేట్ ఫ్యాన్ పాలోయింగ్ ఉంది. కల్ట్ క్లాసిక్ అంటారు కదా.. అలాంటి జాబితాలోకి వచ్చే సినిమా జెర్సీ. సక్సెస్ స్టోరీస్ ఎవరైనా తీస్తారు.. కానీ ఫెయిల్యూర్ స్టోరీని సక్సెస్ ఫుల్‌గా ఈ సినిమాలో చూపించారు గౌతమ్ తిన్ననూరి. పైగా తండ్రీ కొడుకుల సెంటిమెంట్ జెర్సీకి బలం.
చాలా ఏళ్ళ తర్వాత హాయ్ నాన్నలో అదే మాయ చేయాలని చూస్తున్నారు నాని. కొత్త దర్శకుడు శౌర్యు తెరకెక్కిస్తున్న హాయ్ నాన్నపై అంచనాలు బాగానే ఉన్నాయి. క్లాస్ సినిమా అయినా బిజినెస్ మాత్రం మాస్‌గా జరుగుతుంది. ఈ ఎమోషనల్ డ్రామాలో మృణాళ్ ఠాకూర్ హీరోయిన్‌ కాగా.. శృతి హాసన్ కీలక పాత్రలో నటిస్తున్నారు.
2017లో MCA విడుదలైన డిసెంబర్ 21నే ఇప్పుడు హాయ్ నాన్నను ప్యాన్ ఇండియా భాషల్లో రిలీజ్ చేస్తున్నారు. తాజాగా ఇందులో పాట విడుదలైంది. దసరా లాంటి మాస్ సినిమా తర్వాత.. ఇమేజ్ చట్రంలో పడకుండా హాయ్ నాన్నతో వస్తున్నారు నాని.
జెర్సీలో పదేళ్ల కుర్రాడికి తండ్రిగా నటించి కన్నీళ్లు పెట్టించిన నాని.. ఇందులో ఆరేళ్ల పాపకు తండ్రయ్యారు. పైగా వివేక్ ఆత్రేయతో చేయాల్సిన కొత్త సినిమాని హోల్డ్‌లో పెట్టి.. హాయ్ నాన్న ప్రమోషన్స్‌పై ఫోకస్ చేస్తున్నారీయన. తనకు మరో జెర్సీ అవుతుందని బలంగా నమ్ముతున్నారు న్యాచురల్ స్టార్.