Video Songs: అప్పుడప్పుడూ మారాలి కదా.. అంటున్న మేకర్స్.. మరి ఆ మార్పేంటి..?
రిలీజ్కి ముందు టీజర్, ట్రైలర్ తప్పిస్తే.. మిగిలిన విజువల్స్ చూపించడానికి పెద్దగా ఇష్టపడరు దర్శక నిర్మాతలు. ఇంకా చెప్పాలంటే.. అల వైకుంఠపురములో సినిమాలో త్రివిక్రమ్ చెప్పినట్లు పెళ్లి కూతురిని దాచేసినట్లు దాచేస్తుంటారు. కానీ ఎప్పుడూ ఒకేలా ఉంటామంటే ఎలా..? అప్పుడప్పుడూ మారాలి కదా.. ఇప్పుడదే జరుగుతుంది. మరి ఆ మార్పేంటి..?
సినిమా రిలీజ్కు ముందే వీడియో సాంగ్స్ విడుదల చేయడం అనేది మన స్టైల్ కాదు.. బాలీవుడ్ ప్రమోషన్ అది. అక్కడ ఎంత పెద్ద సినిమా అయినా విడుదలకు ముందుగానే వీడియో సాంగ్స్ కూడా రిలీజ్ చేస్తుంటారు.
కానీ మన దగ్గర మాత్రం అలా కాదు. కానీ కొన్ని సినిమాలకు ఇదే ఫార్ములా అప్లై చేస్తున్నారిప్పుడు. తాజాగా ఫ్యామిలీ స్టార్ నుంచి కళ్యాణి వచ్చా వచ్చా ఫుల్ వీడియో సాంగ్ వచ్చింది. రిలీజ్కు మూడు రోజుల ముందుగానే ఫుల్ వీడియో సాంగ్ విడుదల చేసారు ఫ్యామిలీ స్టార్ మేకర్స్. ఇది సినిమాపై ఆసక్తి పెంచేస్తుంది.
ఆ మధ్య మ్యాడ్ సినిమాకు కూడా ఇదే చేసారు దర్శక నిర్మాతలు. కళ్లాజోడు కాలేజ్ పాప చూడు అంటూ సాగే పాటను విడుదల చేసి.. సినిమాకు ఫుల్ ప్రమోషన్ తెచ్చుకున్నారు. ఆ సాంగ్ తర్వాతే మ్యాడ్పై మరింత ఆసక్తి పెరిగింది. మ్యాడ్ ట్రైలర్, టీజర్ కంటే కళ్ళాజోడు వీడియో సాంగ్కు వచ్చిన రెస్పాన్స్ నెక్ట్స్ లెవల్ అంతే.
దసరాకు కూడా రిలీజ్కు ముందే ధూమ్ ధామ్ దోస్తాన్ సాంగ్ విడుదల చేసారు. పాన్ ఇండియన్ సినిమా కాబట్టి ప్రమోషన్స్ కూడా అవే ఫాలో అయ్యారు మేకర్స్. ఈ సాంగ్ భారీ వ్యూస్ తో యూట్యూబ్ ను షాక్ చేసింది. ఇప్పటికి ట్రేండింగ్ లో ఉంది.
ఆ మధ్య నితిన్ మాచర్ల నియోజకవర్గంలోని వీడియో సాంగ్ ఇలాగే విడుదల చేసారు. ఏదేమైనా ఈ ఫార్ములా కొన్ని సినిమాలకు బాగానే వర్కవుట్ అవుతుంది. ఇంకా చూడాలి తర్వాత ఈ సినిమా నిర్మాతలు ఈ ఫార్ములాను వాడనున్నారో.