Aditi Shankar: టాలీవుడ్‌లోకి అడుగుపెట్టనున్న శంకర్ చిన్న కూతురు.. డైరెక్టర్ ఎవరంటే
నటి అదితి శంకర్ తెలుగు చిత్రసీమలోకి అడుగుపెడుతుందనే వార్త ఫిల్మ్ సర్కిల్స్‌లో విపరీతంగావినిపిస్తుంది. కోలీవుడ్‌లో టాప్ దర్శకుడిగా పేరు తెచ్చుకున్న శంకర్ రెండో కూతురు ఈ అమ్మడు.. ఎంబీబీఎస్‌ పూర్తి చేసిన అదితి శంకర్ కు సినిమాపై ఆసక్తి ఉంది.
నటి అదితి శంకర్ తెలుగు చిత్రసీమలోకి అడుగుపెడుతుందనే వార్త ఫిల్మ్ సర్కిల్స్‌లో విపరీతంగావినిపిస్తుంది. కోలీవుడ్‌లో టాప్ దర్శకుడిగా పేరు తెచ్చుకున్న శంకర్ రెండో కూతురు ఈ అమ్మడు.. ఎంబీబీఎస్‌ పూర్తి చేసిన అదితి శంకర్ కు సినిమాపై ఆసక్తి ఉంది.
కార్తీక్ హీరోగా వచ్చిన విరుమాన్ సినిమాతో అదితి హీరోయిన్ గా ఎంట్రీ ఇచ్చింది. మొదటి సినిమాకే మంచి ఆదరణ లభించి పేరు తెచ్చుకుంది. ఆ తర్వాత నటి అదితి తదుపరి చిత్రంలో నటుడు శివకార్తికేయన్‌తో జతకట్టింది. అదితి నటనతో పాటు తను నటించిన రెండు సినిమాల్లోనూ పాటలు పాడింది.
దీని తర్వాత నటి అదితి చేతిలో ప్రస్తుతం వరుస సినిమాలున్నాయి. ఇక ఇప్పుడు అదితి శంకర్ తొలిసారిగా తెలుగు చిత్రసీమలోకి అడుగుపెట్టబోతోందని తెలుస్తోంది. అదితి శంకర్ సినిమాల్లో హీరోయిన్ గా అరంగేట్రం చేయడానికి ముందు..
తన తండ్రి యొక్క చాలా సినిమాలకు అసిస్టెంట్ డైరెక్టర్‌గా మరియు టెక్నికల్ అసిస్టెంట్‌గా పనిచేసింది. తెలుగులో ప్రముఖ దర్శకుడు విజయ్ కనకమడెల దర్శకత్వంలో ఆమె కొత్త సినిమాలో నటించబోతున్నట్లు సమాచారం.
ఈ సినిమా షూటింగ్ వచ్చే నెల నుంచి హైదరాబాద్‌లో ప్రారంభం కానుందని తెలుస్తోంది. అదితి తెలుగు అనర్గళంగా మాట్లాడగలదు కాబట్టి ఆమెకు తెలుగు సినిమాలో మరిన్ని అవకాశాలు రావడం ఖాయంగా కనిపిస్తుంది.