Eggs: షుగర్ పేషంట్స్ ప్రతి రోజు గుడ్డు తింటే జరిగేది ఇదే
డయాబెటిస్ ఉన్నవారు గుడ్లు తినే విషయంలో చాలామందికి అపోహలున్నాయి. ప్రముఖ వైద్యులు చెప్పేదాని ప్రకారం, రోజుకు ఒకటి లేదా రెండు గుడ్లు తీసుకోవడం సాధారణంగా సురక్షితం. అయితే, వయస్సు, జీర్ణశక్తి, కొలెస్ట్రాల్ స్థాయిలను పరిగణనలోకి తీసుకోవాలి. గుడ్లు పడనివారు లేదా కొలెస్ట్రాల్ సమస్యలున్నవారు వైద్యుల సలహా తీసుకోవడం ముఖ్యం.
డయాబెటిస్ ఉన్నవారి ఆహారంలో గుడ్ల పాత్రపై ప్రజల్లో ఉన్న అపోహలు, సందేహాలను ఈ చర్చలో నివృత్తి చేసుకుందాం. డయాబెటిస్ ఉన్నవారు గుడ్లు తినే విషయంలో కొన్ని జాగ్రత్తలు తీసుకోవాలి. చాలామంది రోజుకు ఒకటి లేదా రెండు గుడ్లు తీసుకుంటూ ఉంటారు. ఇది సాధారణంగా సురక్షితం మరియు పర్వాలేదు. అయితే, కొందరు మూడు, నాలుగు లేదా అంతకంటే ఎక్కువ గుడ్లు తీసుకుంటే, అది వ్యక్తి ఆరోగ్యంపై, ముఖ్యంగా కొలెస్ట్రాల్ స్థాయిలపై ప్రభావం చూపించవచ్చు.
గుడ్డులోని పచ్చసొన (యోక్) కొలెస్ట్రాల్ను పెంచుతుందని ఒక సాధారణ అభిప్రాయం ఉంది. అయితే, కొందరిలో హెచ్డిఎల్ (మంచి కొలెస్ట్రాల్) కూడా పెరగవచ్చు. కానీ బ్యాడ్ కొలెస్ట్రాల్ పెరగకుండా చూసుకోవడం ముఖ్యం. అందువల్ల, కొలెస్ట్రాల్ స్థాయిలను సంవత్సరానికి ఒకసారి పరీక్షించుకోవడం తప్పనిసరి.వయస్సు కూడా గుడ్ల వినియోగంలో ఒక ముఖ్యమైన అంశం. యువకులు, కండ బలం పెంచడానికి ప్రత్యేకంగా వ్యాయామాలు చేసేవారు ఎక్కువ గుడ్లు తీసుకోవచ్చు. కానీ వృద్ధులు, ముఖ్యంగా 65 ఏళ్లు పైబడిన వారు, 20-30 ఏళ్లుగా డయాబెటిస్ ఉన్నవారు ఎక్కువ గుడ్లు తీసుకుంటే జీర్ణ సమస్యలు ఎదుర్కోవచ్చు.
ఇన్సులిన్ స్థాయిలు వయస్సు పెరిగే కొద్దీ తగ్గుతాయి కాబట్టి, జీర్ణశక్తి కూడా తగ్గుతుంది. గుడ్లు తిన్న తర్వాత అరుగుదల సమస్యలు ఉన్నవారు, లేదా అసలు పడనివారు వాటిని తీసుకోకపోవడమే మంచిది. వైద్యులు రెండు గుడ్లు తినవచ్చు అని చెప్పినప్పటికీ, వ్యక్తిగత ఆరోగ్యం, శరీరం స్పందించే విధానం ముఖ్యం.
నేటి ఆధునిక కాలంలో గుడ్ల నాణ్యతపై కూడా చర్చ జరిగింది. నిజమైన నాటు కోడి గుడ్లలో పౌష్టిక విలువలు ఎక్కువగా ఉంటాయని, అవి సహజంగా తయారుఅవుతాయి. అయితే, ప్రస్తుతం మార్కెట్లో "ఆర్గానిక్" లేదా "నాటు కోడి గుడ్లు" పేరుతో చాలా రకాలు వస్తున్నాయని, వాటిలో ఎంతవరకు నిజాయితీ ఉందో చెప్పడం కకష్టం. గ్రామీణ ప్రాంతాల్లో నిజమైన నాటు కోడి గుడ్లు అందుబాటులో ఉంటే వాటిని ఎంచుకోవడం మంచిదని, లేనిపక్షంలో సాధారణ గుడ్లు తీసుకునేటప్పుడు నాణ్యతను పరిశీలించుకోవాలని చెప్తున్నారు నిపుణులు. బ్రౌన్ గుడ్లు కూడా మార్కెట్లో వస్తున్నాయని, వాటి వెనుక ఉన్న సైన్స్ గురించి పరిశీలించుకోవాలని చెప్పారు.
గుడ్లను ఎలా తీసుకుంటున్నారు అనేది కూడా ముఖ్యం. ఉడకబెట్టిన గుడ్లు ఎక్కువగా తీసుకోవడం సాధారణంగా అలవాటు. అయితే, ఆమ్లెట్ లేదా ఎగ్ బుర్జి వంటి వంటకాల్లో నూనె ఎక్కువగా వాడకుండా, అతి తక్కువ నూనెతో తయారు చేసుకోవాలట. కుటుంబంలో సగటున మనిషికి ఒకటి లేదా రెండు గుడ్లకు మించి సాధారణంగా ఉపయోగించరు. బాడీబిల్డింగ్ చేసేవారు లేదా సైనిక శిక్షణలో ఉన్నవారు తప్ప, ఎక్కువ మంది రెండు గుడ్లకు మించి తినరు. మొత్తానికి, గుడ్లు ఇష్టపడేవారు హ్యాపీగా తీసుకోవచ్చు, కానీ పరిమితిని పాటించడం, కొలెస్ట్రాల్ స్థాయిలను పర్యవేక్షించడం, శరీరానికి పడుతుందో లేదో చూసుకోవడం అత్యవసరం అని డాక్టర్ కిరణ్ గంగ స్పష్టం చేశారు.