Bomb Scare: మాస్కో నుంచి ఢిల్లీ వస్తున్న విమానానికి బాంబు బెదిరింపు.. విమానాశ్రయంలో కొనసాగుతున్న సెర్చ ఆపరేషన్..

ఢిల్లీలోని ఇందిరా గాంధీ అంతర్జాతీయ (ఐజీఐ) విమానాశ్రయంలో బాంబు బెదిరింపు కాల్‌ విమానాశ్రయంలో కలకలం రేగింది. మాస్కో నుంచి ఢిల్లీకి వస్తున్న SU 23 ఫ్లైట్‌లో బాంబు ఉన్నట్లుగా వచ్చిన సమాచారంతో ఏయిర్‌పోర్ట్ అధికారులు అలర్ట్ అయ్యారు. దీంతో అన్ని ఏజెన్సీలు అప్రమత్తమయ్యాయి. బాంబ్ డిస్పోజల్ స్క్వాడ్, రెస్క్యూ టీమ్‌లను రంగంలోకి దించారు. రన్‌వే 29లో విమానం ల్యాండ్ అయింది. ప్రయాణికులందరినీ సురక్షితంగా బయటకు తీసుకొచ్చి విమానాన్ని తనిఖీ చేశారు. అయితే అందులో ఎలాంటి బాంబు కనిపించలేదు. దీంతో అధికారులు ఊపిరి పీల్చుకున్నారు.  ఆ తర్వాత విమానం ల్యాండింగ్ నుంచి ప్రయాణికుల భద్రతను దృష్టిలో ఉంచుకుని ముందు జాగ్రత్త చర్యగా అన్ని ఏజెన్సీలు రాత్రిపూట అప్రమత్తమయ్యాయి. ప్రస్తుతం ఎయిర్‌క్రాఫ్ట్ మొత్తం తనిఖీలు జరుగుతుండగా, ఎయిర్‌పోర్టులో బాంబు డిస్పోజల్ స్క్వాడ్‌ను మోహరించారు. ప్రయాణికులందరి లగేజీలను ఒక్కొక్కటిగా తనిఖీ చేస్తున్నారు. భద్రతా పరంగా విమానాశ్రయం మొత్తం హై అలర్ట్‌గా ఉంచారు.

రాత్రి 11:15 గంటలకు ఆలస్యంగా ఓ కాల్ నుంచి ఈ సమాచారం అందింది. అందులో మాస్కో నుంచి వస్తున్న విమానాశ్రయం T3లో బాంబు ఉందని చెప్పారు. మధ్యాహ్నం 2.30 గంటలకు సుర్సా టీమ్‌ను అప్రమత్తం చేశారు. ఆ తర్వాత బాంబ్ డిస్పోజల్ స్క్వాడ్, ఇతర రెస్క్యూ టీమ్‌లను రంగంలోకి దింపారు. విమానాన్ని రన్‌వే 29లో ల్యాండ్ చేశారు. విమానం మొత్తం తనిఖీ చేశారు. ఇందులో ఎలాంటి అనుమానాస్పద వస్తువు దొరకలేదు. ముందుజాగ్రత్తగా అన్నింటిని క్షుణ్ణంగా తనిఖీ చేస్తున్నారు.  

మరిన్ని జాతీయ వార్తల కోసం