ఎరగా భావించి లోదుస్తులు మింగేసిన పాము.. ఎరక్కపోయి ఎలా ఇరుక్కుపోయిందో చూడండి…
ఎరగా భావించినా పాము లోదుస్తులను మింగేందుకు ప్రయత్నించింది. కానీ, అటు మింగలేక, కక్కలేక నానా అవస్థలు పడింది. చివరకు
పాము..అన్న మాట వినబడగానే చాలా మంది భయంతో పారిపోతారు. అలాంటిది పామును చూస్తే..ఇక అక్కడ్నుంచి వెంటనే పారిపోతుంటారు. మరికొందరు మాత్రం పాములను స్నేహం చేస్తుంటారు. వాటిని ముద్దు చేస్తుంటారు. ఇకపోతే, సోషల్ మీడియాలో పాములకు సంబంధించిన చాలా వీడియోలు చూస్తుంటాం. పాములు సాధారణంగా కొన్ని జంతువులను, ఎలుకలు, కప్పలు వంటి జీవులను తింటుంటాయి. ఇకపోతే, పాములు జంతువులను మింగేస్తున్న వీడియోలు అనేకం ఇంటర్నెట్లో భయం పుట్టిస్తుంటాయి. అలాంటి వీడియోలు క్షణాల్లో సోషల్ మీడియాలో వైరల్ అవుతున్నాయి. ఎరను కబళించేందుకు ప్రయత్నించిన పాము చేసిన తప్పిదం ఇప్పుడు వైరల్ అవుతోంది. ఎరగా భావించినా పాము లోదుస్తులను మింగేందుకు ప్రయత్నించింది. కానీ, అటు మింగలేక, కక్కలేక నానా అవస్థలు పడింది. చివరకు స్థానికులు, స్నేక్ క్యాచర్ సాయంతో ప్రాణాలతో భయటపడింది. ఈ ఘటన కర్ణాటకలో చోటుచేసుకుంది. పూర్తి వివరాల్లోకి వెళితే…
కర్ణాటక రాష్ట్రం చామరాజనగర్ తాలూకాలోని కోతేతిట్ గ్రామంలో శివకుమార్ అనే వ్యక్తి ఇంట్లోకి పాము ప్రవేశించింది. అయితే, దానికి అక్కడ కొన్ని బట్టలు ఉండటంతో అది ఎరగా బావించింది.. ఏంచక్కా మింగేసి కడుపు నింపుకుందామని భావించింది. ఆకలి మీదున్న ఆ పాము వెంటనే అక్కడున్న లోదుస్తులను మింగేసింది. కానీ, పాపం వాటిని పూర్తిగా మింగలేక అవస్థలు పడింది. నోట్లో నుంచి గొంతులోకి జారకపోవటంతో..అటు ఇటూ తిరుగుతూ నరకయాతన అనుభవించింది. పాము పడుతున్న కష్టాన్ని అక్కడి స్థానికులు గమనించారు. వెంటనే స్నేక్ క్యాచర్కి సమాచారం అందించారు. ఘటనా స్థలానికి చేరుకున్న స్నేక్ క్యాచర్..పామును రక్షించాడు. చాకచక్యంగా అతడు పాము నోట్లో ఉన్న లోదుస్తులను బయటకు తీసి రక్షించాడు.
అనంతరం పామును అడవిలో విడిచిపెట్టారు. దీనికి సంబంధించిన వీడియో సోషల్ మీడియాలో వైరల్గా మారింది. పాములు ఆహారం కోసం ఇలాంటివి మింగడం ఎవరూ ఎప్పుడు చూసి ఉండరు. ఈ వీడియో చూసిన నెటిజన్లు భిన్నమైన కామెంట్స్ చేస్తున్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి