కిచెన్ టైల్స్ ని కొత్తవాటిలా మెరిపించండి.. అది కూడా తక్కువ ఖర్చుతో..!

Cleaning Hacks

కిచెన్ టైల్స్‌పై నూనె మరకలు, మురికి ఎక్కువగా పేరుకుపోతుంటాయి. వాటిని వెంటనే శుభ్రం చేయకపోతే.. దుమ్ముతో కలిసి గట్టిగా మారిపోతాయి. దాంతో బ్యాక్టీరియా పెరిగి చెడు వాసన కూడా వస్తుంది. అలాంటి సమయంలో ఇంట్లో ఉండే కొన్ని సులభమైన వస్తువులతో నిమిషాల్లోనే కిచెన్ టైల్స్‌ను కొత్త వాటిలా మెరిపించవచ్చు. కిచెన్ టైల్స్ శుభ్రం చేయడానికి కొన్ని సులభమైన చిట్కాలు ఇక్కడ ఉన్నాయి.

బేకింగ్ సోడా

• జిడ్డు మరకలపై బేకింగ్ సోడా అద్భుతంగా పని చేస్తుంది.
• బేకింగ్ సోడాలో నీళ్లు కలిపి చిక్కటి పేస్ట్ లా చేయండి.
• ఆ పేస్ట్‌ను మరకలపై రాసి 10 నిమిషాలు ఉంచండి.
• ఆ తర్వాత స్క్రబ్బర్‌ తో మెల్లిగా రుద్దితే మరకలు పూర్తిగా పోతాయి.

వెనిగర్

• వెనిగర్ నూనె మరకలను తొలగించడమే కాకుండా క్రిములను కూడా చంపేస్తుంది.
• ఒక స్ప్రే బాటిల్‌ లో సగం వెనిగర్, సగం నీరు కలపండి.
• ఈ మిశ్రమాన్ని టైల్స్ మీద స్ప్రే చేసి 10 నిమిషాలు వదిలేయండి.
• ఆ తర్వాత తడి బట్టతో తుడిస్తే టైల్స్ కొత్త వాటిలా మెరిసిపోతాయి.

నిమ్మకాయ, ఉప్పు

• గట్టిగా పట్టిన మరకల కోసం ఈ చిట్కా బాగా పని చేస్తుంది.
• ఒక నిమ్మకాయను సగానికి కట్ చేసి.. దానిపై కొద్దిగా ఉప్పు చల్లండి.
• ఉప్పు చల్లిన నిమ్మకాయతో టైల్స్‌పై రుద్దండి.
• నిమ్మకాయలోని పులుపు (సిట్రిక్ యాసిడ్) జిడ్డును కరిగిస్తుంది. ఉప్పు మురికిని శుభ్రం చేయడంలో సహాయపడుతుంది.

వేడి నీరు, పాత్రల లిక్విడ్

• ఒక బకెట్ వేడి నీటిలో రెండు చెంచాల పాత్రల లిక్విడ్ కలపండి.
• ఆ ద్రావణంలో బట్టను ముంచి.. టైల్స్‌పై తుడవండి.
• ఇలా చేస్తే నూనె మరకలు సులభంగా పోతాయి.

ఈ సులభమైన, తక్కువ ఖర్చుతో కూడిన చిట్కాలతో మీ కిచెన్ టైల్స్‌ ను ఎప్పుడూ శుభ్రంగా, తాజాగా, బ్యాక్టీరియా లేకుండా ఉంచుకోవచ్చు.