శ్రద్ధా హత్య కేసులో కీలకంగా మారిన నార్కో, పాలిగ్రాఫ్ టెస్టులు.. ఇంతకీ ఈ రెండింటి మధ్య తేడా ఏంటో తెలుసా.?
ఢిల్లీలో జరిగిన శ్రద్ధా హత్య కేసు యావత్‌ దేశాన్ని ఒక్కసారిగా ఉలిక్కిపడేలా చేసిన విషయం తెలిసిందే. సహజీవనం చేస్తున్న ప్రేయసిని అఫ్తాబ్‌ అమీన్‌ పూనావాలా అత్యంత పాశవికంగా నరికి చంపిన ఘటన అందరినీ షాక్‌కి గురి చేసింది. ఈ నేపథ్యంలోనే ఈ హత్య కేసులో అఫ్తాబ్‌ను పక్కా ఆదారాలతో పట్టుకోవాలని పోలీసులు..
ఢిల్లీలో జరిగిన శ్రద్ధా హత్య కేసు యావత్‌ దేశాన్ని ఒక్కసారిగా ఉలిక్కిపడేలా చేసిన విషయం తెలిసిందే. సహజీవనం చేస్తున్న ప్రేయసిని అఫ్తాబ్‌ అమీన్‌ పూనావాలా అత్యంత పాశవికంగా నరికి చంపిన ఘటన అందరినీ షాక్‌కి గురి చేసింది. ఈ నేపథ్యంలోనే ఈ హత్య కేసులో అఫ్తాబ్‌ను పక్కా ఆదారాలతో పట్టుకోవాలని పోలీసులు డిసైడ్‌ అయ్యాడు. ఇందులో భాగంగానే ఇప్పటికే నార్కో పరీక్షకు అనుమతులు కోరిన పోలీసులు ఇప్పుడు పాలీగ్రాఫ్‌ పరీక్షలు నిర్వహించేందుకు సోమవారం సాకేత్‌ కోర్టులో పిటిషన్‌ వేశారు. ఇక ఈ కేసులో తొలుత పోలీసులను పక్కదారి పట్టించే విధంగా వ్యవహరించాడు నిందితుడు అఫ్తాబ్‌. అయితే చివరికి నేరం ఒప్పుకున్నప్పటికీ.. అతని సమాధానాలు పొంతన లేకుండా ఉంటున్నాయని పోలీసులు అంటున్నారు. ఇంతకు ముందు అఫ్తాబ్‌పై నార్కో అనాలసిస్‌ టెస్ట్ నిర్వహించేందుకు ఢిల్లీ పోలీసులకు సాకేత్‌ కోర్టు అనుమతి ఇచ్చింది. ఈ నేపథ్యంలో అసలు నార్కో టెస్ట్‌కు, పాలిగ్రాఫ్ టెస్ట్‌కు మధ్య తేడా ఏంటన్న దానిపై అందరిలోనూ ఆసక్తి నెలకొంది. ఇంతకీ ఈ రెండు పరీక్షల మధ్య తేడా ఏంటో ఇప్పుడు తెలుసుకుందాం..
పాలిగ్రాఫ్ పరీక్షలో మనిషి రక్తపోటు, పల్స్‌ను మెషిన్స్‌ ద్వారా కొలుస్తారని నిపుణులు చెబుతున్నారు. ఒక వ్యక్తి అబద్ధం చెప్పే విధానాన్ని అతని శారీరక ప్రతిచర్య ద్వారా తెలుసుకోవచ్చు అని నమ్ముతారు. పాలిగ్రాఫ్ పరీక్షలో శరీరంలో మార్పులు కనిపిస్తాయి. ప్రశ్న సమయంలో వ్యక్తి యొక్క గుండె కొట్టుకోవడం, రక్తపోటు, శ్వాస ప్రక్రియలో చాలా మార్పు ఉంటే, ఆ వ్యక్తి అబద్ధం చెబుతున్నాడని నమ్ముతారు. పాలిగ్రాఫ్ మెషిన్ దీన్ని రికార్డ్ చేస్తుంది. ఈ యంత్రంలో అనేక రకాల వైర్లను ఉపయోగిస్తారు. ఈ వైర్లు బీపీ, హృదయ స్పందన రేటు, శ్వాస వేగాన్ని పర్యవేక్షిస్తాయి. ప్రశ్నోత్తరాల సమయంలో, బీపీ బాగా పెరిగిపోతుంటే, గుండె కొట్టుకోవడం వేగంగా జరుగుతుంటే లేదా శ్వాస వేగంగా తీసుకుంటే ఆ వ్యక్తి అసలు వాస్తవాలను దాస్తున్నాడని నమ్ముతారు. అంతా నార్మల్‌గా ఉంటే ఆయన సరిగ్గా మాట్లాడుతున్నారని అర్థం.
