Pushpa 2: పార్టీ లేదా పుష్పా.. పుష్పాగాడి పార్టీ ప్లాన్ అదిరిపోతుంది గుర్తు పెట్టుకోండి.!
ప్యాన్‌ ఇండియా రేంజ్‌లో బాక్సులు బద్ధలుకొట్టే కలెక్షన్లు తెచ్చుకున్నప్పుడు, నేషనల్‌ అవార్డులు కొల్లగొట్టినప్పుడూ కూడా రాని అప్రిషియేషన్‌ ని ఇప్పుడు టేస్ట్ చేస్తోంది పుష్ప టీమ్‌. ఇలా ఉండాలి.. ఇలా చేయాలి.. అబ్బా పుష్పరాజ్‌ ఏం ప్లాన్ చేస్తున్నాడూ.. అంటూ అందరూ మెచ్చుకుంటున్నారు. ఇంతకీ పార్టీ లేదా పుష్పా అని అడిగించుకునేంతగా పుష్పరాజ్‌ చేస్తున్న పనులేంటి.? పుష్ప ప్రతి రోజూ సోషల్‌ మీడియాలో ఏదో ఒక రీజన్‌తో ట్రెండ్‌ అవుతూనే ఉంది.
ఒకటిన్నర మిలియన్ల కు పైగా రీల్స్, షార్ట్స్ తో పుష్ప సీక్వెల్‌లోని సూసేకీ సాంగ్‌ దూసుకుపోతోంది. ఆ వైబ్‌ జస్ట్ మేజికల్‌ అంటూ విషయాన్నిషేర్‌ చేసింది పుష్ప టీమ్‌.
సూసేకీ సాంగ్‌ వైబ్‌ని షేర్‌ చేసుకుంటూ డిసెంబర్ 24న ప్రపంచవ్యాప్తంగా గ్రాండ్‌గా సినిమాను విడుదల చేస్తున్నామంటూ క్లారిటీగా చెప్పేసింది టీమ్‌. పుష్పరాజ్‌ రావడం పక్కా అంటూ ఢంకా మోగిస్తున్నారు అభిమానులు.
ఆల్రెడీ పుష్ప 2 మీద పాన్ ఇండియా రేంజ్‌లో భారీ అంచనాలు ఉన్నాయి. ఆ హైప్‌ను మరింత పెంచేలా స్కెచ్‌ రెడీ చేస్తున్నారు. మేకింగ్ నుంచి ప్రమోషన్స్‌ వరకు ఏ విషయంలోనూ తగ్గేదే లే అంటూ దూసుకుపోతున్నారు పుష్ప రాజ్‌.
పుష్ప పోస్ట్ ప్రొడక్షన్‌ పనులు కూడా శరవేగంగా జరుగుతూనే ఉన్నాయి. అయిపోయిన పార్ట్ , అయిపోయినట్టుగానే ఎడిట్‌ టేబుల్‌కి వచ్చేస్తోంది. రషెస్‌ చూసుకున్న వెంటనే నిర్మాణానంతర పనులను స్టార్ట్ చేసేస్తున్నారు టీమ్‌.
మరోవైపు ప్రమోషన్లు కూడా అంతే వేగంగా, ప్లాన్డ్ గా జరుగుతున్నాయి. ఇవ్వబోయే అప్‌డేట్‌ ముందు నుంచే సోషల్‌ మీడియాలో మారుమోగుతోంది. అప్‌డేట్‌ వచ్చాక ఆ ట్రెండ్‌ కంటిన్యూ అవుతోంది.
రిలీజ్‌ టెన్షన్‌ మీద పడుతున్నా, అన్నీ విషయాల్లోనూ ఇంత పగడ్బంధీగా ఎలా ఉండగలుగుతున్నారంటూ ఆశ్చర్యపోతున్నారు జనాలు. రిలీజ్‌కి రెడీ అవుతున్న అప్‌కమింగ్‌ సినిమాలు చాలా వరకు పుష్ప ప్రమోషన్ల మీద ఓ కన్నేసే ఉంచుతున్నాయి.
పుష్ప2 లాగా ప్లానింగ్‌ చేసుకోవాలనో, ఫాలో అవ్వాలనో, పోటీ పడాలనో.. ఇలా రీజన్‌ ఏదైతేనేం... ఆ రకంగానూ పుష్ప మేనియా వైరల్‌ అవుతూనే ఉంది.