Operation Sindoor: బాల హీరోకు భారత సైన్యం గుర్తింపు… శ్వాణ్ సింగ్ చదువు ఖర్చు భరించనున్నట్టు ప్రకటన
బాల హీరో శ్వాణ్ సింగ్కు భారత సైన్యం గుర్తింపు లభించింది. పదేళ్ల బాలుడి చదువు ఖర్చు భరించనున్నట్టు ఇండియన్ ఆర్మీ ప్రకటించింది. శ్వాణ్ సేవా నిరతి, బాలుడి ధైర్యసాహసాలు దేశంలో ప్రతి ఒక్కరికి ఆదర్శంగా నిలవాలని ఆర్మీ స్పష్టం చేసింది. పంజాబ్కు చెందిన శ్వాణ్ సింగ్...
బాల హీరో శ్వాణ్ సింగ్కు భారత సైన్యం గుర్తింపు లభించింది. పదేళ్ల బాలుడి చదువు ఖర్చు భరించనున్నట్టు ఇండియన్ ఆర్మీ ప్రకటించింది. శ్వాణ్ సేవా నిరతి, బాలుడి ధైర్యసాహసాలు దేశంలో ప్రతి ఒక్కరికి ఆదర్శంగా నిలవాలని ఆర్మీ స్పష్టం చేసింది. పంజాబ్కు చెందిన శ్వాణ్ సింగ్ ఆపరేషన్ సింధూర్ సమయంలో భారత సైనికులకు ఆహారాన్ని అందించిన విషయం తెలిసిందే.
పెహల్గామ్ ఉగ్ర ఘటనకు బదులుగా పాకిస్థాన్లోని ఉగ్ర, సైనిక స్థావరాలే లక్ష్యంగా భారత సైన్యం ఆపరేషన్ సిందూర్ చేపట్టింది. ఆపరేషన్ సిందూర్లో భారత్ పైచేయి సాధించింది. పాకిస్తాన్కు చావు దెబ్బ తగిలింది. ఆపరేషన్ సింధూర్లో కీలకపాత్ర పోషించింది మన సరిహద్దు భద్రతాదళం. బీఎస్ఎఫ్ పోరాటంలో మహిళా జవాన్లు కూడా భాగస్వాములయ్యారు. ఈ క్రమంలో ఓ పదేళ్ల బాలుడు సైన్యం దృష్టిని ఆకర్షించాడు.
యుద్ధంలో పాక్ దాడులను మన సైన్యం దీటుగా తిప్పికొడుతున్న వేళ.. భారత సైన్యానికి ఓ పదేళ్ల బాలుడు సపోర్ట్గా నిలిచాడు. సైనికులకు మంచినీరు, పాలు, టీ, లస్సీ.. వంటివి అందిస్తూ ఆపరేషన్లో తాను సైతం ఉన్నానని చాటుకున్నాడు. బాలుడి సేవలను గుర్తించిన స్థానిక సైనికాధికారులు ఆ బాలుడిని సత్కరించారు.
అంతర్జాతీయ సరిహద్దుకు 2 కి.మీ దూరంలో పంజాబ్లోని ఫిరోజ్పుర్ జిల్లా తారావాలీ గ్రామం ఉంది. ఆపరేషన్ సిందూర్ సమయంలో అక్కడ భారీ సంఖ్యలో బలగాలను మోహరించారు. శత్రు దేశంతో భారత సైన్యం తలపడుతున్న వేళ.. అదే గ్రామానికి చెందిన శ్రవణ్ సింగ్ అనే పదేళ్ల కుర్రాడు సైనికులకు తోడుగా నిలిచాడు. వాళ్లు అడగకముందే.. వారికి మంచినీరు, ఐస్, చాయ్, పాలతోపాటు లస్సీ ఇతర ఆహార పదార్థాలను అందించే పనిని భుజానికెత్తుకున్నాడు. ఇది గమనించిన స్థానిక విభాగం కమాండింగ్ ఆఫీసర్ మేజర్ జనరల్ రంజిత్ సింగ్ మన్రాల్.. ఆ బాలుడిని ప్రశంసలతో ముంచెత్తారు.
పెద్దయ్యాక తానూ సైనికుడిని అవుతా. దేశానికి సేవ చేయాలని అనుకుంటున్నా అని శ్రవణ్ సింగ్ తెలపడం విశేషం.
Indian Army decides to sponsor all educational needs of the Youngest Warrior of ‘#OperationSindoor‘ from Punjab, Master Shvan Singh.
This 10-years old from Ferozepur kept on providing essential eatables, day and night, to the army men deployed in his fields in the border… pic.twitter.com/8xv7kozth4
— All India Radio News (@airnewsalerts) July 20, 2025