Blue Ciry in India: సన్యాసి శాపంతో నీరు లేని నగరం.. మన దేశంలో బ్లూ సిటీ గురించి మీకు తెలుసా..
రాజస్థాన్ మన దేశ సంస్కృతి, సంప్రదాయానికి నెలవు. ఇక్కడ జోధ్పూర్ నగరాన్ని 'బ్లూ సిటీ' అని కూడా పిలుస్తారు. ఇక్కడ భారీ కోటను చూడటానికి ప్రపంచం నలుమూలల నుంచి ప్రజలు వస్తారు. మీరు కూడా జోధ్పూర్ నగరాన్ని సందర్శించాలని ప్లాన్ చేస్తుంటే, మీరు ఏ ప్రదేశాలను సందర్శించాలో ఈ రోజు తెలుసుకుందాం..
రాజస్థాన్ ఇప్పటికీ తన సంస్కృతి, వారసత్వాన్ని నిలుపుకుంటుంది. ఇక్కడ జైపూర్, బికనీర్, చిత్తౌర్గఢ్, జైసల్మేర్, జోధ్పూర్ నగరాలు వాటి కోటలతో ప్రపంచవ్యాప్తంగా ప్రసిద్ధి చెందాయి. కనుక ఇక్కడ మేము మీకు రాజస్థాన్ నీలి నగరం అని పిలువబడే జోధ్పూర్ నగరం, మెహ్రాన్గఢ్ కోట గురించి తెలుసుకుందాం. జోధ్పూర్ ప్రత్యేకత ఏమిటంటే.. దాహం వేస్తే, మీరు పూర్తిగా చల్లటి, ఫిల్టర్ చేసిన నీటిని ఉచితంగా పొందుతారు.
జోధ్పూర్ నగరం అంత పెద్దది కాకపోయినా.. ఇక్కడ బస చేయడానికి, తినడానికి మీకు మంచి సౌకర్యాలు లభిస్తాయి. కనుక ఈ బ్లూ సిటీని పర్యాటకులు ఎలా ప్రయనించవచ్చునో తెలుసుకుందాం.. దీనితో పాటు ఇక్కడ ఎన్ని రోజులు ట్రిప్ ప్లాన్ చేసుకోవచ్చునో తెలుసుకుందాం..
జోధ్పూర్ లోని మెహ్రాన్ ఘర్ కోట: 'తేరే నామ్', 'హమ్ సాథ్ సాథ్ హై' చిత్రాలే కాదు మెహ్రాన్గఢ్ కోటలో చాలా సినిమాలు షూటింగ్ జరుపుకున్నాయి. మెహ్రాన్గఢ్ అంటే అర్థం చాలా తక్కువ మందికి మాత్రమే తెలుసు. మెహ్రాన్గఢ్ అనే పేరుకు అర్థం సూర్యుని కోట. ఈ కోటను 15వ శతాబ్దంలో రావు జోధా నిర్మించాడు. 1200 ఎకరాలలో విస్తరించి ఉన్న ఈ కోట 400 అడుగుల ఎత్తు వరకు ఉంటుంది. మెహ్రాన్గఢ్ కోటలో చాముండా దేవి ఆలయం కూడా ఉంది. ఈ కోట ప్రతిరోజూ ఉదయం 9 గంటల నుంచి సాయంత్రం 5 గంటల వరకు పర్యాటకుల కోసం తెరిచి ఉంటుంది. ఈ కోట నుంచి నీలి నగరం మొత్తం కనిపిస్తుంది. ఈ కోట నిర్మాణ కథ కూడా చాలా ఆసక్తికరంగా ఉంది. మెహ్రాన్గఢ్ కోట టికెట్ ధర రూ. 200. అదే సమయంలో, సీనియర్ సిటిజన్లు రూ. 100 విలువైన టిక్కెట్లు కొనుగోలు చేయాలి.
చీరియా నాథ్ అనే సాధువు ఇక్కడ నివసించాడని చెబుతారు. కోటను నిర్మించడానికి రాజు సన్యాసిని బలవంతంగా తరలించడానికి ప్రయత్నించినప్పుడు.. ఈ ప్రదేశంలో ఏ కోటను నిర్మించినా.. అక్కడ నీరు ఉండదని అతను శపించాడు. దీని తరువాత రాజు శాప ప్రభావాన్ని తగ్గించడానికి నరబలిని కోరాడు. ఎవరూ ముందుకు రాకపోవడంతో.. స్థానిక రాజు రామ్ మేఘ్వాల్ దీని కోసం తనను తాను త్యాగం చేసుకోవాలని నిర్ణయించుకున్నాడు. ఆ కోట పునాదిలో అతన్ని సజీవంగా పాతిపెట్టారు. సాధువు శాపం కారణంగా ప్రతి 3-4 సంవత్సరాలకు ఒకసారి ఆ ప్రాంతమంతా నీటి కొరత ఏర్పడుతుందని స్థానిక ప్రజలు ఇప్పటికీ నమ్ముతున్నారు.
