రష్మిక మందన్న .. కన్నడ ఇండస్ట్రీ నుంచి వచ్చిన ఈ చిన్నది తెలుగులో వరుసగా సినిమాలు చేస్తూ ప్రేక్షకులను మెప్పిస్తోంది. తక్కువ సమయంలోనే ఈ అమ్మడు స్టార్ గా ఎదిగింది. చలో సినిమాతో హీరోయిన్ గా టాలీవుడ్ కు పరిచయం అయ్యింది.
ఆతర్వాత గీతగోవిదం సినిమాతో సూపర్ హిట్ అందుకుంది. ఆ తర్వాత తెలుగులో వరుసగా సినిమాలు చేసింది. సూపర్ స్టార్ మహేష్ బాబుతో కలిసి సరిలేరు నీకెవ్వరు అనే సినిమా చేసింది. ఆ తర్వాత పుష్ప సినిమాతో పాన్ ఇండియా హీరోయిన్ గా మారింది.
తెలుగులోనే కాదు. తమిళ్ లోనూ సినిమాలు చేసింది. కార్తీ, దళపతి విజయ్ లతో సినిమాలు చేసింది. అలాగే బాలీవుడ్ లోనూ సినిమాలు చేస్తోంది. ఇటీవలే బాలీవుడ్ లో యానిమల్ సినిమాతో భారీ హిట్ అందుకుంది రష్మిక మందన్న.
ఇదిలా ఉంటే ఇప్పుడు ఈ అమ్మడు మూడు భాషల్లోనూ బిజీగా ఉంది. ఇదిలా ఉంటే తాజాగా ఓ సూపర్ హిట్ సినిమాను మిస్ చేసుకుందన్న టాక్ ఇప్పుడు ఫిలిం సర్కిల్స్ లో తెగ చక్కర్లు కొడుతోంది. రీసెంట్ గా బ్లాక్ బస్టర్ అందుకున్న సినిమాలో ఈ అమ్మడు ఛాన్స్ మిస్ చేసుకుందని తెలుస్తోంది.
పా.రంజిత్ దర్శకత్వంలో వచ్చిన తంగలాన్ సినిమా భారీ హిట్ అందుకుంది. తంగలాన్ సినిమాలో మాళవికామోహన్ హీరోయిన్ గా చేసింది. అయితే మాళవికామోహన్ ప్లేస్లో ముందుగా రష్మిక మందన్నాను హీరోయిన్ గా తీసుకోవాలనుకున్నారు. ఆమెను సంప్రదించగా డేట్స్ కారణంగా ఆమె ఈ సినిమాను మిస్ చేసుకుందని టాక్.