హాయిగా నిద్రపోవాలని అనుకుంటున్నారా? ఈ కొత్త పద్ధతిని ట్రై చేసేయండి మరి

Zero Gravity Sleep

అంతరిక్షంలో గురుత్వాకర్షణ శక్తి తక్కువగా ఉన్నప్పుడు వ్యోమగాములు పడుకునే భంగిమను పోలి ఉంటుంది కాబట్టి దీనిని జీరో గ్రావిటీ స్లీపింగ్ వచ్చింది. ఇందులో శరీరాన్ని పూర్తిగా నేలమట్టంగా కాకుండా, కొంచెం వాలుగా ఉంచుతారు. తల భాగాన్ని మరియు మోకాళ్లను హృదయ స్థాయి కంటే సుమారు రెండు, మూడు అంగుళాలు పైకి లేపి, తుంటి భాగం వద్ద 120 డిగ్రీల కోణాన్ని కలిగి ఉండేలా పడుకోవడమే ఈ పద్ధతి ప్రత్యేకత. దీనివల్ల వెన్నెముకపై ఒత్తిడి తగ్గి, శరీరం తేలికగా అనిపిస్తుంది.

ప్రయోజనాలు..

ఈ భంగిమ వల్ల చాలా ఆరోగ్య ప్రయోజనాలు ఉన్నాయని నిపుణులు చెబుతున్నారు.

• వెన్నెముకపై ఒత్తిడి తగ్గడం వల్ల నడుము నొప్పి ఉన్నవారికి ఇది ఎంతో మేలు చేస్తుంది.
• పైన పేర్కొన్నట్లుగా తల భాగాన్ని కొంచెం పైకి ఉంచడం వల్ల వాయుమార్గాలు తెరుచుకుని, గురక మరియు స్లీప్ అప్నియా వంటి సమస్యలు తగ్గుతాయి.
• కాళ్లను కొంచెం పైకి లేపడం వల్ల రక్త ప్రసరణ మెరుగుపడి, కాళ్ల వాపులు, వేరికోస్ వెయిన్స్ సమస్యల నుంచి ఉపశమనం లభిస్తుంది.
• యాసిడిటీ లేదా గ్యాస్ట్రోఇసోఫాగియల్ రిఫ్లక్స్ డిసీజ్ (GERD) ఉన్నవారికి ఈ వాలు నిద్ర ఎంతో సౌకర్యంగా ఉంటుంది.

ఇది ఆచరణాత్మకమేనా?

జీరో గ్రావిటీ పొజిషన్ వినడానికి బాగున్నా, సాధారణ పరుపులపై దీన్ని నిర్వహించడం కొంచెం కష్టమే. అడ్జస్టబుల్ బెడ్స్ ఉంటే సులభం, కానీ లేనివారు కొన్ని దిండ్లు, వెడ్జ్ పిల్లోస్‌ని ఉపయోగించి తలని, మోకాళ్లను పైకి లేపవచ్చు. అయితే, నిద్రలో కదలికలు ఉండటం వల్ల దిండ్లు పక్కకు జరిగిపోయే అవకాశం ఉంది.

నిజానికి, నిద్ర అనేది ఒక ఇంజనీరింగ్ అద్భుతం కాదు, అది మీ శరీరం కోరుకునే విశ్రాంతి. మీకు ఎలాంటి నొప్పులు లేకపోయినా, హాయిగా నిద్ర పడుతున్నా.. మీరు పడుకునే భంగిమ సరైనదే. అయితే, నిద్రలో సౌకర్యం కోసం చిన్నపాటి మార్పులు చేసుకోవడం మంచిది. మంచి నిద్ర కేవలం భంగిమపైనే కాకుండా, ఒత్తిడి లేని మనసు, నిర్ణీత సమయపాలనపై కూడా ఆధారపడి ఉంటుందని గుర్తుంచుకోండి. మీ శరీరం ఏం కోరుకుంటుందో వినండి, అవే మీకు సరిపోయే ఉత్తమమైన పద్ధతులు!