పాతబడి పచ్చగా మారిన స్విచ్ బోర్డులు వికారంగా ఉన్నాయా? ఈ చిన్న చిట్కాలతో కొత్తవాటిలా మెరిపించండి!
ఇంటిని ఎంత అందంగా, శుభ్రంగా ఉంచుకున్నా.. గోడలపై ఉండే ఎలక్ట్రికల్ స్విచ్ బోర్డులు మురికిగా ఉంటే ఇంటి లుక్ మొత్తం పాడైపోతుంది. నిరంతరం చేతులతో ముట్టుకోవడం, దుమ్ము, నూనె జిడ్డు పేరుకుపోవడం వల్ల తెల్లటి స్విచ్ బోర్డులు కాలక్రమేణా పసుపు రంగులోకి మారిపోతాయి. వీటిని సాధారణ నీటితో తూడిస్తే కరెంట్ షాక్ వచ్చే ప్రమాదం ఉంది. అలాగే మురికి కూడా వదలదు. ఇంట్లోనే ఉండే కొన్ని సాధారణ వస్తువులతో ఎంతో సురక్షితంగా, సులువుగా స్విచ్ బోర్డులను సరికొత్తగా ఎలా మెరిపించవచ్చో ఇక్కడ చూద్దాం.
ఇళ్లలో నిరంతరం వాడటం వల్ల తెల్లటి ఎలక్ట్రికల్ స్విచ్ బోర్డులపై మురికి పేరుకుపోయి, అవి పసుపు రంగులోకి మారుతుంటాయి. ఈ మొండి పసుపు మరకలను వదిలించి, స్విచ్ బోర్డులను మళ్లీ కొత్తవాటిలా మార్చడానికి ఇంట్లోనే లభించే కొన్ని వస్తువులు అద్భుతంగా పనిచేస్తాయి. వాటిని ఉపయోగించి నిమిషాల్లో ఈ మురికిని వదిలించవచ్చు. అయితే, స్విచ్ బోర్డులను శుభ్రం చేసేటప్పుడు కరెంట్ షాక్ తగలకుండా మెయిన్ పవర్ సప్లైని ఆప్ చేయడం, చేతులకు గ్లౌజులు ధరించడం వంటి భద్రతా నియమాలను ఖచ్చితంగా పాటించాలి.
ముందుగా పాటించాల్సిన అత్యంత కీలకమైన భద్రతా నియమం:
స్విచ్ బోర్డులను క్లీన్ చేయడానికి కనీసం 10 నిమిషాల ముందే ఇంటి మెయిన్ పవర్ సప్లై ని పూర్తిగా ఆప్ చేయాలి. చేతులకు రబ్బర్ గ్లౌజులు వేసుకోవాలి. కాళ్లకు చెప్పులు కచ్చితంగా ధరించాలి. లోపలి వైరింగ్లోకి ఎలాంటి ద్రవాలు వెళ్లకుండా జాగ్రత్త పడాలి.
స్విచ్ బోర్డు క్లీనింగ్ కోసం 3 అద్భుతమైన హోమ్ రెమెడీస్:
తెల్లటి టూత్పేస్ట్ అత్యంత సులభమైన పరిష్కారం:
స్విచ్బోర్డ్పై కొద్దిగా మురికి లేదా పసుపు రంగు ఉంటే, తెల్లటి టూత్పేస్ట్ సులభమైన పరిష్కారం కావచ్చు. ఒక పాత టూత్బ్రష్కు కొద్దిగా టూత్పేస్ట్ పూసి, స్విచ్బోర్డ్ను, ముఖ్యంగా దాని అంచులు, మూలలను మెల్లగా రుద్దండి. ఆ తర్వాత, పొడి, శుభ్రమైన గుడ్డతో తుడవండి. కొన్ని నిమిషాల్లోనే, స్విచ్బోర్డ్ మునుపటి కంటే శుభ్రంగా, మెరిసేలా కనిపిస్తుంది. మరింత బెస్ట్ రిజల్ట్స్ కోసం, జెల్ టూత్పేస్ట్కు బదులుగా సాధారణ తెల్లటి టూత్పేస్ట్ను ఉపయోగించండి.
నిమ్మ, ఉప్పు మిశ్రమం:
మురికి బాగా పట్టి ఉంటే, నిమ్మరసం, ఉప్పు మిశ్రమం ప్రభావవంతంగా పనిచేస్తుంది. నిమ్మకాయలోని సహజ ఆమ్లం మొండి మరకలను వదిలించడానికి సహాయపడుతుంది. ఉప్పు తేలికపాటి స్క్రబ్బర్గా పనిచేస్తుంది. సగానికి కోసిన నిమ్మకాయపై కొద్దిగా ఉప్పు చల్లి, దానితో స్విచ్బోర్డ్ను మెల్లగా రుద్దండి. ఆ తర్వాత, పొడి గుడ్డతో తుడవండి. ఈ పద్ధతి ప్లాస్టిక్కు నష్టం కలగకుండా శుభ్రపరచడానికి సహాయపడుతుంది.
నెయిల్ పాలిష్ రిమూవర్ వాడకం:
కొన్ని స్విచ్బోర్డులపై సిరా మరకలు, నల్లటి మరకలు లేదా తొలగించడానికి కష్టంగా ఉండే మొండి పాత మరకలు ఉండవచ్చు. ఇలాంటి సందర్భంలో కొద్ది మొత్తంలో నెయిల్ పాలిష్ రిమూవర్ను దూది ఉండకు లేదా మెత్తని గుడ్డకు వేసి, మరక ఉన్న ప్రదేశంపై మెల్లగా తుడవాలి. ఈ ఉత్పత్తిలోని ఎసిటోన్ మొండి మరకలను తొలగించడంలో సహాయపడుతుంది. అయితే, చాలా తక్కువ మొత్తంలో వాడి, ముందుగా కనిపించని ప్రదేశంలో పరీక్షించండి. ఎందుకంటే అధిక పరిమాణం ప్లాస్టిక్ ఉపరితలాన్ని ప్రభావితం చేస్తుంది.
ఈ విషయాన్ని గుర్తుంచుకోవడం ముఖ్యం:
స్విచ్బోర్డులను శుభ్రపరిచేటప్పుడు ప్రత్యేక భద్రతా జాగ్రత్తలు తీసుకోవడం చాలా ముఖ్యం. స్విచ్ బోర్డును క్లీన్ చేయడానికి ద్రవాలను నేరుగా బోర్డుపై స్ప్రే చేయకూడదు. బ్రష్ లేదా కాటన్ క్లాత్పై మాత్రమే తీసుకుని తుడవాలి. క్లీనింగ్ పూర్తయ్యాక, బోర్డు పూర్తిగా ఆరిపోయే వరకు కనీసం 15-20 నిమిషాలు పవర్ ఆన్ చేయకూడదు. నెలకోసారి ఈ చిట్కాలను పాటిస్తే మీ ఇంటి స్విచ్ బోర్డులు ఎల్లప్పుడూ సరికొత్తగా మెరుస్తూ ఉంటాయి!
మరిన్ని లైఫ్ స్టైల్ న్యూస్ కోసం క్లిక్ చేయండి..