పశ్చిమాసియాలో శాంతి స్థాపనకు ముందడుగు.. ఉద్రిక్తతల వేళ ఫ్రాన్స్ అధ్యక్షుడి ప్రధాని మోదీ ఫోన్..!
ఫ్రాన్స్ అధ్యక్షుడు ఇమ్మాన్యుయేల్ మెక్రాన్కు భారత ప్రధాన మంత్రి నరేంద్ర మోదీ ఫోన్ చేశారు. పశ్చిమాసియాలో తాజా పరిస్థితులపై చర్చించారు. యుద్దాన్ని ఆపేందుకు తీసుకోవాల్సిన చర్యలపై ఇరు దేశాధినేతలు మంతనాలు జరిపారు. శాంతి, సుస్థిరత కోసం తాము కట్టుబడి ఉన్నామని ప్రధాని మోదీ స్పష్టం చేశారు. యుద్దంపై ఇప్పటికే గల్ప్ దేశాధినేతలతోనూ ప్రధాని మోదీ చర్చలు జరిపారు.
ఫ్రాన్స్ అధ్యక్షుడు ఇమ్మాన్యుయేల్ మెక్రాన్కు భారత ప్రధాన మంత్రి నరేంద్ర మోదీ ఫోన్ చేశారు. పశ్చిమాసియాలో తాజా పరిస్థితులపై చర్చించారు. యుద్దాన్ని ఆపేందుకు తీసుకోవాల్సిన చర్యలపై ఇరు దేశాధినేతలు మంతనాలు జరిపారు. శాంతి, సుస్థిరత కోసం తాము కట్టుబడి ఉన్నామని ప్రధాని మోదీ స్పష్టం చేశారు. యుద్దంపై ఇప్పటికే గల్ప్ దేశాధినేతలతోనూ ప్రధాని మోదీ చర్చలు జరిపారు.
గురువారం ఫ్రెంచ్ అధ్యక్షుడు ఇమ్మాన్యుయేల్ మాక్రాన్తో ప్రధానమంత్రి నరేంద్ర మోదీ మాట్లాడారు. ఇరాన్, అమెరికా, ఇజ్రాయెల్ మధ్య వివాదం తర్వాత మధ్యప్రాచ్యంలో ఉద్రిక్తతలు పెరుగుతున్న నేపథ్యంలో ఫ్రెంచ్ అధ్యక్షుడితో ప్రధాని మోదీ సంభాషణ ప్రాధాన్యత సంతరించుకుంది. పశ్చిమాసియాలో మారుతున్న పరిస్థితి గురించి భారత్, ఫ్రాన్స్ దేశాలు ఆందోళన వ్యక్తం చేశాయి. ఇరు దేశాల చర్చలు, దౌత్యానికి తిరిగి రావాల్సిన అవసరం గురించి చర్చించినట్లు ప్రధాని మోదీ పేర్కొన్నారు.
“నా స్నేహితుడు అధ్యక్షుడు ఇమ్మాన్యుయేల్ మాక్రాన్తో మాట్లాడాను. పశ్చిమాసియాలో మారుతున్న పరిస్థితి, చర్చలు, దౌత్యానికి తిరిగి రావాల్సిన అవసరం గురించి చర్చించాము. వీలైనంత త్వరగా ఈ ప్రాంతంలో శాంతి, స్థిరత్వాన్ని పునరుద్ధరించడానికి మేము కలిసి పనిచేయడం, సమన్వయం చేయడం కొనసాగిస్తాము” అని సోషల్ మీడియా Xలో ప్రధాని మోదీ రాశారు.
Spoke with my friend President Emmanuel Macron today. We discussed our shared concerns over the evolving situation in West Asia and the need for a return to dialogue and diplomacy. We will continue to engage closely and coordinate efforts towards the early restoration of peace…
— Narendra Modi (@narendramodi) March 5, 2026
గురువారం మాక్రాన్తో మాట్లాడటానికి ముందు, ఇరాన్ వివాదం ప్రారంభమైనప్పటి నుండి ప్రధానమంత్రి మోదీ ఎనిమిది మంది పశ్చిమాసియా నాయకులతో మాట్లాడారు. బుధవారం శ్రీలంక తీరంలో అమెరికా ఇరాన్ నావికాదళ నౌకను ముంచివేసిన ఒక రోజు తర్వాత ఈ ఫోన్ కాల్ సంభాషణ జరగడం ప్రాధాన్యత సంతరించుకుంది. దీనితో టెహ్రాన్తో వివాదం దాదాపు భారతదేశానికి చేరుకుంది. లంక తీరంలో జరిగిన ప్రమాదంలో 84 మంది నావికులు మరణించారు. 32 మంది ప్రాణాలతో బయటపడిన వారిని శ్రీలంక అధికారులు రక్షించారు. అంతర్జాతీయ నౌకాదళ వేడుకల్లో పాల్గొన్న తర్వాత ఆ నౌక కొద్ది రోజుల ముందే భారతదేశం నుండి బయలుదేరింది.
ఇదిలావుంటే, ఫిబ్రవరి 28న అమెరికా – ఇజ్రాయెల్ కలిసి ఇరాన్పై సంయుక్త సైనిక దాడి చేసి ఇరాన్ సుప్రీం నాయకుడు ఆయతుల్లా అలీ ఖమేనీని చంపడంతో పశ్చిమాసియాలో అగ్ని రాజుకుంది. ఈ దాడి తర్వాత, ఇరాన్ ప్రతీకార చర్యకు పూనుకుంది. యుఎఇ, బహ్రెయిన్, కువైట్, జోర్డాన్, సౌదీ అరేబియాతో సహా అనేక గల్ఫ్ దేశాలలోని ఇజ్రాయెల్ – యుఎస్ సైనిక స్థావరాలను ఇరాన్ లక్ష్యంగా చేసుకుని వరుస దాడులను ప్రారంభించింది. ఇది భీకర పోరాటానికి దారి తీసింది. రెండు వైపుల నుండి దాడులు మరియు ప్రతిదాడులు జరిగాయి.
కాగా, మార్చి 4న, శ్రీలంక తీరంలో అమెరికా ఒక ఇరానియన్ యుద్ధనౌకను టార్పెడో చేసింది. మార్చి 4న ఉదయం 5:08 గంటలకు ఓడ నుండి ప్రమాద సంకేతం అందిందని శ్రీలంక నావికాదళం తెలిపింది. ఇరానియన్ యుద్ధనౌకలో 180 మంది ఉన్నారు. ఇరాన్ విదేశాంగ మంత్రి అబ్బాస్ అరఘ్చి ఈ దాడిని ఖండిస్తూ, IRIS బాంబు దాడి ముందస్తు హెచ్చరిక లేకుండా జరిగిందని అన్నారు. ఈ మేరకు సోషల్ మీడియా ఎక్స్-పోస్ట్లో, అమెరికా తలపెట్టిన పనికి తీవ్రంగా చింతిస్తుందని అరఘ్చి హెచ్చరించారు.
మరిన్ని జాతీయ వార్తల కోసం ఇక్కడ క్లిక్ చేయండి..