బ్లూ సిటీ: నగరం నీలం రంగులో ఎందుకు పెయింట్ చేయబడిందో ఆశ్చర్యంగా అనిపించవచ్చు. దీనికి కొన్ని కారణాలు ఉన్నాయి. మొదటిది వేసవికాలంలో ఇంటి లోపలి భాగాలను చల్లగా ఉంచడంలో నీలం రంగు సహాయపడుతుందని నమ్ముతారు. రెండవది గతంలో జోధ్పూర్లోని అనేక చారిత్రాత్మక భవనాలు చెదపురుగుల వల్ల దెబ్బతిన్నాయి. అందువల్ల నీలం రంగు చెదపురుగులను దూరంగా ఉంచుతుందని నమ్ముతారు. చివరగా నగరంలో నివసించే బ్రాహ్మణుల ఇళ్లకు నీలం రంగు వేసేవారని కూడా చెబుతారు
ఘంటా ఘర్ మార్కెట్: జోధ్పూర్లోని అత్యంత ప్రసిద్ధ మార్కెట్ ఘంటా ఘర్ బజార్. ఇక్కడ పర్యాటకులు క్లాక్ టవర్ పైభాగాన్ని కూడా సందర్శించవచ్చు. దీని కోసం పర్యాటకులు రూ. 25 ఖర్చు చేయాల్సి ఉంటుంది. ఈ మార్కెట్లో జోధ్పూర్ సుగంధ ద్రవ్యాలతో పాటు ప్రతి చిన్న, పెద్ద వస్తువు అందుబాటులో ఉంటుంది. ఇక్కడ మీరు అనేక గృహోపకరణాలను కొనుగోలు చేయవచ్చు.
పంచేటియ కొండ, నీలి నగరం: ఇక్కడ ఇళ్ళు నీలం రంగులో పెయింట్ చేయబడ్డాయి. మీరు ఘంటా ఘర్ నుంచి బ్లూ సిటీ, పంచేటియ కొండకు వెళ్ళవచ్చు. ఇక్కడ నుంచి సూర్యాస్తమయాన్ని చూస్తే ఆ దృశ్యం అద్భుతంగా ఉంటుంది. చాలా మంది ఇక్కడకు అస్తమించే సూర్యుడిని చూడటానికి మాత్రమే వస్తారు. ఘంటా ఘర్ నుంచి ఇక్కడికి దూరం 1 నుండి 1.5 కి.మీ. ఉంటుంది.
ఈ ప్రదేశాలు కూడా ప్రసిద్ధి చెందాయి: జోధ్పూర్లో జసన్వ్ థాడా, ఉమైద్ భవన్ ప్యాలెస్లను కూడా సందర్శించవచ్చు. ఈ రెండు ప్రదేశాలు ఇప్పుడు మ్యూజియంలుగా మారాయి. అయితే ఉమైద్ భవన్ ప్యాలెస్లో ఒక భాగం మాత్రమే మ్యూజియంగా ఉంది. ఇక్కడ మిగిలిన ప్రదేశాన్ని 5 స్టార్ హోటల్గా మార్చారు. బాలీవుడ్ నటి ప్రియాంక చోప్రా ఈ ప్యాలెస్లోనే వివాహం చేసుకుంది. ఎలా చేరుకోవాలి మరియు ఎక్కడ బస చేయాలి
మీరు రైలు లేదా విమానం ద్వారా జోధ్పూర్కు వెళ్లగలిగితే.. స్టేషన్ , విమానాశ్రయానికి ప్రధాన నగరానికి చాలా దగ్గరగా ఉన్నాయి. మీరు రాత్రిపూట బస చేయాలనుకుంటే జోధ్పూర్లో జోస్టెల్ను బుక్ చేసుకోవచ్చు. ఒక రాత్రి బస చేయడానికి మీరు ఏసీ డార్మిటరీ గదికి రూ. 500 వరకు అద్దె చెల్లించాల్సి ఉంటుంది.