Nani: నాని అనేది పేరు కాదు.. ఇట్స్ ఏ బ్రాండ్.. స్టార్ హీరోలకు కూడా వణుకు పుట్టిస్తున్న న్యాచురల్ స్టార్
నాని అనేది ఇప్పుడు పేరు కాదు.. ఇట్స్ ఏ బ్రాండ్. సిచ్యువేషన్ ఎలా అయిపోయిందంటే.. వచ్చిన సినిమాలతో కాదు రాబోయే సినిమాలతో కూడా నాని సెన్సేషన్ క్రియేట్ చేస్తున్నారిప్పుడు. ఇంకా షూటింగే మొదలు కాని ది ప్యారడైజ్ సినిమాతో ఊహించని రికార్డుకు తెరతీసారు న్యాచురల్ స్టార్. మరి అదేంటి..? ఇంతకీ ఈ సినిమా షూటింగ్ ఎప్పుడు మొదలు కాబోతుంది..?
నాని సక్సెస్ రేషియో చూస్తుంటే మిగిలిన హీరోలకు కళ్లు బైర్లు గమ్ముతున్నాయి. తన రేంజ్లో ఉన్న హీరోలెవరూ.. అందుకోలేని స్థాయిలో ఉన్నారు న్యాచురల్ స్టార్. ఒకప్పుడు ఆయన సినిమాకు 40 కోట్లు వస్తే గొప్ప అనేవాళ్లు.
కానీ మొన్న హిట్ 3తో ఫస్ట్ డేనే 43 కోట్లు వసూలు చేసారు నాని. 4 రోజుల్లోనే 100 కోట్లు కొట్టింది ఈ సినిమా. దానికి ముందు సరిపోదా శనివారం కూడా సెంచరీ కొట్టింది. దసరా నుంచి నాని కెరీర్ గ్రాఫ్ మారిపోయింది. 2023లో వచ్చిన ఈ చిత్రం 120 కోట్లకు పైగా వసూలు చేస్తే.. క్లాస్ సినిమాగా వచ్చిన హాయ్ నాన్న కూడా 70 కోట్లు కొల్లగొట్టింది.
ఇక సరిపోదా 100 కోట్లు.. తాజాగా హిట్ 3తో మరోసారి 100 కోట్లు వసూలు చేసారు నాని. ప్రస్తుతం ప్యారడైజ్ సినిమా చేస్తున్నారీయన. దసరా కాంబినేషన్ కావడంతో.. షూటింగ్ మొదలవ్వక ముందే బిజినెస్లో కొత్త రికార్డులు సెట్ చేస్తుంది ప్యారడైజ్.
ప్యారడైజ్కు సంబంధించి జస్ట్ ఒక్క టీజర్ మాత్రమే విడుదల చేసారు మేకర్స్. అప్పుడే నాని కెరీర్లో హైయ్యస్ట్ బిజినెస్ చేస్తుంది ఈ సినిమా. ప్రముఖ ఆడియో కంపెనీ సరెగమ ప్యారడైజ్ ఆడియో రైట్స్ను ఏకంగా 18 కోట్లకి కొనేసింది. టైర్ 1 అని మాట్లాడుకునే స్టార్ హీరోల సినిమాలకు ఏ మాత్రం తక్కువ కాని మొత్తం ఇది.. ఇంకా చెప్పాలంటే వాళ్లకంటే ఎక్కువే.
దసరా కాంబినేషన్ రిపీట్ అవుతుండటం.. నాని ఫామ్.. అనిరుధ్ మ్యూజిక్.. టీజర్కు వచ్చిన రెస్పాన్స్ ఇవన్నీ ప్యారడైజ్ సినిమాపై అంచనాలు పెంచేస్తున్నాయి. హైదరాబాద్లో ప్రస్తుతం సెట్ వేస్తున్నారు. మేలోనే షూట్ మొదలు కానుంది. సుధాకర్ చెరుకూరి ఈ సినిమాను నిర్మిస్తున్నారు. మార్చ్ 26, 2026న విడుదల కానుంది ప్యారడైజ్.