Toyota Electric Cars: టయోటా నుంచి 30 ఎలక్ట్రిక్‌ కార్లు.. ఎప్పటి వరకు అంటే..!
Toyota Electric Cars: ప్రస్తుతం పెరుగుతున్న పెట్రోల్‌, డీజిల్‌ ధరల కారణంగా కార్ల కంపెనీలు ఎలక్ట్రిక్‌ వాహనాల తయారీ వైపు మొగ్గు చూపుతున్నాయి. ఇప్పటికే ఎలక్ట్రిక్‌ ..
Toyota Electric Cars: ప్రస్తుతం పెరుగుతున్న పెట్రోల్‌, డీజిల్‌ ధరల కారణంగా కార్ల కంపెనీలు ఎలక్ట్రిక్‌ వాహనాల తయారీ వైపు మొగ్గు చూపుతున్నాయి. ఇప్పటికే ఎలక్ట్రిక్‌ కార్లు అందుబాటులోకి వచ్చేందుకు సిద్ధంగా ఉన్నాయి.
ప్రముఖ జపాన్‌ కార్ల తయారీ కంపెనీ టయోటా 2030 నాటికి 30 కొత్త ఎలక్ట్రిక్‌ కార్లను విడుదల చేయనున్నట్లు కంపెనీ వెల్లడించింది. అంతేకాకుండా 2030 నాటికి 35 లక్షల ఎమిషన్‌ రహిత హైడ్రోజన్‌, విద్యుత్‌ వినియోగ కార్లను విక్రయించాలని నిర్ణయించింది.
అయితే ఇంతకు ముందు 20 లక్షల హైడ్రోజన్‌ వినియోకార్లను విక్రయించాలని లక్ష్యంగా పెట్టుకుంది. ప్రపంచ వ్యాప్తంగా ప్రస్తుతం ప్రతి యేటా కోటి కార్లను విక్రయిస్తోంది టయోటా. రియాండ్‌ జిరో సిరీస్‌-బీజెడ్‌ సిరీస్‌ అనే పేరుతో విద్యుత్‌ కార్లను తీసుకువస్తున్నట్లు టయోటా ప్రెసిడెంట్‌ అకియో టయోడా వెల్లడించారు.
వీటిల్లో ఎస్‌యూవీ కార్లతో పాటు అన్ని రకాల పికప్‌ ట్రక్‌లు, స్పోర్ట్స్‌ కార్లు ఉంటాయని తెలిపారు. అయితే 2035 నాటికి ప్రపంచ వ్యాప్తంగా పూర్తి స్థాయిలో విద్యుత్‌ కార్లను మారుస్తామని పేర్కొన్నారు.