బ్లూబెర్రీస్: బ్లూబెర్రీస్లో యాంటీ ఆక్సిడెంట్లు, విటమిన్ సి పుష్కలంగా ఉన్నందున ఇవి కూడా గుండె జబ్బుల నుంచి మనల్ని రక్షించగలవు. అలాగే బ్లూబెర్రీస్ రక్తపోటును నియంత్రించి, గుండెపోటును నిరోధిస్తాయి.
అవిసె గింజలు: అవిసె గింజల్లో ఒమేగా-3 కొవ్వు ఆమ్లాలు అధికంగా ఉంటాయి. ఈ విత్తనాలు ఐరన్, మెగ్నీషియం, ఫైబర్కి కూడా మంచి మూలం. ఇంకా అవిసె గింజలకు శరీరంలోని చెడు కొలెస్ట్రాల్ని తగ్గించే శక్తి ఉన్నందున మీరు వీటిని తీసుకోవడం ప్రయోజనకరంగా ఉంటుంది.
సోయాబీన్స్: సోయాబీన్స్లో ఒమేగా-3 మాత్రమే కాక ఫైబర్, ప్రోటీన్లు కూడా ఉంటాయి. ఈ సోమాబీన్స్ను తీసుకోవడం వల్ల గుండె జబ్బుల నుంచి రక్షణ పొందవచ్చు.
వాల్నట్స్: వాల్నట్స్లో ఒమేగా -3 కొవ్వు ఆమ్లాలు అధిక మొత్తంలో ఉంటాయి. ఇవి మీ గుండె పనితీరును మెరుగుపరచడానికి ఎంతగానో ఉపయోగపడతాయి. ఇంకా షుగర్ లెవెల్స్, కొలెస్ట్రాల్ లెవెల్స్ను నియంత్రిస్తాయి.
చేపలు: చేపల్లో కూడా ఒమేగా-3 అధిక మొత్తంలో ఉంటుంది. చేపలను తినడం వల్ల శరీరానికి ఒమేగా 3 తో పాటు మెగ్నీషియం కూడా లభిస్తుంది. ఇది కండరాల పునరుత్పత్తికి ఉపయోగకరంగా ఉంటుంది.