Delhi: గర్ల్ ఫ్రెండ్ తో షాపింగ్ కు వెళ్లి భార్యకు అడ్డంగా దొరికిపోయిన భర్త.. ఇద్దరినీ దంచికొట్టిన భార్య
ఆ మహిళ భర్త.. తన గర్ల్ఫ్రెండ్తో కలిసి ఢిల్లీలోని ఘాజియాబాద్ మార్కెట్కు వెళ్లాడు. ఇద్దరు కలిసి షాపింగ్ చేశారు. సంతోషంగా గడిపారు. అయితే వీరి ఆనందం ఎంతో సేపు నిలవలేదు. కొద్దిసేపటికే కథ మారిపోయింది.
ఉత్తర భారత దేశంలో కర్వా చౌత్ ప్రసిద్ధి చెందిన పండుగ. మహిళలు తమ భర్తల దీర్ఘాయుస్సుకోసం కుటుంబ సుఖ సంతోషాలతో చేసే పండగ. ఈ పర్వదినం రోజున మహిళలు.. ఉదయం నుంచి ఉపవాసం ఉండి, పూజలు చేసిన తర్వాత రాత్రికే భోజనం చేస్తారు. అయితే ఈ కర్వా చౌత్ సందర్భంగా.. ఢిల్లీలో గురువారం ఓ విచిత్ర ఘటన వెలుగులోకి వచ్చింది. గర్ల్ఫ్రెండ్తో షాపింగ్ వెళ్లిన ఓ వ్యక్తి.. తన భార్యకు అడ్డంగా దొరికిపోయాడు. భర్త చేసిన పని..భార్య కంటపడింది.. అంతే.. ఆ భార్య, నడి రోడ్డు మీద ఇద్దరిపై దాడి చేసింది. ఈ వీడియో ప్రస్తుతం సోషల్ మీడియాలో వైరల్గా మారింది. ఢిల్లీలోని ఘాజియాబాద్ మార్కెట్లో చోటు చేసుకుంది ఈ ఘటన. వివరాల్లోకి వెళ్తే..
కొన్ని రోజుల క్రితం, ఓ మహిళకు తన భర్తతో గొడవపడింది. దీంతో ఆమె అలిగి.. అదే ఊర్లో ఉన్న తన పుట్టింటికి వెళ్ళింది. అయితే గురువారం ఆ మహిళ భర్త.. తన గర్ల్ఫ్రెండ్తో కలిసి ఘాజియాబాద్ మార్కెట్కు వెళ్లాడు. ఇద్దరు కలిసి షాపింగ్ చేసి.. సంతోషంగా గడిపారు. అయితే వీరి ఆనందం ఎంతో సేపు నిలవలేదు. కొద్దిసేపటికే సీన్ మొత్తం రివర్స్ అయింది..
భర్త గర్ల్ ఫ్రెండ్ షాపింగ్ కు వెళ్లిన ఆ మార్కెట్కు అదే సమయంలో తన తల్లి, స్నేహితులతో కలిసి వెళ్లింది ఆ వ్యక్తి భార్య. భర్త, అతని గర్ల్ఫ్రెండ్ షాపింగ్ చేస్తుండటం చూసి షాక్కు గురైంది. అంతే.. భర్తపై దాడి చేసింది. భార్య తన స్నేహితులతో కలిసి భర్త కాలర్ పట్టుకుని కొట్టింది. ఇందుకు ఆమె తల్లి కూడా సహకరించింది. సినిమాలోని సన్నివేశంలా ఉన్న సంఘటనను స్థానికులు తమ కెమెరాల్లో బంధించారు. అదే సమయంలో.. ఆ గర్ల్ఫ్రెండ్ అడ్డుకునేందుకు ప్రయత్నించింది. ఫలితంగా ఆమె కూడా ఆ మహిళ చేతుల్లో దెబ్బలు తినాల్సి వచ్చింది.
భర్తను కొడుతున్న భార్య
करवा चौथ के दिन दूसरी महिला काे शॉपिंग करवाने आया था पति। पत्नी ने पकड़ा। https://t.co/T3jB1xVOWn pic.twitter.com/gSFGxGaghn
— Ankit tiwari/अंकित तिवारी (@ankitnbt) October 13, 2022
అయితే తన షాప్ ముందు జరిగిన ఈ గొడవ పై అసంతృప్తి వ్యక్తం చేశాడు యజమాని. ‘బయటకు వెళ్లి కొట్టుకోండి,’ అంటూ పదేపదే అరిచాడు. తన భర్త, అతని గర్ల్ ఫ్రెండ్ పై ఆ భార్య పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు ప్రారంభించారు. భర్త చేసిన పనిపై నెటిజన్లు ఫన్నీగా కామెంట్స్ చేస్తున్నారు. ‘కర్వా చౌత్ రోజే దొరికిపోయావా?’ అంటూ కొందరు కామెంట్ చేయగా.. ఇలాంటి పనులు చేసే వ్యక్తికీ తగిన బుద్ధి చెప్పాలి,’ అని ఇంకొందరు కామెంట్లు పెడుతున్నారు.
మరిన్ని ట్రెండింగ్ వీడియో వైరల్ వార్తల కోసం ఇక్కడ క్లిక్ చేయండి..