నార్కో టెస్ట్ అంటే ఏంటి.?
న్యూ ఢిల్లీలోని ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్ (AIIMS)లో మాజీ మానసిక వైద్యుడు డాక్టర్ రాజ్‌కుమార్, నార్కో పరీక్ష పాలిగ్రాఫ్‌కి చాలా భిన్నమైనదని వివరించారు. ఇందులో నిందితులకు ఇంజక్షన్‌ వేస్తారు. ఈ ఇంజెక్షన్‌లో సోడియం పెంటోథాల్ ఉంటుంది. ఇది శరీరంలోకి ప్రవేశించిన తర్వాత మెదడులో ఊహాశక్తి తగ్గిపోతుంది. వ్యక్తి తనను అడిగే ప్రశ్నలకు సమాధానాలు చెప్పలేడు. ఒక సంఘటన గురించి అడిగినప్పుడు, అతను దాని గురించి సమాచారం ఇవ్వడం ప్రారంభిస్తారు.
నార్కో తర్వాత పాలిగ్రాఫ్ చేస్తారా.?
నార్కో టెస్ట్ తర్వాత పాలిగ్రాఫ్ చేయాల్సిన అవసరం లేదని డాక్టర్ శ్రీనివాస్ చెబుతున్నారు. ఇది వారు ముందుగా ఏ పరీక్ష చేయాలనుకుంటున్నారో కేసు దర్యాప్తు అధికారులపై ఆధారపడి ఉంటుంది. అనేక సందర్భాల్లో పాలిగ్రాఫ్ కంటే నార్కో పరీక్ష మంచిదని కూడా నమ్ముతారు. నార్కో తర్వాత చాలా తక్కువ కేసుల్లో లై డిటెక్టర్ పరీక్ష జరగడానికి ఇదే కారణం. శ్రద్ధా హత్యకేసులో ముందుగా నార్కో చేస్తున్నారు. అటువంటి పరిస్థితిలో, ఇప్పుడు పాలిగ్రాఫ్ పరీక్షను నిర్వహించాలనే ఆశ లేదు.
పరీక్షలు సరైనవని శాస్త్రీయ రుజువు లేదు.
నార్కో, పాలిగ్రాఫ్ పరీక్షలు ఏవీ 100 శాతం ప్రభావవంతంగా లేవని డాక్టర్ రాజ్ కుమార్ చెబుతున్నారు. ఇప్పటి వరకు, అటువంటి శాస్త్రీయ ఆధారాలు కనుగొనలేదు, కాబట్టి ఈ పరీక్షల తర్వాత మొత్తం నిజం తెలుస్తుందని కచ్చితంగా చెప్పలేని పరిస్థితి. శ్రద్ధా హత్యకేసులో నార్కో టెస్టు కచ్చితంగా కేసు దర్యాప్తులో పోలీసులకు దోహదపడుతుందని, అయితే ఈ పరీక్ష తర్వాత మొత్తం నిజాలు వెల్లడవుతాయని డాక్టర్ శ్రీనివాస్ చెబుతున్నారు. అలాగని పాలిగ్రాఫ్ టెస్ట్ చేసినా అఫ్తాబ్‌ నుంచి హత్య కేసు విషయాలు బయటపడతాయని కచ్చితంగా చెప్పలేం.
మరిన్ని జాతీయ వార్తల కోసం క్లిక్ చేయండి..