Accident News: ఘోర రోడ్డు ప్రమాదం.. 15మంది దుర్మరణం.. మరో ఇద్దరికి తీవ్రగాయాలు

మహారాష్ట్రలోని జల్గావ్ జిల్లా యావల్ తాలూకాలో ఆదివారం రాత్రి జరిగిన రోడ్డు ప్రమాదంలో 15 మంది కార్మికులు అక్కడికక్కడే మృతి చెందారు. మరో ఇద్దరు వ్యక్తులు తీవ్రంగా గాయపడ్డారు.

యావల్ తాలూకాలోని కింగ్వాన్ సమీపంలో ఈ ప్రమాదం జరిగింది. రాత్రి ఒంటి గంట సమయంలో,   యవల్ చోప్రా రోడ్‌లోని ఒక మలుపు వద్ద వాహనంపై డ్రైవర్ నియంత్రణ కోల్పోవడంతో ట్రక్ బోల్తా పడింది. సదరు ట్రక్ బొప్పాయి పంటను మార్కెట్‌కు తీసువెళ్తుండగా ఈ దారుణం జరిగింది. ట్రక్కులో నింపిన బొప్పాయి పంటపైన ప్రాణాలు కోల్పోయిన కూలీలు కూర్చున్నాడు. ఈ రహదారిలో చాలా గుంతలు ఉండటం వల్లే ట్రక్ బోల్తా పడిందని స్థానికులు చెబుతున్నారు.

ఈ సంఘటనకు సంబంధించిన సమాచారం అందుకున్న జల్గావ్, యావల్ పోలీసులు స్పాట్‌కు చేరుకున్నారు. బోల్తాపడిన ట్రక్కును క్రేన్ సహాయంతో సరిచేశారు. అనంతరం కార్మికుల మృతదేహాలను వెలికి తీశారు. గాయపడిన ఇద్దరు ప్రస్తుతం సమీపంలోని ఆసుపత్రిలో చికిత్స పొందుతున్నారు.