హీరో కాకుంటే.. బట్టలు అమ్ముకునేవాడిని..

డైలాగ్స్ తో దుమ్ము రేపే తమిళ సింగం సూర్యకు కెమెరా ముందు నిలబడాలంటే వణికిపోయేవాడట… ఇది చెప్పింది ఎవరో కాదు స్వయంగా ఆయనే. ఈ భయంను పోగొట్టుకునేందుకు చాలా కాలం పట్టిందని చెప్పుకొచ్చారు. తనకు మొదట్నుంచీ కెమెరా ఫియర్‌ వుండేదని. నటించడం అంటే కూడా ఎక్కడలేని సిగ్గట. అందుకే మొదట్లో దుస్తుల వ్యాపారం మొదలుపెట్టాడట. అయితే సినిమాలంటే విపరీతమైన పిచ్చి ఉండటంతో మనసు సినిమాల వైపే వుండేదని చెప్పారు.

నటుడిగా కెరీర్‌ మొదలుపెట్టకముందు తమిళ కథానాయకుడు సూర్య బట్టల వ్యాపారం చేయాలనుకున్నాడట. సింగం సూర్య అసలు దుస్తుల వ్యాపారంలోకి ఎందుకు వెళ్లాల్సి వచ్చిందో ఇటీవల వివరించారు.

అయితే ఈ కెమెరా ఫోబియా తనకు చిన్నప్పటి నుండి వుండేదని, స్టిల్‌ కెమెరాకు ఫోజులివ్వమన్నా కంగారు పడేవాడినని, ఒళ్లంతా చెమటలు పట్టేవని చెప్పాడు సింగం సూర్య.