Ghee Benefits: నెయ్యి తింటే శరీరానికి మంచిదా..? చెడ్డదా? నిపుణులు ఏమంటున్నారు..?
నెయ్యి శరీరంలోని చిన్న పెద్ద గాయాలను మాన్పడానికి సహాయపడుతుంది. శరీరంలో ఏదైనా భాగం కాలితే నెయ్యి వల్ల త్వరగా ఆరిపోతుంది. శీతాకాలంలో జ్వరం, జలుబు సమస్య వస్తుంటుంది. నెయ్యి వల్ల గొంతునొప్పి, జలుబు వంటివి నయం అవుతాయని మీకు తెలుసా? దీని కోసం పాలలో నెయ్యి కలిపి తాగాలి. నెయ్యి తినడం వల్ల జీర్ణవ్యవస్థ శుభ్రపడుతుంది. ఫలితంగా జీర్ణక్రియ మెరుగవుతుంది..
నెయ్యిలో యాంటీ-ఆక్సిడెంట్లు పుష్కలంగా ఉన్నాయి. ఇవి అకాల వృద్ధాప్యాన్ని తగ్గించడంలో చాలా ప్రభావవంతంగా ఉంటాయి. చర్మం ముడతలు పడకుండా, దృఢంగా ఉంచడానికి, చర్మం మెరుపును పెంచడానికి నెయ్యిని ఆహారంలో ఉపయోగించండి.
నెయ్యిలో సంతృప్త కొవ్వు ఉండదు. కాబట్టి రోజంతా ఎనర్జిటిక్గా ఉండేందుకు ఉదయం పూట దీనిని సేవించవచ్చు. అంతేకాకుండా నెయ్యి సులభంగా జీర్ణమవుతుంది. త్వరగా జీవక్రియకు తోడ్పడుతుంది. కాబట్టి ఖాళీ కడుపుతో నెయ్యి తీసుకోవడం వల్ల జీర్ణక్రియకు ఎలాంటి ఆటంకాలు ఏర్పడవు.
నెయ్యి చర్మానికి తేమను పునరుద్ధరించడానికి సహాయపడుతుంది. శీతాకాలంలో చర్మంలో తేమ ఇప్పటికే తగ్గిపోతుంది. ఫలితంగా చర్మం పొడిగా, గరుకుగా కనిపిస్తుంది. ఈ సమస్య నుండి బయటపడటానికి నెయ్యి సహాయపడుతుంది. రోజూ నెయ్యి తీసుకోవడం వల్ల చర్మం లోపల తేమను పొందుతుంది.
వేడి అన్నంలో ఒక చెంచా నెయ్యి వేసుకుని తింటే ఆ మజానే వేరు. అయితే ఖాళీ కడుపుతో నెయ్యి తింటే ఏం జరుగుతుందో ఎప్పుడైనా ఆలోచించారా? రోజూ ఒక చెంచా నెయ్యి తింటే గుండె ఆరోగ్యంగా ఉంటుంది. సాధారణ నెయ్యి అన్నం లేదా రోటీతో తింటారు. కానీ నిపుణుల అభిప్రాయం ప్రకారం నెయ్యితో అధిక ప్రయోజనాలు పొందాలంటే దీనిని ఉదయం పూల ఖాళీ కడుపుతో తినాలని సూచిస్తున్నారు.
నెయ్యి తినడం వల్ల జీర్ణవ్యవస్థ శుభ్రపడుతుంది. ఫలితంగా జీర్ణక్రియ మెరుగవుతుంది. అజీర్తి సమస్య ఉండదు. పేగు ఆరోగ్యాన్ని కాపాడుతుంది. నెయ్యి తింటే మలబద్ధకం సమస్య దూరమవుతుంది. ఇందుకోసం ఉదయం పూట ఖాళీ కడుపుతో ఒక చెంచా నెయ్యి తినాలని నిపుణులు సూచిస్తున్నారు. (నోట్: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే నిపుణులను సంప్రదించండి.)