Gujarat panchayat polls: ఇంట్లో 12 ఓట్లు ఉంటే ఒక్కటి కూడా పడకపాయే.. విషయం తెలిసిన అభ్యర్థి ఏం చేశాడంటే..!
Gujarat panchayat polls: గుజరాత్ రాష్ట్రంలో ఇటీవల గ్రామ పంచాయతీ ఎన్నికలు జరిగిన విషయం తెలిసిందే. ఈ ఎన్నికల్లో పోటీ చేసిన ఓ అభ్యర్థి విచిత్ర
Gujarat panchayat polls: గుజరాత్ రాష్ట్రంలో ఇటీవల గ్రామ పంచాయతీ ఎన్నికలు జరిగిన విషయం తెలిసిందే. ఈ ఎన్నికల్లో పోటీ చేసిన ఓ అభ్యర్థి విచిత్ర పరిస్థితిని ఎదుర్కొన్నాడు. కేవలం ఒక్కటంటే ఒక్క ఓటు మాత్రమే పడటంతో.. అతని మొఖం అంతా వాడిపోయింది. ట్విస్ట్ ఏంటంటే.. కుటుంబంలో మొత్తం 12 మంది సభ్యులకు ఓటు హక్కు ఉండగా.. వీరెవరు కూడా అతనికి ఓటు వేయకపోవడం కొస మెరుపు. వివరాల్లోకెళితే.. గుజరాత్లోని వాపి జిల్లా చర్వాలా గ్రామంలో సర్పంచ్ పదవికి సంతోష్ అనే అభ్యర్థి నామినేషన్ దాఖలు చేశారు.
ఊర్లో వారు వేయకపోయినా.. తన కుటుంబంలో ఉన్న 12 మంది సభ్యులైనా తనకు ఓటు వేస్తారని ఆశించాడు. పోలింగ్ పూర్తయిన తరువాత ఎన్నికల అధికారులు ఓట్ల లెక్కింపు చేపట్టారు. ఎన్నికల్లో సంతోష్కు కేవలం ఒక్క ఓటు మాత్రమే పడింది. అది కూడా తన ఓటు మాత్రమే పడటం విశేషం. ఒక్క ఓటు మాత్రమే పడిందని తీవ్ర వేదనకు గురైన సంతోష్.. కౌంటింగ్ కేంద్రం వద్ద రచ్చ రచ్చ చేశాడు. సొంత కుటుంబ సభ్యులు కూడా తనకు ఓటు వేయలేదని బోరున విలపించాడు. కౌంటింగ్ ప్రక్రియ పూర్తయిన తరువాత అతని ఇంటికి కూడా వెళ్లలేదని తెలుస్తోంది.
Also read:
Hair Care: జుట్టు తెల్లబడటం మొదలైందా..కంగారు పడవద్దు..వెంటనే ఇలా చేయండి..
Aadhaar Update: ఆధార్లో మీ పుట్టిన తేదీ తప్పుగా ఉందా..? మార్చుకోండిలా..!