Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

వ్యాక్సిన్ వికటించడంతో బాలుడు మృతి.. మరో ముగ్గురి పరిస్థితి విషమం

, వ్యాక్సిన్ వికటించడంతో బాలుడు మృతి.. మరో ముగ్గురి పరిస్థితి విషమం

హైదరాబాద్ : నాంపల్లి అర్బన్ హెల్త్ సెంటర్‌లో వికటించిన వ్యాక్సిన్‌ల వార్త కలకలం రేపుతోంది. నిన్న చిన్నారులకు వేసిన వ్యాక్సిన్‌లు వికటించాయి. ఈ ఘటనలో ఆస్సత్రిలో చికిత్స పొందుతూ ఓ బాలుడు మృతిచెందినట్లు తెలుస్తుంది. మొత్తం 15మంది చిన్నారులు అస్వస్థతకు గురయ్యారు. వీరిలో మరో ముగ్గురు పరిస్థితి విషమంగా ఉన్నట్లు తెలుస్తోంది. ప్రస్తుతం చిన్నారుల్ని చికిత్స నిమిత్తం హెల్త్ సెంటర్‌ నుంచి నిలోఫర్ ఆస్పత్రికి తరలించారు. మరోవైపు పిల్లల తల్లిదండ్రులు ఆందోళన వ్యక్తం చేస్తున్నారు. టీకా వేసిన రెండు గంటల్లోపే పిల్లల ఆరోగ్య పరిస్థితి విషమించిందని ఆరోపిస్తున్నారు. నిన్న నాంపల్లి అర్బన్ హెల్త్ సెంటర్‌లో మొత్తం 90 మంది పిల్లలకు టీకాలు వేసినట్లు అధికారులు చెబుతున్నారు. మరోవైపు ఈ ఘటనపై వైద్యశాఖ మంత్రి ఈటెల రాజేందర్ స్పందించారు. పిల్లలకు మెరుగైన వైద్యం అందించాలని ఆదేశించారు. హుజురాబాద్ నుంచి ఆయన నిలోఫర్ ఆస్పత్రికి బయల్దేరారు.