White Hair: తెల్ల జుట్టుకి కారణం పోషకాహార లోపం.. డైట్‌లో ఈ ఆహారాలు ఉండాల్సిందే..?
White Hair: ఆధునిక కాలంలో తెల్లజుట్టుతో ఎంతోమంది ఇబ్బంది పడుతున్నారు. దీనిని నివారించడానికి మార్కెట్లో దొరికే బ్యూటీ ప్రొడాక్ట్స్‌ అన్నీ వాడుతున్నారు కానీ
White Hair: ఆధునిక కాలంలో తెల్లజుట్టుతో ఎంతోమంది ఇబ్బంది పడుతున్నారు. దీనిని నివారించడానికి మార్కెట్లో దొరికే బ్యూటీ ప్రొడాక్ట్స్‌ అన్నీ వాడుతున్నారు కానీ ఎటువంటి ఫలితం ఉండదు. అంతేకాదు ఇందులో రసాయనాలు అధిక మోతాదులో ఉండటం వల్ల జుట్టు ఇంకా ప్రమాదంలో పడే అవకాశాలు ఉంటాయి. అందుకే హోం రెమిడిస్ ప్రయత్నిస్తే చాలా మంచిది. దీంతో పాటు పోషకాహార లోపం వల్ల కూడా జుట్టు నెరిసిపోతుంది. అందుకోసం డైట్‌లో సూపర్‌ ఫుడ్స్‌ యాడ్ చేయాలి. అలాంటి ఆహారాల గురించి తెలుసుకుందాం.
1. ఆకు కూరలు
మంచి ఆరోగ్యం కోసం ఎల్లప్పుడూ ఆకుకూరలు తినాలని వైద్యులు సూచిస్తున్నారు. ఇందులో ఫోలిక్ యాసిడ్ ఎక్కువగా ఉంటుంది. ఇది మన జుట్టును ఆరోగ్యంగా ఉంచుతుంది. తలకు చాలా మేలు చేస్తుంది. ఆకుకూరలలో ప్రొటీన్లు పుష్కలంగా ఉంటాయి. ఇవి కణాల పెరుగుదలకు సహకరిస్తాయి. పాలకూర, బచ్చలికూర, క్యాలీఫ్లవర్ మొదలైన ఆహారాలను మీ ఆహారంలో చేర్చుకుంటే మంచిది.
2. పుట్టగొడుగులు
తెల్లజుట్టుని నివారించాలంటే పుట్టగొడుగులు డైట్‌లో చేర్చుకోవాలి. ఇందులో రాగితో పాటు ఐరన్ పుష్కలంగా ఉంటుంది. పుట్టగొడుగులలో యాంటీమైక్రోబయల్, యాంటీ బాక్టీరియల్ లక్షణాలు ఉంటాయి. ఇది శిరోజాలను శుభ్రంగా ఉంచడంలో సహాయపడుతుంది. ఇది ఫ్రీ రాడికల్స్ దెబ్బతినకుండా జుట్టును రక్షిస్తుంది.
3. బ్లూ బెర్రీలు
బ్లూబెర్రీస్‌లో జింక్, అయోడిన్, కాపర్, విటమిన్ బి కాంప్లెక్స్ పుష్కలంగా ఉంటాయి. ఇవి మెలనిన్ పిగ్మెంట్‌ను ఉత్పత్తి చేయడంలో గ్రేట్‌గా సహాయపడుతాయి. తెల్ల జుట్టుని నివారించడంలో తోడ్పడుతాయి.
4. డ్రై ఫ్రూట్స్
డ్రై ఫ్రూట్స్ గొప్ప అల్పాహారం మాత్రమే కాదు ఇందులో అనేక పోషకాలు ఉంటాయి. ఇవి ఆరోగ్యానికి చాలా మేలు చేస్తాయి. ఇవి జుట్టు తెల్లబడకుండా నిరోధిస్తాయి. ప్రతిరోజూ కొన్ని డ్రై ఫ్రూట్స్‌ని తింటే ఆరోగ్యానికి చాలా మంచిది.
5. సాల్మన్, ట్యూనా చేప
సాల్మన్ చేపలో ఒమేగా-3 ఉంటుంది. వెంట్రుకలు పెరగడానికి ఇది సహాయపడుతుంది. ఇందులో ఖనిజాలు, ప్రోటీన్లు, విటమిన్ బి కాంప్లెక్స్ ఎక్కువగా ఉంటాయి. ట్యూనా చేపలో కూడా కొవ్వు ఆమ్లాలు ఒమేగా-3, ప్రోటీన్లు పుష్కలంగా ఉంటాయి. జుట్టు తెల్లబడకుండా కాపాడుతాయి.