Butter Chicken Recipe: ప్రపంచాన్ని ఊపేసిన వంటకం.. ధాబా స్టైల్ బటర్ చికెన్ రెసిపీ
బటర్ చికెన్ భారతీయ వంటకాల్లో ప్రపంచవ్యాప్తంగా అద్భుతమైన గుర్తింపు పొందింది. దీని మఖాని (వెన్న) రుచి ఎంతో ప్రత్యేకమైనది. చికెన్ ముక్కలను వెన్న, మసాలాలు, టొమాటో గ్రేవీలో ఉడికిస్తారు. అందుకే ఈ వంటకం రుచి ఎంతో మధురంగా, క్రీమీగా ఉంటుంది. ఈ వంటకాన్ని మొదట 1950 లో ఢిల్లీలోని మోతీ మహల్ రెస్టారెంట్ సృష్టించింది. తందూర్లో చేసిన చికెన్ మిగిలిపోతే, దానిని పారేయకుండా, దాని రుచి పెంచడం కోసం ఈ గ్రేవీని తయారు చేశారు. ఇది తక్కువ సమయంలోనే ప్రపంచవ్యాప్తంగా ప్రసిద్ధి చెందింది. ఈ అద్భుతమైన వంటకాన్ని మీరే ఇంట్లో ఎలా తయారు చేయాలో ఇప్పుడు తెలుసుకుందాం.
బటర్ చికెన్ తయారు చేయాలంటే ముందుగా చికెన్ను మ్యారినేట్ (మసాలాలు పట్టించడం) చేయాలి. ఈ అరుదైన రెసిపీ రహస్యాన్ని తెలుసుకుంటే, మీరు రెస్టారెంట్ కంటే రుచికరమైన బటర్ చికెన్ను ఇంట్లోనే సులభంగా తయారు చేసుకోవచ్చు. ముఖ్యంగా దాభా స్టైల్ రుచిని ఇంట్లోనే రిక్రియేట్ చేయొచ్చు.
చికెన్ మ్యారినేషన్ కు కావలసినవి:
చికెన్ ముక్కలు – 500 గ్రాములు (బోన్ లెస్)
పెరుగు – 2 టేబుల్ స్పూన్లు
అల్లం-వెల్లుల్లి పేస్ట్ – 1 టీ స్పూన్
కారం – 1 టీ స్పూన్
పసుపు – అర టీ స్పూన్
ఉప్పు – రుచికి సరిపడా
నిమ్మరసం – 1 టీ స్పూన్
తయారీ విధానం:
చికెన్ ముక్కలను శుభ్రంగా కడగాలి.
పైన చెప్పిన పదార్థాలన్నింటినీ చికెన్కు బాగా పట్టించండి.
ఈ మిశ్రమాన్ని కనీసం 30 నిమిషాలు లేదా వీలైతే 4 గంటలు ఫ్రిజ్లో ఉంచండి.
రెండో దశ: చికెన్ ఉడికించడం
మ్యారినేట్ చేసిన చికెన్ను పాన్లో కొద్దిగా నూనె వేసి వేయించండి.
చికెన్ 80 శాతం ఉడికిన తర్వాత దానిని పక్కన పెట్టండి.
మూడవ దశ: క్రీమీ గ్రేవీ తయారీ
కావలసినవి:
వెన్న (బటర్) – 2 టేబుల్ స్పూన్లు
టొమాటోలు – 3 (పెద్దవి, పేస్ట్ చేసుకోవాలి)
ఉల్లిపాయ – 1 (చిన్నది, పేస్ట్ చేసుకోవాలి)
జీడిపప్పు పేస్ట్ – 2 టేబుల్ స్పూన్లు (10-12 జీడిపప్పులను నానబెట్టి పేస్ట్ చేయాలి)
క్రీమ్ (లేదా మీగడ) – 2 టేబుల్ స్పూన్లు
కసూరి మేతి – 1 టీ స్పూన్
యాలకులు, లవంగాలు, దాల్చిన చెక్క – కొద్దిగా
పంచదార (చక్కెర) – అర టీ స్పూన్ (పులుపు తగ్గించడానికి)
తయారీ విధానం:
ఒక మందపాటి పాన్లో వెన్న వేసి కరిగించండి.
యాలకులు, లవంగాలు, దాల్చిన చెక్క వేసి కొద్దిసేపు వేయించండి.
ఉల్లిపాయ పేస్ట్ వేసి బంగారు రంగు వచ్చేవరకు వేయించండి.
టొమాటో పేస్ట్ వేసి, నూనె పైకి తేలేవరకు బాగా ఉడికించండి.
కారం, ధనియాల పొడి, గరం మసాలా వేసి కలపండి.
తరువాత జీడిపప్పు పేస్ట్ వేసి, కొద్దిగా నీరు పోసి గ్రేవీని ఉడికించండి.
గ్రేవీ చిక్కబడిన తర్వాత, ఉప్పు చక్కెర కలపండి.
ఇప్పుడు ముందుగా వేయించిన చికెన్ ముక్కలను గ్రేవీలో వేయండి. 5-7 నిమిషాలు ఉడికించండి.
చివరిగా, క్రీమ్, కసూరి మేతిని చేతితో నలిపి కలపండి.
సర్వింగ్: వేడి వేడి బటర్ చికెన్ను నాన్, రోటీ లేదా బాస్మతి అన్నంతో వడ్డించండి.