Xiaomi Mi 11: షియోమి నుంచి మరో సూపర్ స్మార్ట్ ఫోన్.. అద్భుతమైన ఫీచర్స్‌.. భారత మార్కెట్లోకి విడుదల ఎప్పుడంటే?
Xiaomi Mi 11:: చైనా స్మార్ట్‌ఫోన్‌ తయారీ సంస్థ షియోమి ఏప్రిల్‌ 23న తన ఎంఐ 11 అల్ట్రాను భారత్‌ మార్కెట్లో విడుదల చేయబోతోంది. షియోమి ఎంఐ 11 సిరీస్‌లో ఎంఐ 11, ఎంఐ 11 ప్రో, ఎంఐ 11....
Xiaomi Mi 11: చైనా స్మార్ట్‌ఫోన్‌ తయారీ సంస్థ షియోమి ఏప్రిల్‌ 23న తన ఎంఐ 11 అల్ట్రాను భారత్‌ మార్కెట్లో విడుదల చేయబోతోంది. షియోమి ఎంఐ 11 సిరీస్‌లో ఎంఐ 11, ఎంఐ 11 ప్రో, ఎంఐ 11 అల్ట్రా, ఎంఐ 11 ఐ, ఎంఐ 11 లైట్‌ సహా మొత్తం ఐదు రకాల మొబైళ్లు విడుదల కానున్నాయి. ఎంఐ 11 అల్ట్రా 5జీ కనెక్టివిటీతో పాటు ఏఐ, గేమింగ్‌, అద్భుతమైన కెమెరా పనితీరు తదితర అద్భుతమైన ఫీచర్స్‌ తీసుకువచ్చింది. కొత్తగా రాబోయే ఈ ఫోన్‌లలో 11 స్నాప్‌డ్రాగన్ 888 SoCతో పనిచేసే మొదటి డివైజ్ అని షియోమి చెప్పుకొచ్చింది. ఇది వివిధ హార్డ్కోర్ టెక్నాలజీలతో లోడ్ అయి వస్తుందని కంపెనీ తెలిపింది.
ఎంఐ 11 అల్ట్రా స్పెసిఫికేషన్లు: ఈ మొబైల్‌లో ఆండ్రాయిడ్ 11 ఆధారిత ఎంఐయూఐ 12 ఆపరేటింగ్ సిస్టంపై ఎంఐ 11 అల్ట్రా పనిచేయనుంది. ఇందులో 6.81 అంగుళాల 2కే డబ్ల్యూక్యూహెచ్‌డీ+ ఈ4 అమోఎల్ఈడీ డిస్ ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉండనున్నట్లు తెలుస్తోంది. కార్నింగ్ గొరిల్లా గ్లాస్ విక్టస్ ప్రొటెక్షన్ కూడా ఇందులో కంపెనీ అందించింది. ఫోన్ వెనకవైపు కూడా 1.1 అంగుళాల అమోఎల్ఈడీ డిస్ ప్లేను షియోమీ అందించడం విశేషం. ఆక్టాకోర్ క్వాల్ కాం స్నాప్ డ్రాగన్ 888 ప్రాసెసర్‌పై ఈ ఫోన్ పనిచేయనుంది. 12 జీబీ వరకు ర్యామ్, 512 జీబీ వరకు స్టోరేజ్ ఇందులో ఉన్నాయి.
ఇక కెమెరాల విషయంలో ఇందులో బ్యాక్‌వైపు మూడు కెమెరాలు ఉన్నాయి. వీటిలో ప్రధాన కెమెరాగా 50 మెగాపిక్సెల్ శాంసంగ్‌జీఎన్2 సెన్సార్‌ను అందించారు. దీంతోపాటు రెండు 48 మెగాపిక్సెల్ సెన్సార్లు కూడా ఉన్నాయి. వీటిలో ఒకటి అల్ట్రా వైడ్ యాంగిల్ సెన్సార్ కాగా, మరొకటి టెలి మాక్రో సెన్సార్. ఈ మూడు సెన్సార్లూ 8కే వీడియో రికార్డింగ్‌ను సపోర్ట్ చేస్తాయి. ఇక సెల్ఫీలు, వీడియో కాల్స్ కోసం ముందువైపు 20 మెగాపిక్సెల్ కెమెరా అందించారు.
బ్యాటరీ సామర్థ్యం: ఇక బ్యాటరీ సామర్థ్యం కూడా బాగానే ఉంది.5000 ఎంఏహెచ్ సామర్థ్యమున్న బ్యాటరీని ఇందులో అందించారు. 67W ఫాస్ట్ చార్జింగ్‌ను ఇది సపోర్ట్ చేయనుంది. 10W రివర్స్ వైర్ లెస్ చార్జింగ్ ఫీచర్ కూడా ఇందులో ఉండటం విశేషం. ఐపీ68 వాటర్ రెసిస్టెంట్ ఫీచర్ కూడా ఇందులో ఉంది. ఇన్ డిస్ ప్లే ఫింగర్ ప్రింట్ సెన్సార్‌ను అందించారు. దీని మందం 0.88 సెంటీమీటర్లు కాగా, బరువు 225 గ్రాములుగా ఉంది.