PM Narendra Modi: విషాదం.. కోవిడ్తో ప్రధాని నరేంద్రమోదీ చిన్నమ్మ నర్మదాబెన్ కన్నుమూత
PM Narendra Modi: దేశ వ్యాప్తంగా కరోనా మహమ్మారి తీవ్ర స్థాయిలో విజృంభిస్తోంది. రోజురోజుకు పాజిటివ్ కేసులు, మరణాలు తీవ్ర స్థాయిలో నమోదు కావడంతో ఆందోళన..
PM Narendra Modi: దేశ వ్యాప్తంగా కరోనా మహమ్మారి తీవ్ర స్థాయిలో విజృంభిస్తోంది. రోజురోజుకు పాజిటివ్ కేసులు, మరణాలు తీవ్ర స్థాయిలో నమోదు కావడంతో ఆందోళన రేకెత్తుతోంది. కరోనా మహమ్మారి సామాన్యుల నుంచి ప్రముఖుల వరకు ఎవ్వరిని వదిలి పెట్టడం లేదు. తాజాగా ప్రధాని నరేంద్రమోదీ కుటుంబంలో కూడా విషాదం చోటు చేసుకుంది. కరోనాతో ప్రధాని మోదీ చిన్నమ్మ నర్మదా బెన్ (80) కన్నుమూశారు. కరోనాతో చికిత్స పొందుతూ ఆమె అహ్మదాబాద్లోని ఓ ఆస్పత్రిలో చికిత్స పొందుతూ మరణించారు. ఈ విషయాన్ని ప్రధాని సోదరుడు ప్రహ్లాద్ మోదీ తెలిపారు.
అహ్మదాబాద్లోని న్యూ రణిప్ ప్రాంతంలో తన పిల్లలతో కలిసి నర్మదాబెన్ నివసిస్తుండేది. మా పిన్నిని పది రోజుల కిందట సివిల్ ఆస్పత్రిలో చేర్పించాం. చికిత్స పొందుతూ ఆమె ఈ రోజు మరణించింది.. అని ప్రహ్లాద్ మోదీ మీడియాకు తెలిపారు.
కాగా, ప్రధాని నరేంద్ర మోదీ తండ్రి దామోదర్ దాస్ తమ్ముడు జగ్జీవన్దాస్. ఆయన భార్యే నర్మదాబెన్. చిన్నాన్న ఎప్పుడు మరణించగా, తాజాగా చిన్నమ్మ కన్నుమూసినట్లు ప్రహ్లాద్ మోదీ తెలిపారు.
ఇవీ చదవండి: