చెమటలు ఎక్కువగా పడుతున్నాయా? మీ శరీరంలో ఈ పోషక లోపం ఉండొచ్చు! జాగ్రత్త..

Feeling Hot All The Time

వేసవి కాలంలో ఎండల వల్ల వేడిగా అనిపించడం సాధారణం. కానీ, వాతావరణం చల్లగా ఉన్నా లేదా ఇతరులతో పోలిస్తే మీకు ఎక్కువగా వేడి అనిపిస్తుంటే, అది శరీరంలోని విటమిన్ లోపానికి సంకేతం కావచ్చు. ముఖ్యంగా విటమిన్ బి12 (Vitamin B12)లోపం వల్ల శరీర ఉష్ణోగ్రత నియంత్రణలో ఇబ్బందులు ఏర్పడతాయి. బి12 లోపించినప్పుడు ఎర్ర రక్త కణాల ఉత్పత్తి తగ్గి, శరీరానికి ఆక్సిజన్ సరఫరా మందగిస్తుంది. దీనివల్ల శరీరంపై ఒత్తిడి పెరిగి, అధికంగా చెమట పట్టడం, వేడి అనిపించడం వంటి లక్షణాలు కనిపిస్తాయి. ఈ పరిస్థితిని నిర్లక్ష్యం చేయకుండా సరైన ఆహారం లేదా వైద్యుల సలహా తీసుకోవడం అవసరం.

శరీరంలోని నరాలు, రక్త కణాల ఆరోగ్యంలో విటమిన్ బి12 కీలక పాత్ర పోషిస్తుంది. ఈ విటమిన్ లోపించినప్పుడు శరీరంలో ఎర్ర రక్త కణాల సంఖ్య తగ్గి రక్తహీనత (Anemia) దారితీస్తుంది. రక్తహీనత వల్ల శరీరంలోని వివిధ భాగాలకు ఆక్సిజన్ సరఫరా తగ్గుతుంది. దీనిని భర్తీ చేయడానికి హృదయ స్పందన వేగవంతమవుతుంది. ఈ ప్రక్రియ వల్ల శరీర అంతర్గత ఉష్ణోగ్రత పెరిగి, మనకు అతిగా వేడి అనిపిస్తుంది.

గుర్తించాల్సిన ఇతర లక్షణాలు:

కేవలం వేడి అనిపించడమే కాకుండా, బి12 లోపం ఉన్నవారిలో ఈ క్రింది లక్షణాలు కూడా కనిపిస్తాయి.

త్వరగా అలసట చెందడం, నీరసం.

శ్వాస తీసుకోవడంలో ఇబ్బంది.

చేతులు లేదా కాళ్ళలో తిమ్మిర్లు రావడం.

మతిమరుపు లేదా ఏకాగ్రత లోపించడం.

పరిష్కార మార్గాలు:

విటమిన్ బి12 లోపాన్ని అధిగమించడానికి ఆహారపు అలవాట్లలో మార్పులు చేసుకోవాలి. చేపలు, గుడ్లు, పాలు, పెరుగు, ఇతర డెయిరీ ఉత్పత్తులలో ఈ విటమిన్ పుష్కలంగా ఉంటుంది. శాఖాహారులు వైద్యుల సలహా మేరకు బి12 సప్లిమెంట్లను వాడవచ్చు.

అధిక వేడి అనేది కేవలం వాతావరణ మార్పుల వల్లనే కాకుండా, అంతర్గత ఆరోగ్య సమస్యల వల్ల కూడా రావచ్చు. మీకు తరచుగా ఇటువంటి ఇబ్బంది ఎదురవుతుంటే, రక్త పరీక్ష చేయించుకుని విటమిన్ స్థాయిలను తనిఖీ చేసుకోవడం మంచిది. సరైన పోషకాహారం తీసుకోవడం ద్వారా ఇటువంటి సమస్యలను సులభంగా దూరం చేసుకోవచ్చు.

మరిన్ని లైఫ్ స్టైల్ న్యూస్ కోసం క్లిక్ చేయండి..