NV Ramana : సుప్రీంకోర్టు ప్రధాన న్యాయమూర్తిగా రేపు జస్టిస్ ఎన్వీ రమణ ప్రమాణ స్వీకారం, పొన్నవరం పరవశం

N V Ramana

Chief Justice NV Ramana : సుప్రీం కోర్ట్ చీఫ్ జస్టిస్ గా ఎన్వీ రమణ రేపు ప్రమాణస్వీకారం చేయబోతున్నారు‌. 48వ సీజేగా బాధ్యతలు చేపట్టబోతున్నారు. దీంతో కృష్ణా జిల్లాలో ఆయన పుట్టిన గ్రామ ప్రజలు హర్షం వ్యక్తం చేస్తున్నారు. ‌ దేశ అత్యున్నత న్యాయవవస్థకు అధినాయకత్వం వహించే అవకాశం రావడంతో ఎన్వీ రమణ పుట్టిన పల్లె పరవశించిపోతోంది. ఇక, మన తెలుగు బిడ్డ దేశ చీఫ్ జస్టిస్ గా బాధ్యతలు చేపడుతుండంతో హర్షాతిరేకాలు వ్యక్తమవుతున్నాయి. బాబ్డే పదవి కాలం పూర్తి కావడం, సీజేగా రాష్ట్రపతి ఆమోద ముద్రవేయడంతో రేపు సుప్రీం కోర్ట్ 48వ చీఫ్ జస్టిస్ గా ఎన్వీ రమణ బాధ్యతలు అందుకోనున్నారు‌. 16 నెలల పాటు ఆయన సీజేగా సేవలు అందించనున్నారు‌. ఇక, ఎన్వీ రమణ నేపథ్యాన్ని చూస్తే ఆయన వ్యవసాయ కుటుంబం నుంచి వచ్చారు. 1957 ఆగస్టు 27న ఆంధ్రప్రదేశ్ కృష్ణా జిల్లాలోని పొన్నవరం గ్రామంలో రమణ జన్మించారు. 1983 ఫిబ్రవరి 10న అడ్వకేట్ అయ్యారు. ఆంధ్రప్రదేశ్ హైకోర్టులో ప్రాక్టీస్ ప్రారంభించారు. సివిల్, క్రిమినల్, రాజ్యాంగ, కార్మిక, సేవ, ఎన్నికల వ్యవహారాలకు సంబంధించిన అంశాలపై వాదనలు వినిపించారు. ఆంధ్రప్రదేశ్‌లో అదనపు అడ్వకేట్ జనరల్‌గానూ సేవలందించారు. 2000 జూన్ 27న ఏపీ హైకోర్టు పర్మినెంట్ జడ్జిగా నియమితులయ్యారు. 2013 మార్చి 10 నుంచి మే 20 వరకూ ఏపీ హైకోర్టు యాక్టింగ్ ఛీఫ్ జస్టిస్‌గా పనిచేశారు. 2013 సెప్టెంబరు 2న ఢిల్లీ హైకోర్టు ఛీఫ్ జస్టిస్‌గా పదోన్నతి పొందారు. అనంతరం 2014 ఫిబ్రవరి 17న సుప్రీం కోర్టు న్యాయమూర్తిగా నియమితులయ్యారు. ప్రస్తుతం సీజేగా బాధ్యతలు స్వీకరించి 2022 ఆగష్టు 26వరకు ఆయన సేవలు అందించనున్నారు.

మరిన్ని ఇక్కడ చూడండి: Sangam Dairy : సంగం డైరీ చైర్మన్‌గా ధూళిపాళ్ల నరేంద్ర అధికార దుర్వినియోగానికి పాల్పడ్డారు : ఏసీబీ

Indonesia submarine: ఇండోనేషియా జలాంతర్గామి కోసం ఆగని వెతుకులాట..అందులో ఆక్సిజన్ అయిపోతుందేమో అనే టెన్షన్..