Love Story: ప్రేయసి కోసం వెళ్లి బావిలో దూకిన ప్రియుడు.. నాలుగేళ్ళ ప్రేమకు మూడు నిమిషాల్లో అంగీకారం ఎక్కడంటే..

Real Life Love Story

ప్రేమ అదొక అందమైన భావన అంటారు ప్రేమికులు.. అందుకనే తాము ప్రేమించిన వారి కోసం ఎంత దూరమైనా వెళ్తారు.. ఎంతటి త్యాగానికైనా సిద్ధ పడతారు కొందరు. తాము ప్రేమించిన వారి కోసం తమ ప్రేమను దక్కించుకోడానికి ఎంతటి సాహసమైనా చేస్తారు. ఇది చరిత్ర చెప్పిన నిజం.. అయితే తాజాగా ఓ యువకుడు తను ప్రేమించిన అమ్మాయిని కలవాలనుకున్నాడు. అనుకున్నదే తడవుగా అర్ధరాత్రి ప్రేయసి ఇంటికి వెళ్లాడు. ప్లాన్‌ బెడిసికొట్టి.. ఇంట్లో వారి కంట బడడంతో బావిలో దూకేసాడు. ఈ వింత ఘటన బీహార్ లో చోటు చేసుకుంది. తర్వాత ఏం జరిగిదంటే..

ఛాప్రా జిల్లా మోతీరాజ్‌పూర్‌కు చెందిన మున్నారాజ్‌ అనే వ్యక్తి తను ప్రేమించిన యువతిని కలుసుకునేందుకు యువతి ఇంటికి వెళ్లాడు. అదికూడా అర్ధరాత్రి వేళ. ఆ రాత్రి వేళ ఆ ఇంట్లో ప్రేయసి జాడ కనుక్కునే క్రమంలో యువకుడు అడ్డంగా దొరికిపోయాడు. రాత్రివేళ శబ్దాలు రావడంతో ఇంట్లోకి ఎవరో చొరబడ్డారని భావించిన యువతి కుటుంబ సభ్యులు లేచి చూశారు. దాంతో మున్నారాజ్‌ వాళ్లకంటపడ్డాడు. వాళ్లను చూసి పారిపోబోయాడు మున్నారాజ్‌. ఈ క్రమంలో అతన్ని పట్టుకునేందుకు అతని వెంటపడ్డారు. దాంతో వాళ్లబారినుంచి తనను తాను కాపాడుకోడానికి మున్నారాజ్‌ దగ్గర్లోని బావిలోకి దూకేసాడు. అయితే తమ పెళ్ళికి ఒప్పుకుంటేనే తాను బావినుంచి బయటకు వస్తానని షరత్ పెట్టాడు. దీంతో  ఎలాగోలా ఒప్పించి ప్రేమికుడిని బయటకు తీశారు.

అనంతరం ఘటనపై పంచాయితీ పెట్టారు యువతి కుటుంబ సభ్యులు. గ్రామ పెద్దలు ఇరు కుటుంబాలతో మాట్లాడి మున్నారాజ్‌కు తన ప్రేయసినిచ్చి గుడిలో వివాహం జరిపించారు. అలా మున్నారాజ్‌ ప్రేమకథ సుఖాంతమైంది. ఈ పెళ్లిలో ప్రేమికుడి బంధువులు పాల్గొనలేదు. నగర్ పోలీస్ స్టేషన్ పరిధిలోని బిచ్లా తెల్పా నివాసి అయిన ప్రేమికుడి పేరు మున్నా రాజ్ అని స్థానికులు తెలిపారు. ఆ అమ్మాయి పేరు సోని కుమారి, మోతిరాజ్‌పూర్‌లో యువతి ఇల్లు ఉంది. వీరిద్దరి మధ్య నాలుగేళ్లుగా ప్రేమాయణం సాగుతోంది.

మరిన్ని జాతీయ వార్తల కోసం ఇక్కడ క్లిక్ చేయండి..