పెరుగు బాగా పులిసిపోయిందా? పారేయకండి.. ఈ 4 వంటకాలతో పాటు మీ ఇళ్లును మెరిపించుకోండిలా!
ఎండకాలం మొదలైందంటే చాలు గృహిణులకు పాలు, పెరుగును భద్రపరచడం ఒక పెద్ద టాస్క్. ఎంత జాగ్రత్తగా తోడుపెట్టినా కరెంట్ పోయినా లేదా కొద్దిగా సమయం దాటినా పెరుగు అమితంగా పులిసిపోతుంది. చవికి పుల్లగా ఉండటంతో ఇంట్లో లీటరు పాలు పోసి చేసిన పెరుగును తినడానికి ఎవరూ ఇష్టపడరు. చివరకు దానిని సింక్లో పారేయాల్సి వస్తుంది. కానీ, ఆగండి! ఈ పుల్లటి పెరుగు మీ రోజువారీ వంటల రుచిని రెట్టింపు చేయడంతో పాటు, మీ వంటింటి పనులను కూడా సులభం చేయగలదు. అదేలాగో ఇప్పుడు చూద్దాం...
వేసవి కాలంలో ఉష్ణోగ్రతల వల్ల ఇంట్లో తోడుపెట్టిన పెరుగు త్వరగా పులిసిపోవడం (బాగా పులుపు ఎక్కడం) సహజం. చాలామంది తినలేక దీనిని పారేస్తుంటారు. అయితే, ఈ పుల్లటి పెరుగును పారేయకుండా వంటింట్లో ఎంతో స్మార్ట్గా వాడుకోవచ్చని సోషల్ మీడియాలో వైరల్ అవుతున్న హోమ్ క్లీనింగ్, కుకింగ్ హ్యాక్స్ చెబుతున్నాయి. పుల్లటి పెరుగును ఉపయోగించి హోటల్ స్టైల్ సాఫ్ట్ భటురాలు, స్పాంజ్ లాంటి ఇన్స్టంట్ ఢోక్లా, చట్పటా కఢీ (మజ్జిగ చారు), లేదా దోశ-ఉతప్పం పిండిలో కలిపి రుచికరమైన బ్రేక్ఫాస్ట్స్ చేసుకోవచ్చు. అంతేకాకుండా, ఇది ఇళ్లను క్లీన్ చేయడానికి, చర్మ సంరక్షణకు కూడా అద్భుతంగా పనిచేస్తుంది.
సాఫ్ట్ అండ్ స్పాంజ్ ఢోక్లా, భటురా: పెరుగు బాగా పుల్లగా మారితే అది ఇన్స్టంట్ ఫెర్మెంటేషన్ (పులియబెట్టడం) కోసం అద్భుతంగా పనిచేస్తుంది. మీరు ఇన్స్టంట్ ఢోక్లా తయారు చేసేటప్పుడు ఈ పుల్లటి పెరుగును పిండిలో కలిపితే, ఢోక్లాలు ఎంతో మృదువుగా, జల్లెడలా (Spongy) వస్తాయి. అలాగే హోటల్ స్టైల్ భటూరా పిండి కలపడానికి కూడా ఈ పుల్లటి పెరుగు సరిగ్గా సరిపోతుంది.
దోశ, ఉతప్పం, కఢీ (మజ్జిగ చారు): ఇంట్లో దోశ పిండి సరిగ్గా పులవనప్పుడు, ఈ పుల్లటి పెరుగును కొద్దిగా కలిపితే దోశలు క్రిస్పీగా, మంచి రుచితో వస్తాయి. మహారాష్ట్ర, గుజరాతీ శైలిలో శనగపిండి వేసి చేసే కఢీ (మజ్జిగ పులుసు) వండటానికి పుల్లటి పెరుగును వాడితేనే అసలైన రుచి వస్తుంది.
రాగి, ఇత్తడి పాత్రల క్లీనింగ్ హ్యాక్: వంటలకే కాకుండా ఇళ్లను క్లీన్ చేయడానికి కూడా ఇది బాగా ఉపయోగపడుతుంది. పూజా గదిలో ఉండే రాగి, ఇత్తడి గిన్నెలు నల్లగా మారితే.. ఈ పుల్లటి పెరుగులో కొద్దిగా ఉప్పు వేసి పేస్ట్లా చేయాలి. ఈ మిశ్రమాన్ని పాత్రలపై రాసి రుద్దితే, క్షణాల్లో మురికి వదిలిపోయి సరికొత్తగా మెరుస్తాయి.
మొక్కలకు బూస్టర్, హెయిర్ ప్యాక్: పెరుగు మరీ ఎక్కువగా పులిసిపోయి వంటలకు పనికిరాదు అనుకుంటే, ఒక కప్పు పెరుగును 5 లీటర్ల నీళ్లలో కలిపి ఇంట్లోని పూల మొక్కల మొదళ్లలో పోయండి. ఇది మొక్కలకు మంచి పోషక ఎరువుగా ఉపయోగపడుతుంది. అలాగే, ఈ పెరుగును తలకు పట్టించి 20 నిమిషాల తర్వాత స్నానం చేస్తే తలలోని చుండ్రు తగ్గి, జుట్టు మెత్తగా మారుతుంది.
కాబట్టి, ఇకపై మీ ఇంట్లో పెరుగు పుల్లగా మారిందని అస్సలు టెన్షన్ పడకండి. ఈ సింపుల్ టిప్స్తో దానిని స్మార్ట్గా రీసైకిల్ చేసేయండి!
మరిన్ని లైఫ్ స్టైల్ న్యూస్ కోసం క్లిక్ చేయండి..