దేశంలోని అత్యంత సంపన్నుడు, రిలయన్స్ ఇండస్ట్రీస్ ఛైర్మన్ ముఖేష్ అంబానీ నివాసం యాంటిలియా ప్రపంచంలోనే అత్యంత ఖరీదైన గృహాలలో ఒకటి.
యాంటిలియా 2010 సంవత్సరంలో పూర్తయింది. దీనిని చికాగో ఆర్కిటెక్ట్ పార్కిన్స్ రూపొందించారు. కాగా ఆస్ట్రేలియా నిర్మాణ సంస్థ లాంగ్టన్ హోల్డింగ్ దీన్ని నిర్మించింది.
ముంబైలో ఉన్న 27-అంతస్తుల భవనానికి అట్లాంటిక్ మహాసముద్రంలోని పౌరాణిక ద్వీపం యాంటిలియా పేరు పెట్టారు. ఇందులో మూడు హెలిప్యాడ్లు నిర్మించారు. భవనంలో 168 కార్లను పార్క్ చేయవచ్చు. సూపర్ ఫాస్ట్ లిప్ట్లను కూడా ఏర్పాటు చేశారు.
యాంటిలియా అనేది పోర్చుగీస్ పదం 'అంటే+ఇల్హా' నుండి ఉద్భవించింది. దీని అర్థం ఐలాండ్ ఆఫ్ ది అదర్ లేదా అపోజిట్ ఐలాండ్ఈ భవనానికి సంబంధించి ఎన్నో ప్రత్యేకతలు ఉన్నాయి.
యాంటిలియా ముంబైలోని అత్యంత నాగరిక ప్రాంతంలోని అల్టామౌండ్ రోడ్లోని కుంబ్లా హిల్ వద్ద ఉంది. ఈ భవనంలోని ఒక్కో అంతస్తు ఒక్కో విధంగా డిజైన్ చేశారు. ఇందులో అన్ని విలాసవంతమైన సౌకర్యాలు అందుబాటులో ఉన్నాయి.