Yogasanas: రోజూ ఈ యోగాసనాలు వేయడం వల్ల మానసికంగా, శారీరకంగా ఆరోగ్యం
యోగా చేయడం వల్ల అనేక ఆరోగ్య సమస్యలు దూరం అవుతాయి. యోగా మనల్ని మానసికంగా, శారీరకంగా ఆరోగ్యంగా ఉంచుతుంది. ఆరోగ్యంగా, రోజంతా చురుకుదనంతో ఉండాలంటే.. కొన్ని యోగాసనాలు వేయాలి.
యోగా చేయడం వల్ల అనేక ఆరోగ్య సమస్యలు దూరం అవుతాయి. యోగా మనల్ని మానసికంగా, శారీరకంగా ఆరోగ్యంగా ఉంచుతుంది. ఆరోగ్యంగా, రోజంతా చురుకుదనంతో ఉండాలంటే.. ఇంట్లో ఈ యోగా ఆసనాలు వేస్తే మంచిదని పేర్కొంటున్నారు. అవేంటో ఇప్పుడు చూద్దాం..
నౌకాసనం: ఈ ఆసనం వేయడానికి ముందుగా యోగా చాపపై కాళ్లు చాపి కూర్చోవాలి. ఆ తర్వాత మీ పాదాలను ముందుకు ఉంచి.. నడుము నిటారుగా ఉంచండి. అనంతరం చేతులను నడుకు కింద ఉంచి ఆ తర్వాత మోకాళ్లను దగ్గరకు తీసుకొని.. నమస్కారం చేయాలి. పాదాలను నిటారుగా ఉంచి చేతులను ముందుకు చాచాలి.. ఈ యోగా కొంత సేపు చేసిన తర్వాత విరామం తీసుకోవాలి.
మార్గరియాసనం - ఈ ఆసనం చేయడానికి మీ పాదాలను, చేతులను నేలపై ఉంచాలి. శ్వాస తీసుకుంటూ మీ నడుము భాగాన్ని పైకి లేపాలి. శ్వాస తీసుకుంటూ భుజాలను తిప్పుతూ.. నడుము భాగాన్ని కిందకు పైకి కదిలిస్తుండాలి. దీన్ని 5 సార్లు రిపీట్ చేయాలి.
తడసానం - ఈ ఆసనం చేయడానికి ముందుగా నిటారుగా నిలబడండి. ఆ తర్వాత కాలి మీద నిలబడండి. చేతులను పైకి లేపాలి. చేతుల వేళ్లను జోడించి నిటారుగా కాసేపు ఉండండి.. ఈ భంగిమలో కొంత సేపు ఉండండి.
బాలసనం - ముందుగా యోగా మ్యాట్పై వజ్రాసనంలో కూర్చొని .. చేతులను ముందుకి చాచాలి. ఆ తర్వాత మీ తల నేలపై తాకేలా చేయాలి. ఈ భంగిమలో కొంత సేపు ఉండి.. ఆ తర్వాత ప్రారంభ స్థానానికి తిరిగి రావాలి. ఈ భంగిమలను యోగా గురువుల సహాయం తీసుకోని చేయడం మంచిది.
అయితే.. ఈ యోగసనాలు వేసే ముందుకు యోగా గురువులను సంప్రదించి చేయడం మంచిది.