Sandeep Reddy Vanga : సందీప్ రెడ్డికి ఒక్క మేసేజ్ చేశా.. 5 లక్షలు అకౌంట్లో వేసాడు.. హీరోయిన్..
సందీప్ రెడ్డి వంగా భారతీయ చిత్ర పరిశ్రమలో తనకంటూ ఒక ప్రత్యేకమైన ముద్ర వేసుకున్న దర్శకుడు. 2017లో అర్జున్ రెడ్డి సినిమాతో దర్శకుడిగా వెండితెరకు పరిచయమైన ఆయన.. మొదటి సినిమాతో భారీ విజయాన్ని అందుకున్నారు. ఆ తర్వాత కబీర్ సింగ్, యానిమల్ సినిమాలతో బాక్సాఫీస్ వద్ద సంచలనం సృష్టించాడు. ప్రస్తుతం స్పిరిట్ చిత్రీకరణలో బిజీగా ఉన్న సంగతి తెలిసిందే.
టాలీవుడ్ నటి గాయత్రీ గుప్తా ఓ ఇంటర్వ్యూలో తన ఆరోగ్యం, వ్యక్తిగత జీవితం, కెరీర్, ఆధ్యాత్మిక ప్రయాణం గురించి పలు కీలక విషయాలను వెల్లడించారు. చిన్నతనం నుండి ప్రేమ లభించకపోవడం, మానసిక గాయాల (ట్రామా) కారణంగా ఆరోగ్య సమస్యలు తలెత్తాయని ఆమె పేర్కొన్నారు. దీనివల్ల వెన్నెముక వంకరపోయిందని, ఆటోఇమ్యూన్ కండిషన్ బారిన పడినట్లు తెలిపారు. జంక్ ఫుడ్ తినని, ఆరోగ్యకరమైన జీవనశైలిని పాటించినా, యోగా ఛాంపియన్గా ఉన్నా తన ఆరోగ్యం ఎందుకు పాడైందని ఆమె ప్రశ్నించుకున్నానని తెలిపారు.
వైద్యులు తన సమస్యను సరిగ్గా నిర్ధారించలేకపోయారని, కేవలం ఎక్కువ ఆలోచిస్తున్నారని చెప్పి పంపించేశారని, దీనిని "మెడికల్ అబ్యూస్"గా ఆమె అన్నారు. 80% మంది మహిళలు ఆటోఇమ్యూన్ కండిషన్లతో బాధపడుతున్నారని, దీనికి పితృస్వామ్యం సృష్టించిన డిప్రెషనే కారణమని ఆమె చెప్పుకొచ్చారు. ఆర్థికంగా కష్టాల్లో ఉన్నప్పుడు చికిత్స కోసం క్రౌడ్ ఫండింగ్ ద్వారా రూ. 15 లక్షలు అవసరం కాగా, రూ. 2 లక్షలు మాత్రమే వచ్చాయని గాయత్రీ గుప్తా తెలిపారు. ఈ సమయంలో దర్శకుడు సందీప్ రెడ్డి వంగాను సంప్రదించగా, ఆయన ఒకే ఒక్క మెసేజ్తో స్పందించి, ఆమె మెడికల్ రిపోర్ట్స్ పంపమని కోరారని చెప్పారు.
వివరాలు పంపిన తర్వాత, వారం రోజుల్లో రూ. 5.5 లక్షలు ఆమె బ్యాంక్ ఖాతాకు జమ చేశారని, దీనితో బెంగళూరులో చికిత్స చేయించుకున్నానని గాయత్రీ గుప్తా కృతజ్ఞతలు తెలిపారు. సందీప్ రెడ్డి వంగా తనకు "ఫిదా" సినిమా సమయం నుండి స్నేహితుడని ఆమె పేర్కొన్నారు. తన చికిత్సలో భాగంగా యోగా, బ్రెత్ వర్క్, మెడిటేషన్, ప్రాణాయామం వంటివి చేస్తూ కుండలినీ అవేకనింగ్ ద్వారా లోపలి ట్రామాను విడుదల చేసుకున్నానని వివరించారు. పంచకర్మ చికిత్స తనకు గొప్ప ఉపశమనాన్ని ఇచ్చిందని, తాను బ్రతకగలననే నమ్మకం కలిగిందని ఆమె పేర్కొన్నారు.
వైద్యులు "చచ్చిపోతావు" అని చెప్పిన స్థితి నుండి బయటపడటానికి క్రౌడ్ ఫండింగ్ను ఎంచుకున్నట్లు తెలిపారు. ఈ అనుభవంతో తనకు ట్రామా కలిగించని వారితోనే స్నేహం చేయాలని నిర్ణయించుకోవడంతో తన స్నేహితుల సర్కిల్ 90% తగ్గిపోయిందని చెప్పారు. తన జీవితంలో నలుగురు మాత్రమే మిగిలారని ఆమె తెలిపారు. తాను ఎల్లప్పుడూ ఇతరులకు సహాయం చేసే వ్యక్తిని (గివర్) అని, తన చిన్నతనంలో ప్రేమ లభించకపోవడం వల్ల ఇలా మారానని వివరించారు. చికిత్సలు, కుండలినీ అవేకనింగ్ తర్వాత తన ఆధ్యాత్మిక ప్రయాణం ప్రారంభమైందని, తాను దేవుడిని కనుగొన్నానని గాయత్రీ గుప్తా అన్నారు.
తలలో ఉండే పీనియల్ గ్లాండ్కు ఆర్టిఫిషియల్ ఫుడ్, ఫ్లోరిన్, క్లోరిన్ వంటివాటి వల్ల కాల్షిఫికేషన్ జరుగుతుందని, దీనివల్ల ఆధ్యాత్మిక అనుసంధానం దెబ్బతింటుందని అన్నారు. కుండలినీ అవేకనింగ్ ద్వారా పీనియల్ గ్లాండ్ను డీకాల్షిఫై చేయవచ్చని, తద్వారా దేవుడు, విశ్వం, జీవిత ప్రయోజనం గురించి అవగాహన పెరుగుతుందని ఆమె వివరించారు. తన జీవితంలో అబ్బాయిల ద్వారా ఎంత ట్రామాకు గురయ్యారో, అమ్మాయిల ద్వారా కూడా అంతే ట్రామాను ఎదుర్కొన్నట్లు గాయత్రీ గుప్తా స్పష్టం చేశారు.