TVS: టీవీఎస్‌ నుంచి సరికొత్త బైక్.. గంటకు 215.9 కి.మీ వేగం.. ధర, ఫీచర్స్‌!
2024 TVS Apache RR 310 భారత మార్కెట్లో విడుదలైంది. దీని ధర రూ. 2.75 లక్షల నుండి ప్రారంభమవుతుంది. ఇది ఎక్స్-షోరూమ్ ధర. కొత్త అపాచీ మోటార్‌సైకిల్‌లో కొన్ని అప్‌డేట్‌లు చేసింది కంపెనీ. ఈ కొత్త బైక్ గురించి వివరంగా తెలుసుకోండి..
టీవీఎస్‌ నుంచి కొత్త బైక్ విడుదలైంది. ఈ కొత్త అపాచీ బైక్‌కు కొత్త రంగు ఆప్షన్‌, రేసింగ్ రెడ్ జోడించింది. ఇది కాకుండా, బాంబర్ గ్రే కలర్ కూడా జోడించబడింది. ఇది BMW G 310 RR, Keeway K300 R, KTM RC 390 వంటి బైక్‌లతో పోటీపడనుంది.
ఈ మోటార్‌సైకిల్‌లో 312 cc, లిక్విడ్ కూల్డ్, సింగిల్ సిలిండర్ ఇంజన్ ఉంది. ఇది 9800 rpm వద్ద 38 bhp శక్తిని, 7900 rpm వద్ద 29 Nm టార్క్‌ను ఉత్పత్తి చేస్తుంది.
కొత్త TVS Apache RR 310 ఇంజిన్, పవర్‌ను నిర్వహించడానికి 6-స్పీడ్ గేర్‌బాక్స్‌ను కలిగి ఉంది. దీనితో పాటు, ద్వి-దిశాత్మక క్విక్‌షిఫ్టర్‌లు కూడా అందించింది.
ఫీచర్ల విషయానికొస్తే ఈ బైక్ టీఎఫ్‌టీ డిస్‌ప్లే, క్రూయిజ్ కంట్రోల్, ట్రాక్షన్ కంట్రోల్, నావిగేషన్ సిస్టమ్, బ్లూటూత్ కనెక్టివిటీ వంటి ఫీచర్లతో వస్తుంది. టైర్ ప్రెజర్ మానిటరింగ్ సిస్టమ్ కూడా ఇందులో అందించింది.
ఈ మోటార్‌సైకిల్ నాలుగు రైడింగ్ మోడ్‌లలో వస్తుంది. ట్రాక్, అర్బన్, రెయిన్, స్పోర్ట్. దీని గరిష్ట వేగం గంటకు 215.9 కిలోమీటర్లు.