Helpline Number: భారతీయ రైల్వే శాఖ కీలక నిర్ణయం.. ఇక నుంచి అన్ని ఫిర్యాదులు చేయాలంటే 139 నెంబర్‌కే..
Helpline Number: రైల్వే ప్రయాణికుల సౌకర్యం కోసం నిరంతరం పలు ఏర్పాట్లు చేస్తుంటారు. అయితే ఇప్పుడు రైల్వేకు సంబంధించిన..
Helpline Number: రైల్వే ప్రయాణికుల సౌకర్యం కోసం నిరంతరం పలు ఏర్పాట్లు చేస్తుంటారు. అయితే ఇప్పుడు రైల్వేకు సంబంధించిన ఫిర్యాదుల కోసం వివిధ నంబర్లు డయల్‌ చేయాల్సిన అవసరం లేదు. రైల్వేశాఖ అన్ని హెల్ప్‌లైన్‌ నెంబర్లు విలీనం చేసేసింది. ఇప్పుడు ఈ అన్ని నెంబర్లకు బదులుగా 139 నెంబర్‌ డయల్‌ చేస్తే సరిపోతుందని రైల్వే అధికారులు పేర్కొన్నారు. ఇక రైలు ప్రయాణికులు ఇకపై హెల్ప్‌లైన్‌ నెంబర్లన్నీ గుర్తించుకోవాల్సిన అవసరం లేదని రైల్వే తెలిపింది. రైలు ప్రయాణికులు ఇక నుంచి 139 నెంబర్‌కు డయాల్‌ చేసి రైల్వే ప్రయాణానికి సంబంధించి ఏ ఫిర్యాదులైనా తెలియజేయవచ్చని సూచించింది. ఈ కొత్త హెల్ఫ్‌లైన్‌ నెంబర్‌ వినియోగంలోకి రావడంతో మిగిలిన హెల్ప్‌లైన్‌ నెంబర్లు ఇక పని చేయవని రైల్వే శాఖ తెలిపింది.
కాగా, రైళ్ల రాకపోకల సమయాలు, టికెట్‌ బుకింగ్‌ సదుపాయం, రద్దు చేసుకునే సదుపాయం, ప్రయాణ సమయంలో భద్రత, వైద్య సాయం, ఇలా ఎన్నో రకాల సమాచారాన్ని తెలుసుకునేందుకు రైల్వే శాఖ ఈ నెంబర్‌ను అందుబాటులోకి తీసుకువచ్చింది. రైల్వేశాఖలోని హెల్ప్‌లైన్‌ నెంబర్లను దీనికి అనుసంధానం చేసింది. ప్రస్తుతం హెల్ప్‌లైన్‌ నెంబర్‌ 182ను 139లో అనుసంధానం చేయబడింది. అయితే ప్రయాణికుల మరింత సులభతరం చేసేందుకు ఇలాంటి సదుపాయలను అందుబాటులోకి తీసుకువస్తున్నట్లు రైల్వేశాఖ తెలిపింది.
ఇవి చదవండి:
Ayodhya: అయోధ్యలో అత్యాధునిక హంగులతో మరో సదుపాయం.. త్వరలో అందుబాటులోకి వస్తుందన్న కేంద్ర మంత్రి