Hyperloop India: హైపర్లూప్ టెక్నాలజీపై ప్రయోగాలు.. సత్తా చాటిన చెన్నై ఐఐటీ విద్యార్థులు
IIT Madras students: 350 కిలోమీటర్లు కేవలం 25 నిమిషాల్లో వెళ్లొచ్చు. ఏంటీ షాకయ్యారా? కానీ ఇది త్వరలోనే మన దేశంలోనే నిజం కానుంది. అభివృద్ధి చెందిన దేశాల నుంచి పేద దేశాల వరకు
IIT Madras students: 350 కిలోమీటర్లు కేవలం 25 నిమిషాల్లో వెళ్లొచ్చు. ఏంటీ షాకయ్యారా? కానీ ఇది త్వరలోనే మన దేశంలోనే నిజం కానుంది. అభివృద్ధి చెందిన దేశాల నుంచి పేద దేశాల వరకు, అన్నీ ప్రయాణ సమయాన్ని తగ్గించడానికే ఆలోచిస్తాయి. ప్రస్తుతం రోడ్డు, రైలు, వాయు, సముద్ర మార్గాల ద్వారా ప్రయాణాలు సాగుతున్నాయి. అయితే ఆ సమయాన్ని కూడా తగ్గించేందుకు సరికొత్త టెక్నాలజీలను సృష్టిస్తున్నారు పరిశోధకులు. వాటిల్లో కొత్తది హైపర్లూప్ టెక్నాలజీ. ఈ సాంకేతికతతో 350 కిలోమీటర్ల దూరాన్ని కేవలం 25 నిమిషాల్లో చేరుకోవచ్చు. ఈ హైపర్లూప్ టెక్నాలజీపై అధ్యయనం చేస్తున్నారు చెన్నై ఐఐటీ విద్యార్థులు. ఈ సాంకేతికత అందుబాటులోకి వస్తే, ప్రయాణ సమయాన్ని గణనీయంగా తగ్గించొచ్చని అంటున్నారు చెన్నై ఐఐటీ స్టూడెంట్స్.
ఈ హైపర్ లూప్ ఐడియాను ముందుగా చెప్పారు టెస్లా సీఈఓ ఎలాన్ మస్క్. సాధారణంగా ఓ వాహన వేగం అనేది ఘర్షణ, ఎయిర్ రెసిస్టెన్స్పై ఆధారపడి ఉంటుంది. వేగాన్ని నియంత్రించే ఈ ఫ్రిక్షన్, ఎయిర్ రెసిస్టెన్స్ను హైపర్లూప్ టెక్నాలజీ వినియోగించి అధిగమించొచ్చు. ఈ టెక్నాలజీ సాయంతో ప్రయాణించాలంటే, ఓ భారీ పైప్లైన్ను ఏర్పాటు చేస్తారు. ఆ తర్వాత ఇందులోకి గాలిని పంపించి వాక్యూమ్ను సృష్టిస్తారు. ఆ తర్వాత పాసింజర్ పాడ్ను ఆ ట్యూబ్కు అటాచ్ చేస్తారు. ప్రయాణికుల కంపార్ట్మెంట్ను అయస్కాంత క్షేత్ర విక్షేపం ద్వారా ప్రయాణించేలా చేస్తారు.
అమెరికా, బ్రిటన్, యునైటెడ్ అరబ్ ఎమిరేట్స్ దేశాలు భవిష్యత్తులో ఈ టెక్నాలజీని కార్యరూపంలోకి తెచ్చేందుకు కృషి చేస్తున్నాయి. అయితే, ఈ హైపర్లూప్ టెక్నాలజీ సాయంతో ఓ వాహనాన్ని 100 మీటర్లు నడిపించి ఎన్నో అవార్డులు పొందారు చెన్నై ఐఐటీ విద్యార్థులు. త్వరలోనే 500 మీటర్ల పాటు ప్రయాణించేలా ప్లాన్ చేస్తున్నారు. ఇది విజయవంతమైతే భారత ప్రయాణ చరిత్రలో మరో రికార్డ్ సృష్టించినట్లే అని అంటున్నారు నిపుణులు. ఈ హైపర్లూప్ వాహనం గంటకు 12 వందల 23 కిలోమీటర్ల వేగంతో దూసుకెళ్తుంది.
Also Read: