Egg Recipes: ఆఫీసుకి టైమ్ అవుతోందా? ఈ సింపుల్ ఎగ్ రెసిపీతో చిటికెలో ప్రోటీన్ నింపేసుకోండి!
ఉదయం వేళ ఆఫీసుకో, కాలేజీకో వెళ్లే హడావిడిలో చాలామంది అల్పాహారాన్ని నిర్లక్ష్యం చేస్తుంటారు. కానీ శరీరం రోజంతా ఉత్సాహంగా ఉండాలంటే ప్రోటీన్ అధికంగా ఉండే బ్రేక్ ఫాస్ట్ చాలా అవసరం. అటువంటి వారికి మైక్రోవేవ్ ఎగ్ రెసిపీ ఒక వరం అని చెప్పవచ్చు. ఎటువంటి హడావిడి లేకుండా, గ్యాస్ స్టవ్ తో పని లేకుండా కేవలం ఒకే నిమిషంలో దీనిని సిద్ధం చేసుకోవచ్చు.
సాధారణంగా మైక్రోవేవ్లో గుడ్డు ఉడికించినప్పుడు అది ఎండిపోయినట్లు అవుతుంది. కానీ, ఇందులో మయోన్నైస్ కలపడం వల్ల అది గుడ్డుకు అవసరమైన తేమను కొవ్వును అందిస్తుంది. దీనివల్ల గుడ్డు ఎండకుండా, ఎంతో మృదువుగా, స్పూన్తో తినడానికి వీలుగా తయారవుతుంది. ఈ హెల్తీ అండ్ టేస్టీ ఎగ్ ఫిక్స్ ఎలా తయారు చేయాలో ఇప్పుడు వివరంగా తెలుసుకుందాం..
కావలసిన పదార్థాలు:
1 గుడ్డు, 1 టేబుల్ స్పూన్ మయోన్నైస్.
రుచి కోసం: ఉప్పు, మిరియాల పొడి (తగినంత).
తయారీ విధానం :
మొదట ఒక మైక్రోవేవ్-సేఫ్ గిన్నెను తీసుకోండి. అందులో గుడ్డును పగలగొట్టి వేయండి. దానికి ఒక టేబుల్ స్పూన్ మయోన్నైస్, ఉప్పు మిరియాల పొడి వేసి బాగా గిలకొట్టండి.
ఆ గిన్నెను మైక్రోవేవ్లో ఉంచి హై మోడ్లో కేవలం 30 సెకన్ల పాటు ఉంచండి.
30 సెకన్ల తర్వాత తీసి ఒకసారి కలపండి. అది ఇంకా ఉడకాలనిపిస్తే మరో 10–15 సెకన్ల పాటు మైక్రోవేవ్లో ఉంచండి.
బయటకు తీసిన తర్వాత ఒక అర నిమిషం పాటు రెస్ట్ ఇవ్వండి. దీనిని టోస్ట్ చేసిన బ్రెడ్తో కలిపి లేదా నేరుగా వేడివేడిగా ఆస్వాదించండి.