Drinks for Belly : బెల్లీ ఫ్యాట్‌ని తగ్గించే హెల్తీ డ్రింక్స్.. తప్పకుండా ట్రై చేయండి..!
బెల్లీ ఫ్యాట్‌ను తగ్గించుకోవడానికి చాలా మంది అనేక విధాలుగా ట్రై చేస్తుంటారు. గంటల తరబడి జిమ్‌లో వ్యాయామం చేయడంతోపాటు రకరకాల డైట్‌ పాటిస్తుంటారు.. అయితే, ఇలాంటి వారు కొన్ని రకాల డ్రింక్స్ తాగడం వల్ల మంచి ప్రయోజనం ఉంటుందని పోషకాహార, ఆరోగ్య నిపుణులు చెబుతున్నారు. వీటితో ఎలాంటి సైడ్ ఎఫెక్ట్స్ లేకుండానే ఈజీగా బరువు తగ్గించుకోవచ్చునని చెబుతున్నారు. అవేంటో ఇక్కడ తెలుసుకుందాం..
గ్రీన్ టీ : గ్రీన్ టీలో యాంటీ ఆక్సిడెంట్లు ఉంటాయి.ఇవి బరువు తగ్గించడంలో సహాయపడతాయి. మీరు రోజుకు రెండు నుండి మూడు కప్పుల గ్రీన్ టీ తాగవచ్చు. బరువు తగ్గాలని అనుకునే వారికి ఈ డ్రింక్ చాలా బాగా ఉపయోగపడుతుంది.
పుదీనా నీరు: పుదీనా జీర్ణక్రియను మెరుగుపరచడంతో పాటు కడుపులోని గ్యాస్‌ను తగ్గించడంలో సహాయపడుతుంది. కొన్ని పుదీనా ఆకులను నీటిలో వేసి మరిగించి వడపోసి త్రాగవచ్చు. ఇలా తరుచుగా త్రాగడం వల్ల కొద్ది రోజుల్లోనే మీ బరువు తగ్గుతుంది.
ఫ్రూట్‌ జ్యూస్‌: పండ్ల రసాలతోనూ బెల్లీ ఫ్యాట్‌ను కరిగించుకోవచ్చునని నిపుణులు చెబుతున్నారు. అందులో నారింజ, ద్రాక్ష, ఆపిల్ వంటి పండ్ల రసాలలో విటమిన్లు, ఖనిజాలు పుష్కలంగా ఉంటాయి. ఈ జ్యూస్‌లు మీ శరీరాన్ని పోషించి, బరువు తగ్గడంలో సహాయపడతాయి.
వెజిటెబుల్‌ జ్యూస్‌: కొన్ని రకాల కూరగాయ జ్యూస్‌లు కూడా మీ బరువు అదుపు చేయటంలో మేలు చేస్తాయి. ముఖ్యంగా క్యారెట్, దుంపలు, దోసకాయలు వంటి కూరగాయల రసాలలో ఫైబర్ పుష్కలంగా ఉంటుంది. ఇది మీ కడుపు ఎక్కువసేపు నిండుగా ఉన్న భావనను కలిగిస్తుంది.
పెరుగు: పెరుగులో ప్రోబయోటిక్స్ ఉంటాయి. ఇవి జీర్ణక్రియను మెరుగుపరుస్తాయి. అంతే కాకుండా బరువు తగ్గించడంలో సహాయపడతాయి. మీరు పండ్లు లేదా గింజలు కలిపి కూడా పెరుగు తీసుకోవచ్చు. ఇంకా చెప్పాలంటే, పెరుగు కంటే మజ్జిగ చేసి తాగటం వల్ల మరింత ప్రయోజనం అంటున్నారు.