Watch: తెగించిన పోకిరీలు..! మార్కెట్‌లో మహిళను కత్తితో బెదిరిస్తూ యువకుడు హల్‌చల్..
ఇదంతా చూస్తున్న మరికొందరు వారించకుండా, తమ ఫోన్‌లలో దృశ్యాన్ని వీడియో తీయటంలో బిజీగా ఉన్నారు. కానీ, చివరకు ఆ వ్యక్తి శాంతించడం కూడా వీడియోలో కనిపించింది. అయితే తెల్లటి టోపీ ధరించిన మరో యువకుడు అదే కత్తితో అడుగుపెట్టి మహిళను బెదిరించే ప్రయత్నం చేశాడు.
అమ్మాయిలు, ఆడవాళ్లపై దాడులు, అఘాయిత్యాలు రోజు రోజుకూ పెరిగిపోతున్నాయి. ప్రేమ పేరుతో కొందరు అమ్మాయిలపై దాడులు చేస్తుండగా, మద్యం మత్తులో మరికొందరు ఆడవాళ్లను వేధిస్తున్నారు. ఆకతాయిలు, రౌడీమూకల దాడిలో తీవ్రంగా గాయపడిన మహిళలు ప్రాణాలు కోల్పోయిన ఘటనలు కూడా అనేకం ఉన్నాయి. తాజాగా, బహిరంగ మార్కెట్‌లో ఓ యువకుడు రెచ్చిపోయి ఓ మహిళను కత్తితో పొడుస్తానని బెదిరించాడు. ఢిల్లీలో జరిగిన ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.
ఢిల్లీలోని సుల్తాన్‌పురి ప్రాంతంలోని మార్కెట్‌లో ఓ యువకుడు, మహిళ మధ్య తీవ్ర వాగ్వాదం చోటు చేసుకుంది. ఈ క్రమంలో యువకుడు కత్తిని తీసి ఆమెను పొడుస్తా అంటూ బెదిరించాడు. కొంతమంది స్థానికులు వారిని శాంతింపజేయడానికి ప్రయత్నించారు.
ఈ వీడియో చూడండి..
ఇదంతా చూస్తున్న మరికొందరు వారించకుండా, తమ ఫోన్‌లలో దృశ్యాన్ని వీడియో తీయటంలో బిజీగా ఉన్నారు. కానీ, చివరకు ఆ వ్యక్తి శాంతించడం కూడా వీడియోలో కనిపించింది. అయితే తెల్లటి టోపీ ధరించిన మరో యువకుడు అదే కత్తితో అడుగుపెట్టి మహిళను బెదిరించే ప్రయత్నం చేశాడు. పరిస్థితి చివరకు శాంతియుతంగానే సద్దుమనిగింది.
మరిన్ని జాతీయ వార్తల కోసం క్లిక్ చేయండి..