Coffee Side Effect: ఉదయాన్నే కాఫీ తాగుతున్నారా? ఈ సమస్యల బారిన పడే ఛాన్స్..
ఉదయాన్నే నిద్ర లేవగానే కాఫీ కోసం తహతహలాడేవాళ్లు చాలామందే ఉంటారు. మీరు కూడా ఉదయం నిద్రలేచిన వెంటనే కాఫీ తాగే అలవాటు ఉందా.. అది ఆరోగ్యానికి చాలా హానికరం అని మీకు తెలుసా?
ఉదయం నిద్ర లేవగానే అలసటగా, నీరసంగా అనిపించే వారు చాలా మంది ఉన్నారు. అప్పుడు చాలా మంది నిద్ర నుంచి తేరుకోవడానికి చురుకుగా ఉండటానికి ఉదయాన్నే కాఫీని తీసుకుంటారు. ఒక సిప్ కాఫీ తాగిన వెంటనే చాలా ఫ్రెష్ గా ఫీలవుతారు. కాఫీ లేకుండా ఉదయం పూర్తికాని వారు చాలా మంది ఉన్నారు. మీరు కూడా అలాంటి వ్యక్తులలో ఒకరా.. ఉదయం నిద్రలేచిన తర్వాత మొదట కాఫీ తాగితున్నారా.. అయితే, ఈ విషయాలు తప్పక తెలుసుకోవాల్సిందే. ఉదయాన్నే ఖాళీ కడుపుతో కాఫీ తాగడం వల్ల మీకు చాలా హానికరం. అవేంటో ఇప్పుడు తెలుసుకుందాం..
ఖాళీ కడుపుతో కాఫీ ఎందుకు తాగకూడదు?
ఉదయం పూట ఖాళీ కడుపుతో కాఫీ తీసుకోకపోవడానికి అనేక కారణాలు ఉన్నాయి. ముఖ్యంగా మహిళలు ఖాళీ కడుపుతో కాఫీ తాగడం మానుకోవాలి. దీనికి మొదటి కారణం ఉదయం పూట ఖాళీ కడుపుతో కాఫీ తీసుకోవడం వల్ల శరీరంలో కార్టిసాల్ హార్మోన్ (స్ట్రెస్ హార్మోన్) స్థాయి పెరుగుతుంది. ఇది అండోత్సర్గము, బరువు, హార్మోన్లపై చెడు ప్రభావాన్ని చూపుతుంది.
ఒత్తిడి హార్మోన్ల స్థాయి ఉదయం ఎక్కువగా ఉంటుంది. సాయంత్రం తక్కువగా ఉంటుంది. ఇటువంటి పరిస్థితిలో, మీరు ఉదయాన్నే కెఫీన్ తీసుకున్నప్పుడు, కార్టిసాల్ స్థాయి తక్కువగా ఉండటానికి బదులుగా పెరుగుతుంది.
కార్టిసాల్ హార్మోన్ మన శరీరానికి చాలా ఉపయోగకరంగా పరిగణించబడుతుంది. కానీ, మీరు ఒత్తిడిలో ఉన్నప్పుడు, కార్టిసాల్ హార్మోన్ ఉత్పత్తి పెరగడం ప్రారంభమవుతుంది. ఇది మీ రక్తంలో చక్కెర స్థాయిని పెంచుతుంది. ఇది ఇన్సులిన్ హార్మోన్ను పెంచుతుంది. అధిక స్థాయి కార్టిసాల్ బరువు పెరగడానికి, నిద్ర సంబంధిత సమస్యలకు కూడా దారి తీస్తుంది.
కాఫీకి బదులుగా ఉదయం ఖాళీ కడుపుతో ఇవి తాగితే బెటర్..
ఉదయం నిద్రలేచిన వెంటనే ఖాళీ కడుపుతో నీరు తాగడం వల్ల మీకు చాలా ఉపయోగకరంగా ఉంటుంది. పగటిపూట, మీరు మేల్కొని ఉన్నప్పుడు, మీరు నీటిని తీసుకుంటారు. కానీ, రాత్రి నిద్రించిన తర్వాత, నిద్రలో దాహం లేకపోవడం వల్ల, శరీరంలో నీటి కొరత ఏర్పడుతుంది. అటువంటి పరిస్థితిలో, మీరు నీటిని తీసుకోవడం అవసరం. మీరు ఉదయం మేల్కొన్న వెంటనే, మీ శరీరం బాగా పని చేయడం ప్రారంభించవచ్చు.
మీరు ఉదయాన్నే 2 నుంచి 3 గ్లాసుల నీటిని తీసుకోవడం చాలా ముఖ్యం. నీరు తాగిన తర్వాత, మీరు కాఫీ లేదా టీ ఏదైనా తినవచ్చు. ఉదయం నిద్రలేచిన వెంటనే సాధారణ నీటిని తాగే అలవాటు మీకు లేకుంటే అందులో కొద్దిగా నిమ్మరసం, తేనె కలుపుకుని తాగవచ్చు. ఉదయాన్నే లెమన్ వాటర్ తీసుకోవడం వల్ల బరువు తగ్గడంతోపాటు రోజంతా తాజాగా అనుభూతి చెందుతారు.
మరిన్ని ఆరోగ్య వార్తల కోసం ఇక్కడ క్లిక్ చేయండి..