Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

వీరే వారు.. కానీ కండువా మాత్రం మారింది.. కారణం అదేనా?

party change politics in Andhra pradesh, వీరే వారు..  కానీ కండువా మాత్రం మారింది.. కారణం అదేనా?

రాజకీయాల్లో శాశ్వత మిత్రులు.. శాశ్వత శత్రువులు ఉండరంటారు.. ఈ మాట ఎందుకు పుట్టించారో తెలియదు గానీ… అధికారంలో ఏపార్టీ ఉంటే ఆపార్టీలోకి జంప్ అయ్యే నేతలను చూసినప్పుడు మాత్రం ఇది నిజమే అనిపిస్తుంది. ప్రస్తుతం ఏపీలో అధికారంలో ఉన్న వైసీపీలోకి వలసలు ప్రారంభమయ్యాయి. మొన్నటి వరకు బీజేపీలోకి జంపింగ్స్ అధికంగా సాగాయి. తాజాగా వైసీపీలోకి కూడా వలసలు వస్తుండటంతో ఆపార్టీలో ఆశ్రయం పొందే నేతల సంఖ్య పెరుగుతోంది.

మాల మహానాడు అధ్యక్షుడుగా కొనసాగిన జూపూడి ప్రభాకర్‌రావును గతంలో మాజీ సీఎం వైఎస్ రాజశేఖర్‌రెడ్డి ఎమ్మెల్సీ పదవిని కట్టబెట్టారు. అక్కడినుంచి 2014 ఎన్నికల తర్వాత కూడా ఆయన వైసీపీలోనే కొనసాగారు. తీరా కొద్ది కాలం తర్వాత జూపూడి పార్టీ మారి టీపీపీ కండువా కప్పుకున్నారు. ఆయన పార్టీ మారిన వెంటనే జూపూడికి ఎస్సీ కార్పొరేషన్ ఛైర్మన్ పదవిని సైతం కట్టబెట్టారు చంద్రబాబు. ఇక అక్కడి నుంచి వైసీపీ అధినేత జగన్‌పై ఎంతగా విమర్శలు చేశారో తెలిసిందే. విద్యాధికుడైన జూపూడికి సహజంగానే వాక్చాతుర్యం ఎక్కువ. దాంతో తనకు పదవిని సైతం ఇచ్చి ప్రోత్సహించిన టీడీపీ అధినేత చంద్రబాబును కీర్తించడంలో జూపూడికి తిరుగులేకుండా పోయింది. ఇక 2019 ఎన్నికల్లో హైదరాబాద్ కూకట్‌పల్లిలో జూపూడి డబ్బులు పంచారనే ఆరోపణలు కూడా ఉన్నాయి. స్వయంగా ఆయన కారును ఎన్నికల సమయంలో పోలీసులు పట్టుకుని కేసు కూడా నమోదు చేశారు. అంటే టీడీపీ కోసం జూపూడి చాలా కష్టపడ్డారు. అదే సమయంలో అప్పటి ప్రతిపక్ష పార్టీ వైసీపీపై జూపూడి ఎన్నిరకాల విమర్శలు చేశారో కూడా తెలిసిందే. అటువంటి జూపూడి ప్రభాకర్‌రావు తాజాగా.. బ్యాక్ టు హోం అంటూ సొంతిగూటికి చేరున్నారు.

సీఎం జగన్ సమక్షంలో రాజమండ్రికి చెందిన నేత ఆకుల సత్యనారాయణతో కలిసి వైసీపీ కండువా కప్పుకున్నారు. ముందే చెప్పినట్టు మంచి వాక్పటిమ గల నేతగా పేరున్న జూపూడి.. మళ్లీ జగన్‌ను పొగడ్తలతో ముంచెత్తారు. ఏపీలో పరిపాలన ఎంతో ఆశ్చర్యకరంగా సాగుతుందని, సీఎం జగన్‌ను చూస్తే క్యూబా మాజీ అధ్యక్షుడు ఫిడేల్ కాస్ట్రోను చూసినట్టుగా ఉందంటూ ఓ రేంజ్‌లో ఎత్తేశారు. సీఎం జగన్ తీసుకుంటున్న సంచలనాత్మక నిర్ణయాలపై ప్రతిఒక్కరూ చర్చించాల్సిన అవసరం కూడా ఉందన్నారు జూపూడి. ఇక టీడీపీ నుంచి పార్టీ మారడంపై ఆయన చెబుతూ.. అవగాహన లేక టీడీపీలో చేరినట్టు తెలిపారు. అయితే జూపూడి ప్రభాకర్‌రావుకు అటు టీడీపీ, ఇటు వైసీపీ కూడా అక్కున చేర్చుకోవడం వెనుక సామాజికవర్గ సమీకరణాలే కారణమనే అభిప్రాయం వ్యక్తమవుతుంది. ఆయన ఓ సామాజిక వర్గ నేతగా ఎన్నో ఉద్యమాలు చేశారు. ఈ కారణంతోనే మాజీ సీఎం వైఎస్సార్.. జూపూడిని ఎమ్మెల్సీగా అవకాశమిచ్చారు.

ఇక రాజకీయాల్లో పార్టీలు మారడం అనేది సహజంగా జరిగే ప్రక్రియ. గతంలో టీడీపీలో ఉంటూ ఎన్నికల సమయంలో వైసీపీలో చేరిన అప్పటి అనకాపల్లి ఎంపీ, ప్రస్తుత ఏపీ పర్యటక మంత్రి అవంతి శ్రీనివాస్, ఒంగోలు పార్లమెంట్ సభ్యుడు మాగుంట శ్రీనివాసులురెడ్డి వంటి ఎంతోమంది అప్పటివరకు టీడీపీలో కొనసాగి ఎన్నికల నాటికి వైసీపీ గూటికి చేరిపార్టీమారి కొత్త రాగం ఎత్తుకోవడం కూడా తెలిసిందే. అయితే రాజకీయ పునరావాసం కోసమే.. కొంతమంది అధికారపార్టీ గూటికి చేరుతున్నారనే విమర్శ మాత్రం ఒకటి బాహాటంగా వినిపిస్తోంది.

Related Tags